Categories
мэдээ нийгэм

Маргааш тэгш дугаартай машин хөдөлгөөнд оролцоно

Сар шинээр замын хөдөлгөөний хэт ачааллыг бууруулах зорилгоор энэ амралтын өдрүүдэд тээврийн хэрэгсэлд дугаарын хязгаарлалт хийж хөдөлгөөнд оролцуулах тухай захирамж гарсан.

Захирамжийн дагуу маргааш буюу хоёрдугаар сарын 06-ны бямба гаригт автомашины улсын дугаарын сүүлчийн орон тэгш тоогоор төгссөн тээврийн хэрэгсэл хөдөлгөөнд оролцоно. Харин хоёрдугаар сарын 07-ны ням гаригт улсын дугаарын сүүлчийн орон сондгой тоогоор төгссөн авто тээврийн хэрэгсэл хөдөлгөөнд оролцох юм.

Энэ өдрүүдэд Дэнжийн мянгын авто замын хөдөлгөөнийг “Хүчит шонхор” худалдааны төвийн зүүн урд уулзвараас хойш үерийн далангийн уулзвар хүртэл урдаас хойш чиглэлд, далангаас зүүн тийш Судалт төвийн /хуучнаар/ уулзвар хүртэлх авто замын хөдөлгөөнийг баруунаас зүүн чиглэлд 08:00-17:00 цагийн хооронд нэг чигийн хөдөлгөөнд оруулах бөгөөд алслагдсан байршлуудаас Нарантуул худалдааны төр рүү нийт 11 их багтаамжийн автобус 10:00, 12:30, 15:00 цагуудад үйлчилгээ үзүүлэх юм байна.

Categories
мэдээ улс-төр

Битүүнд НИТХ-ын ээлжит хуралдаантай

НИТХ-ын Тэргүүлэгчдийн ээлжит хуралдаан хоёрдугаар сарын 8-нд буюу битүүний өдөр товлогдлоо.

Хуралдаанаар гэр хорооллын газрыг шинэчлэн зохион байгуулах төслийг батлах тухай, гэр хороололд ахуйн үйлчилгээний төв барих концесс олгох, гэрээ байгуулах, зөвшөөрөл хүсэх тухай, соёл урлагийн сургалт цэнгээнт үйлчилгээний журам батлах тухай, Улаанбаатар хотын хөгжлийн корпораци” ХК-ийн төр хувийн хэвшлийн түншлэл, концессын хүрээнд хэрэгжүүлэх төслийн жагсаалт батлах тухай асуудлыг тус тус хэлэлцэнэ.

Мөн нийслэлийн өмчтэй холбоотой хэд хэдэн асуудал болон шашны байгууллагуудад зөвшөөрөл олгох тухай асуудлыг хэлэлцэн батлах юм байна.

Categories
мэдээ улс-төр

Хэд хэдэн хуулийн төслийг яаралтай хэлэлцүүлэхээр УИХ-д өргөн мэдүүлэв

Өчигдөр өдөр болсон Засгийн газрын ээлжит
бус хуралдаанаар Татварын ерөнхий хууль, Аж ахуйн нэгжийн орлогын
албан татварын тухай хууль, Хувь хүний орлогын албан татварын тухай
хуулийн шинэчилсэн найруулгын төслүүдийг
хэлэлцээд УИХ-ын чуулганы хуралдааны дэгийн тухай хуульд заасны дагуу
нэн яаралтай хэлэлцүүлэхээр УИХ-д өргөн
мэдүүлэхээр тогтсон байна.

Categories
мэдээ спорт

“Дүнжингарав-2016” уралдаан болно

“Дүнжингарав-2016” төвийн бүсийн хаврын уралдааныг энэ сарын 28-нд Цагаан хөтөлд, Хангайн бүсийн хаврын уралдааныг гуравдугаар сарын 06-нд Өвөрхангай аймагт зохион байгуулахаар болсон байна.

Мөн баруун бүсийн зуны уралдааныг Говь-Алтай аймагт, зүүн бүсийн зуны уралдааныг Хэнтий аймагт зохион байгуулахаар товлож, Засгийн газарт өргөн барьжээ. Харин Монголын уяачдын баяр-Шигшмэл хурдан морьдын “Их Хурд-VII” уралдааныг долдугаар сарын 24-нд Хүй долоон худагт, говийн бүсийн зуны уралдааныг Өмнөговь аймагт долдугаар сарын 30-31-нд зохион байгуулахаар товлож байгаа аж.

