Нэр бүхий иргэн Үндсэн хуулийн цэцэд хандаж Улсын дээд шүүхийн Ерөнхий шүүгч нь Цэцийн даргыг эгүүлэн татах асуудлаар Улсын дээд шүүхийн нийт шүүгчдийн зөвлөгөөний шийдвэргүйгээр; мөн Үндсэн хуулийн цэцийн шийдвэр гараагүй байхад Үндсэн хуульд заасан журмыг зөрчиж Улсын Их Хуралд хариу өгснөөрөө Үндсэн хуулийн Дөчин есдүгээр зүйлийн 1, Тавин нэгдүгээр зүйлийн 1, Жаран тавдугаар зүйлийн 4 дэх хэсгийг тус тус зөрчсөн эсэхийг тогтоолгохоор мэдээлэл ирүүлсэн байна.
Уг асуудлаар маргаан хянан шийдвэрлэх ажиллагаа үүсгэх эсэхийг Үндсэн хуулийн цэц урьдчилан шалгаж байна.
ШУА-ийн Түүх, археологийн хүрээлэнгээс “Монголын археологи” эрдэм шинжилгээний бага хурал, үзэсгэлэнг энэ сарын 4, 5-ны өдрүүдэд 10.00 цагт ШУА-ийн хүрээлэнгүүдийн нэгдсэн 1-р байранд зохион байгуулна. Хурлыг ШУА-ийн Түүхийн хүрээлэнгийн захирал агсан, нэрт археологич, академич Доржхандын Доржийн мэндэлсний 80 жилийн ойд зориулан хийж байна. Хурлын үеэр 2015 онд олж илрүүлсэн олдворуудаар үзэсгэлэн гаргах юм.
NBA-гийн талбайд таван тоглолт боллоо. Өнөөдрийн сүүлийн тоглолт буюу “Лос Анжелес Лейкэрс” талбай дээрээ “Минносато Тембэруолвиз”-ийг хүлээн авч тоглоход Коби Брайнт улирлын хамгийн их 38 оноог авлаа. Мөн энэ тоглолт 115-119 харьцаагаар “Лейкэрс”-ийн ялалтаар өндөрлөж, 10 дараалсан ялагдалаа зогсоолоо. 
Төрийн байгуулалтын байнгын хороо хуралдаж байна. Хэлэлцэх асуудлын хуваарьт багтсан Монгол Улсын Их Хурлын тухай хуульд өөрчлөлт оруулах тухай хуулийг төслийн анхны хэлэлцүүлгийг хийлээ. Уг хуулийг 90,6 хувийн саналаар дэмжиж УИХ-ын чуулганд шилжүүлэхээр болсон юм.
МУСТА дуучин Д.Дариймаа дуулж олны хүртээл болгосон “Монголоороо байгаасай” хэмээх дууг “Ард түмнээ хайрлая” намын дарга Л.Гүндалай дуулж, клип хийлгэсэн нь олон нийтийн цахим сүлжээгээр тархаад буй. Тэрбээр дууны шүлгийг зохиосон Б.Цогжилт, хөгжмийн зохиолч Баян нараас албан ёсны зөвшөөрөл аваагүй аж. Тиймээс уг дууг өмчлөх эрхтэй уран бүтээлчид оюуны өмч хулгайлсан хэргээр шалгуулахаар болсон гэнэ. Үүнтэй холбогдуулан гишүүн асан Л.Гүндалай маргааш “Үндэсний мэдээллийн төв”-д сэтгүүлчдэд мэдээлэл хийх болсноо зарлалаа.
Төсвийн байнгын хорооны хуралдаанаар Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай хуулийн төслүүдийг хэлэлцээд дэмжлээ. Тус хуулийн төслүүдийг баталснаар ирэх долдугаар сард Монгол улсад болох АСЕМ-ын уулзалтын үеэр төрийн тэргүүн нарын үйлчилгээнд явах 350 машиныг татваргүй импортоор оруулж ирэх юм. Хэлэлцэж байгаа асуудалтай холбогдуулан гишүүд асуулт тавьж хариулт авлаа. УИХ-ын гишүүн Д.Чойжилсүрэн татвараас чөлөөлөн оруулж ирэх машинуудыг ямар компани хариуцаж байгаа талаар тодруулсан юм.
Нэмэгдсэн өртгийн албан татварын тухай хуулиар нотариат, өмгөөлөл, хууль зүйн зөвлөгөө өгөх үйлчилгээнд нэмэгдсэн өртгийн албан татвар ногдуулсан нь Үндсэн хуулийн холбогдох заалтыг зөрчсөн эсэх тухай маргааныг хянан хэлэлцсэн Үндсэн хуулийн цэцийн дунд суудлын хуралдаан өнөөдөр боллоо.
Монгол Улсын оюутны аварга шалгаруулах шатрын тэмцээн энэ сарын 4-7-ны өдрүүдэд “Зууны шатар” клубт болно. Тэмцээний нээлтийн ажиллагаа маргааш 09.00-09.30 цагийн хооронд болох юм. Нээлтийн ажиллагаанд МОСХ-ны Ерөнхий нарийн бичгийн дарга, Монгол Улсын гавьяат дасгалжуулагч Д.Жаргалсайхан, Монголын шатрын холбооны дэд ерөнхийлөгч, “Зууны шатар” клубын захирал, Монгол Улсын гавьяат дасгалжуулагч, ОУМ П.Жигжидсүрэн нар оролцоно.
Оросын “Knights bridge Entertainment” кино компани өнгөрсөн онд ОХУ-ын Ерөнхийлөгч В.Путиний амьдралаар уран сайхны кино хийхээр болсноо мэдэгдсэн билээ. “Киноны зураг авалт ирэх долоодугаар сард эхэлнэ” хэмээн тус компанийн ерөнхий менежер Валерий Саарян “Рио Новости” агентлагт өгсөн ярилцлагынхаа үеэр дурджээ.
Монгол Улсын иргэн Л.Жаргалсайхан гэгч этгээд иргэд, албан байгууллагаас нийт 300 гаруй сая төгрөгийг залилан мэхлээд зугтжээ. Тэрээр өөрийгөө “Хөрөнгийн биржид Үнэт цаасны брокер хийдэг” хэмээж, өөрийн хамаатан болон бусад иргэд албан байгууллагаас удаа дараагийн үйлдлээр 300 гаруй сая төгрөг залилсан нь баримтаар тогтоогдсон байна.