Монголын сагсан бөмбөгийн холбооны гишүүдийн нэгдсэн хурлыг 10 жилийн дараа энэ сарын 6-нд зохион байгуулахаар болжээ.
МСБХ-ны тэргүүлэгчдийн зүгээс тус холбооны үйл ажиллагаа, удирдлага зохион байгуулалтыг тодорхой болгох үүднээс ээлжит бус хурлыг зохион байгуулах шаардлагатай гэж үзжээ. Тус холбооны тэргүүлэгч гишүүд болох Ж.Оджаргал, П.Батсайхан, С.Баярцогт, Ц.Баатарсайхан, Ц.Цэвэрбал, С.Дамба, Б.Чулуунбаатар нарын 7 тэргүүлэгч гишүүний гарын үсэг бүхий шийдвэрээр хуралдуулахаар болсон байна.
Тэд сүүлийн жилүүдэд холбооны хууль бус удирдлагуудын асуудлаас болж сагсан бөмбөгийн тамирчид, сонирхогчид хохирч байна гэж үзэж байгаа аж. Тамирчдын ид нас болох 21-28 насанд нь тэмцээн уралдаанд оролцуулах хэрэгтэй атал холбооны зөрчилтэй асуудлаас болж 2015 оны Ази тивийн АШТ-нд баг тамирчдаа оролцуулаагүй. Энэ удаад 2016 оны 4 дүгээр сараас эхлэх сагсан бөмбөгийн Ази, Дэлхийн аварга шалгаруулах тэмцээний урьдчилсан шатны тэмцээнд мөн оролцуулж чадахгүйд хүрээд байна. Тиймээс холбооны дүрмийн 3.5 дахь заалтад “Холбооны бүх гишүүдийн 1/3 санаачилгаар эсвэл Ерөнхийлөгч, Тэргүүлэгчдийн хүсэлтээр ээлжит бус хурлыг зарлан хуралдуулж болно” гэж заасныг үндэслэн ээлжит бус хурлыг зохион байгуулахаар болоод байгаа юм байна.
Хуралд Монголын сагсан бөмбөгийн үндэсний эрэгтэй, эмэгтэй шигшээ баг, Монголын залуучуудын шигшээ баг, Үндэсний супер лиг, Эмэгтэй супер лиг, Сонирхогчдын спрайт лигийн тамирчид, дасгалжуулагчид, Сагсан бөмбөгийн шүүгчид, ЕБС-ийн биеийн тамирын багш нарын төлөөлөл, спортын мастерууд болон ахмад тамирчид оролцохоо албан ёсоор мэдэгджээ.
Монголын улс төрийн намуудын санхүүжилт нь гишүүдийн татвар, хандив, улсын төсвийн санхүүжилтээс бүрддэг. Нийгэм эдийн засгийн байдлаас шалтгаалан намын гишүүд болон дэмжигчдийн татвар хандив нь тухайн нам, эвслийнхээ санхүүжилтийн гол эх үүсвэр болж чадахгүй байгаа тул улс төрийн намууд үйл ажиллагаа явуулахдаа санхүүгийн эх үүсвэрээс шалтгаалан томоохон аж ахуйн нэгжүүдээс улам бүр хараат болох эрсдэл нэмэгдсээр байгаа хэмээн үзэж Улсын Их Хурлын гишүүн О.Баасанхүү, Н.Батцэрэг, З.Баянсэлэнгэ, М.Сономпил, Д.Тэрбишдагва, Ц.Оюунбаатар, Ч.Улаан, Ц.Цолмон нар уг хуулийн төслийг санаачлан боловсруулжээ.
“Авьяаслаг Монголчууд” телевизийн шоуны оролцогчид болох лимбэ, ёочин хөгжмөөр хослон тоглодог Х.Баярхүү, Б.Мягмарцэрэн нар бичин жилийн сар шинийн мэндчилгээ болгож доорх доорх бичлэгийг хүргэж байгаа юм.
Монгол Улсын Ерөнхийлөгч Ц.Элбэгдорж өнөөдөр орой 20.30 цагаас “Еagle” телевизийн “Онцлох сэдэв” хэмээх шинэ нэвтрүүлгийн анхны дугаарын зочноор оролцож Монгол Улсын байнга төвийг сахих бодлогын талаар ярилцах гэж байна.
УИХ-ын чуулганы нэгдсэн хуралдаанаар “Захиргааны хэрэг шүүхэд хянан шийдвэрлэх тухай” хуулийн төслийн эцсийн хэлэлцүүлгийг хийж, баталлаа. Мөн Эрүүл ахуйн тухай болон холбогдох бусад хуулийн төслүүдийн эцсийн хэлэлцүүлгийг хийж гишүүдийн олонх дэмжсэн ч Боловсролын тухай хуульд нэмэлт өөрчлөлт оруулах болон холбогдох бусад хуулийн төслүүдээр УИХ дахь МАН-ын бүлэг завсарлага авлаа. “Уг төсөл дээр ярих асуудал их байгаа учраас бүлгийн түвшинд хэлэлцэх шаардлага байна” гэдгийг тус бүлгийн дарга хэлж, УИХ-ын дарга хүсэлтийг нь хүлээн авсан байна. 
Өнөөдөр Эх, хүүхдийн эрүүл мэндийн үндэсний төвд гурван ихэр хүүхэд мэндэллээ. Ихрүүдийн хоёр нь охин, нэг нь хүү юм байна. Охид 1.8-1.9 кг жинтэй төрсөн бол хүү 2.1 кг жинтэй төржээ.
Дэлхийн долоон хүн тутмын нэг нь өдөр тутам ашигладаг Facebook өнөөдөр 12 нас хүрлээ. Анх 2004 оны энэ өдөр найзуудын хүрээлэлд нээгдэж байсан энэ сайтын хэрэглэгчдийн тоо сар өдрөөр өсч, өнгөрсөн оны мөн үетэй харьцуулахад 21 хувиар өссөн үзүүлэлт гарчээ.
Одоогийн домайн хаягаа анх 2005 онд 200.000 ам.доллараар худалдан авч байсан бол одоо Facebook жилийн 17 тэрбум ам.долларын орлоготой ажилладаг болсон байна. Анх танил, дотно хүмүүсийг хооронд нь холбох ажлыг хийж байсан Facebook одоо гэрэл зураг, дүрс бичлэг, тэр ч бүү хэл 360 градусын дүрс бичлэг дамжуулдаг болжээ. Өнгөрсөн хугацаанд худалдан авсан WhatsApp хэрэглэгчийнхээ тоогоор тэрбум давж, Instagram 400 сая хэрэглэгчтэй болсон байхад Oculus төхөөрөмж нь тун удахгүй худалдаанд гарах гэж байна.