Өнгөрсөн жил “Дүнжингарав-2015” уралдааныг хоёрдугаар сарын 28-ний өдөр зохион байгуулж байсан ба Эрлийз морьдын дээд насанд 74 хурдан хүлэг, их насанд 191 хурдан хүлэг, азарга насанд 148 хүлэг, соёолон насанд 160 гаруй хурдан хүлэг уралдсан юм.

Categories
мэдээ нийгэм

Хүүхдийн мөнгийг олгож эхэллээ

Сар бүр хүүхдэд олгодог 20 мянган төгрөгийг нэг хэсэг олгохгүй хэмээн шуугисан. Эцэстээ хүүхдийн мөнгийг ялгаварлахгүйгээр олгох хууль батлагдсан.

Тэгвэл өнөөдрөөс хүүхдийн мөнгө олгогдож эхэлж байгаа юм. Энэ тухай салбарын сайд С.Эрдэнэ манай сонины өнөөдрийн дугаарт өгсөн ярилцлагадаа тодорхой ярьсан.

Амьжиргааны түвшин харгалзахгүй ч заавал судалгаанд хамрагдсан байх шаардлагатай аж. 2016 оны нэгдүгээр сарын байдлаар Хүүхдийн мөнгийг “Өрхийн мэдээллийн нэгдсэн сан”-д бүртгэлтэй 0-18 насны 999.0 мянга орчим хүүхэд авах тооцоо байгаа юм байна.

Categories
гадаад мэдээ

Испанид зика вирусийн анхны тохиолдол илэрчээ

Испани улсад зика вирусийн анхны тохиолдол бүртгэгджээ.

Тус улсын Эрүүл мэндийн яамны мэдээлснээр “Эмэгтэй дөрвөн сартай жирэмсэн бөгөөд эмч нар ургийн хөгжлийг ажиглаж, шинжилгээ авч байгаа” гэжээ. Өвчтөний биеийн байдал хэвийн, эмчилгээ хийлгэж байгаа бөгөөд тэрээр өнгөрсөн сарын эхээр Колумб улсад жуулчлалаар очоод саяхан Испанид иржээ. Мөн зика вирусийн халдвар авсан байж болзошгүй таван хүнийг тусгаарласан байна.

ДЭМБ-ын ерөнхий захирал Маргерат Чан “Латин Америкийн 25 орон, АНУ, Ирланд, Их Британи, Дани, Швед, Австрали, Австри, Тайланд болон Испани улсад зика вирус бүртгэгдсэн” гэж мэдэгдээд байна.

Categories
мэдээ нийгэм

Улсын тэргүүний тариаланч цолыг 21 хүн хүртлээ

Өнгөрч буй 2015 онд тариалангийн салбарт гаргасан амжилт, орон нутгаа хөгжүүлэх үйлсэд оруулсан хувь нэмрийг үнэлж, ажлын амжилтаараа тэргүүлсэн 12 аж ахуйн нэгжийг “Улсын тэргүүний тариаланч хамт олон”-оор тодруулжээ. Мөн 21 ногоочин, механикжуулагчийг “Улсын тэргүүний тариаланч”-аар шалгаруулсан байна.

Улсын тэргүүний тариаланч:

  • -Баян-Өлгий аймгийн Баяннуур сумын ногоочин Биекегийн Хуаныш;
  • Баянхонгор аймгийн Баянхонгор сумын ногоочин Чогжирийн Уранбилэг;
  • Баянхонгор аймгийн Эрдэнэцогт сумын ногоочин Нямбуугийн Бямбаа;
  • Булган аймгийн Хангал сумын ногоочин Чойжийн Батбилэг;
  • Говь-Алтай аймгийн Шарга сумын ногоочин Намжилын Очирбат;
  • Дархан-Уул аймгийн Дархан сумын ногоочин Дамбийжанцангийн Цэцэнхүү;
  • Дорноговь аймгийн Сайншанд сумын ногоочин Өлзийхутагийн Сугар;
  • Завхан аймгийн Улиастай сумын ногоочин Үйжавын Жаргалсайхан;
  • Орхон аймгийн Жаргалант сумын ногоочин Дэмчигжавын Батболд;
  • Орхон аймгийн Баян-Өндөр сумын ногоочин Буяннэмэхийн Оюун;
  • Өвөрхангай аймгийн Хархорин сумын ногоочин Сүхсүрэнгийн Жамъянсүрэн;
  • Төв аймгийн Борнуур сумын ногоочин Маамуухүүгийн Мөнхбат;
  • Төв аймгийн Угтаалцайдам сумын тариаланч Батсуурийн Цогтсайхан;
  • Увс аймгийн Хяргас сумын ногоочин Палиагийн Оюунбилэг;
  • Ховд аймгийн Ховд сумын ногоочин Сейтханы Наскейн;
  • Ховд аймгийн Буянт сумын ногоочин Төлөөгөнийн Нурлан;
  • Хөвсгөл аймгийн Тосонцэнгэл сумын ногоочин Жамцын Буманчулуун;
  • Дархан-Уул аймгийн Хонгор сумын “Цайдам өгөөж” ХХК-ийн механикжуулагч Лувсандамбын Лувсандамдин;
  • Дорнод аймгийн Халхгол сумын “Дорнод гурил” ХХК-ийн механикжуулагч Бавгагийн Пүрэвсүрэн;
  • Сэлэнгэ аймгийн Цагааннуур сумын “Гацуурт” ХХК-ийн механикжуулагч Баасанжавын Амарсанаа;
  • Төв аймгийн Эрдэнэсант сумын “Нарт монгол” ХХК-ийн механикжуулагч Ванчинсүрэнгийн Түмэн-Өлзий нарыг “Улсын тэргүүний тариаланч”-аар шалгаруулав.
Categories
мэдээ нийгэм

Улсын сайн малчид тодров

“Улсын сайн малчин” шалгаруулалтад 140 малчин тодорхойлолт өгсөн байна. Үүнээс “Улсын сайн малчин” цолыг 118 малчинд олгосон байна. Эдгээр малчид удам залгасан сайн малчид төдийгүй мал сүргээ төлөөр нь өсгөж, эрсдэлийг гарз хохиролгүй даван туулж байгаа, сум, орон нутгийнхаа хөгжилд тодорхой хувь нэмэр оруулсан байна.

Улсын сайн малчид:

  • Архангай аймгийн Хайрхан сумын Асгат багийн малчин Дашхүүгийн Ганзориг, Жаргалант сумын Асайт багийн малчин Цэрэнлхамын Дагийраз, Хашаат сумын Цайдам багийн малчин Амирмэдийн Олзвой,Чулуут сумын Хайрхан багийн малчин Жагдагийн Пүрэвдорж, Хотонт сумын Хөөвөр багийн малчин Чунагийн Базаррагчаа, Эрдэнэбулган сумын 2 дугаар багийн малчин Мижиддоржийн Эрхэмбаяр,Өлзийт сумын Байшир багийн малчин Лхагважавын Чинбаатар, Батцэнгэл сумын Цац багийн малчин Чойжилсүрэнгийн Мөнх-Учралт, Эрдэнэмандал сумын Алаг-Уул багийн малчин Эрдэнэчулууны Шижирбаатар;
  • Баян-Өлгий аймгийн Сагсай сумын 4 дүгээр багийн малчин Ахбигийн Бахытбек, Буянт сумын 3 дугаар багийн малчин Гөлгөний Мягмар, Толбо сумын 6 дугаар багийн малчин Нухжазарын Ораз, Цэнгэл сумын 1 дүгээр багийн малчин Шохыбайн Хаявхан;
  • Баянхонгор аймгийн Жинст сумын 4 дүгээр багийн малчин Лундаагийн Болдбаатар, Бууцагаан сумын 4 дүгээр багийн малчин Олонбаярын Болд, Галуут сумын 1 дүгээр багийн малчин Бэгзийн Амарсайхан, Хүрээмарал сумын 1 дүгээр багийн малчин Лхамсүрэнгийн Баттөмөр, Шинэжинст сумын 2 дугаар багийн малчин Базарсадын Буянтогтох, мөн сумын 2 дугаар багийн малчин Буухүүгийн Бат-Орших;
  • Булган аймгийнБаян-Агт сумын Халтар багийн малчин Дүгэржавын Галбадрах, Дашинчилэн сумын Доргонт багийн малчин Пүрэвийн Төрмөнх, Хутаг-Өндөр сумын Уньт багийн малчин Чулуунцэцэгийн Даваасүрэн, Сайхан сумын Хульж багийн малчин Данзангийн Баасансүрэн, Хангал сумын 2 дугаар багийн малчин Равжирийн Энхбат, Орхон сумын 3 дугаар багийн малчин Доржийн Дэлгэрцогт, Бугат сумын Ханжаргалант багийн малчин Нямсүрэнгийн Намсрай;
  • Говь-Алтай аймгийн Бугат сумын 1 дүгээр багийн малчин Цолмонгийн Данзандорж, Хөхморьт сумын 2 дугаар багийн малчин Цэдэвийн Дамба, Халиун сумын Олонбулаг багийн малчин Даваагийн Гансүх, Баян-Уул сумын Алтангадас багийн малчин Доржхүүгийн Батбилэг, Чандмань сумын Хүрхрээ багийн малчин Аюушийн Эрдэнэбат, Шарга сумын Улаантуг багийн малчин Доржийн Гаадансүрэн, Төгрөг сумын Мааньт багийн малчин Чимэдийн Чойдог, Чандмань сумын Өлзийбулаг багийн малчин Цагаачийн Батбямба;
  • Говь-Сүмбэр аймгийн Сүмбэр сумын 5 дугаар багийн малчин Ганчулууны Санжаа, мөн сумын 5 дугаар багийн малчин Цэдэвийн Энхжаргал, Баянтал сумын 2 дугаар багийн малчин Лувсанжамцийн Батнасан,
  • Дархан-Уул аймгийн Хонгор сумын 2 дугаар багийн малчин Гүнтэвийн Ганбаатар, Орхон сумын Баян-Өлзийт багийн малчин Цэвээн-Өөлдийн Отгонбаяр;
  • Дорноговь аймгийн Сайхандулаан сумын Жаргалант багийн малчин Жанчивдоржийн Бүрнээбаатар, Айраг сумын Нүдэн багийн малчин Бандгайтын Цогоо, Сайншанд сумын 3 дугаар багийн малчин Чойжамцийн Ганхуяг;
  • Дорнод аймгийн Баянтүмэн сумын 4 дүгээр багийн малчин Сайнчгуайн Сүхбаатар, Гурванзагал сумын 2 дугаар багийн малчин Доржготовын Батбаяр, Дашбалбар сумын 2 дугаар багийн малчин Сундуйн Батцэрэн, Хөлөнбуйр сумын 1 дүгээр багийн малчин Равдангийн Бадамрагчаа;
  • Дундговь аймгийн Эрдэнэдалай сумын 4 дүгээр багийн малчин Товуугийн Мөнхбат, Адаацаг сумын Өвөр-Урт багийн малчин Дамбийгийн Амаржаргал, Өлзийт сумын 1 дүгээр багийн малчин Баавгайн Насан, Сайхан-Овоо сумын 1 дүгээр багийн малчин Гомбодоржийн Баатарчулуун, Сайнцагаан сумын 3 дугаар багийн малчин Сугирын Мянганбаатар, Говь-Угтаал сумын 3 дугаар багийн малчин Базарын Нямсүрэн, Гурвансайхан сумын Дэрсэнэ-Ус багийн малчин Цээпилийн Бүд, Өндөршил сумын 2 дугаар багийн малчин Намсрайн Сумъяа;
  • Завхан аймгийн Цэцэн-Уул сумын Сангийн далай багийн малчин Чогдонгийн Батмөнх, Яруу сумын 4 дүгээр багийн малчин Лодонгийн Чогсомжав, Дөрвөлжин сумын Буурал багийн малчин Сурмаажавын Ганболд, Их-Уул сумын 4 дүгээр багийн малчин Гомбожавын Батнасан, Алдархаан сумын Алдар багийн малчин Гаалъяахүүгийн Батжаргал, мөн сумын Аргалант багийн малчин Дамбын Цэрэннадмид, Нөмрөг сумын Хайрхан багийн малчин Лувсандашийн Сэнгэравдан;
  • Орхон аймгийн Баян-Өндөр сумын Баянцагаан багийн малчин Сурмаагийн Магсар;
  • Өвөрхангай аймгийн Тарагт сумын 2 дугаар багийн малчин Даваасүрэнгийн Содном-Иш, Сант сумын 2 дугаар багийн малчин Тогоочийн Гандэлгэр, Хужирт сумын 3 дугаар багийн малчин Алтангэрэлийн Лувсанчүлтэм, Бүрд сумын 3 дугаар багийн малчин Шаалаагийн Лувсаншарав, Уянга сумын 5 дугаар багийн малчин Цэрэндоржийн Гончигдорж, Бат-Өлзий сумын 1 дүгээр багийн малчин Лувсандашийн Даваадаш, Хархорин сумын 6 дугаар баг Эмээлийн Бямбасүрэн, Бүрд сумын 1 дүгээр багийн малчин Пүрэвийн Мөнхөө, Бат-Өлзий сумын 4 дүгээр багийн малчин Доржсүрэнгийн Суурь;
  • Өмнөговь аймгийн Ханбогд сумын Баян багийн малчин Жаалдүүгийн Тогтохсүрэн, Мандал-Овоо сумын Өтгөн багийн малчин Дэмбэрэлийн Оргил, Баяндалай сумын Баян багийн малчин Лувсаншаравын Энхбаатар, Гурвантэс сумын Тост багийн малчин Бадангаагийн Энхбат, Баян-Овоо сумын Налих багийн малчин Улам-Өрнөхийн Эрдэнэчулуун, Манлай сумын Жаргалант багийн малчин Бандийн Батбаяр;
  • Сүхбаатар аймгийн Халзан сумын 2 дугаар багийн малчин Рагчаагийн Мөнхтөр, Мөнххаан сумын Баянцагаан багийн малчин Цэгмидийн Болдбаатар, Сүхбаатар сумын 5 дугаар багийн малчин Гэндэнжамцийн Нарнаа, Асгат сумын 3 дугаар багийн малчин Ширнэнгийн Жүндэр, Уулбаян сумын Баян багийн малчин Халтарын Алтанхуяг, Баруун-Урт сумын 8 дугаар багийн малчин Монхорын Хурцбилэг;
  • Сэлэнгэ аймгийн Баянгол сумын Баян багийн малчин Лхангаажавын Пунцагноров, Цагааннуур сумын 1 дүгээр багийн малчин Муухайн Пүрэвжав, Түшиг сумын 2 дугаар багийн малчин Ванчинбазарын Дашзэвэг, Жавхлант сумын 1 дүгээр багийн малчин Нямдэлэгийн Баатар, Сант сумын Ивэн багийн малчин Гаадайн Түмэнхүү;
  • Төв аймгийн Эрдэнэсант сумын 4 дүгээр багийн малчин Гомбосүрэнгийн Насанбат, Сэргэлэн сумын Хайрхан багийн малчин Паламын Гөлгөө, Баянцагаан сумын 2 дугаар багийн малчин Цэндсүрэнгийн Сандаглхагва, Баян сумын 2 дугаар багийн малчин Доржпаламын Батбуян, Баянжаргалан сумын 3 дугаар багийн малчин Ренчиндоржийн Баяндүүрэн, Дэлгэрхаан сумын 3 дугаар багийн малчин Буянтогтохын Батдэлгэр, Баянцагаан сумын 5 дугаар багийн малчин Догсомын Жамъяндорж, Лүн сумын 2 дугаар багийн малчин Дамдингийн Эрдэнэбаяр;
  • Увс аймгийн Малчин сумын Баян-Эрдэнэ багийн малчин Бадрахын Баттогтох, Хяргас сумын Хайрхан багийн малчин Цэндийн Сүрэнхор, Зүүнговь сумын Суврага багийн малчин Лувсангийн Дансран, мөн сумын Тохой багийн малчин Шагжийн Баатаржав, Наранбулаг сумын Алдар багийн малчин Пүрэвийн Даш;
  • Ховд аймгийн Чандмань сумын Баянхайрхан багийн малчин Чойжилсүрэнгийн Батдорж, Мөнххайрхан сумын Хаг багийн малчин Чоймболын Оюун, Буянт сумын Цагаанбургас багийн малчин Мөнхсүлдийн Энх-Амгалан, Манхан сумын Тахилт багийн малчин Дондогийн Амгаланбаатар, Цэцэг сумын Хажинга багийн малчин Авидын Амархүү;
  • Хөвсгөл аймгийн Цагаан-Уул сумын Хужирт багийн малчин Чимэддоржийн Батбаатар, Шинэ-Идэр сумын Баяннуур багийн малчин Жамсрангийн Гунгаа, Бүрэнтогтох сумын Их-Уул багийн малчин Баасанжавын Эрдэнэбилэг, Төмөрбулаг сумын 2 дугаар багийн малчин Дондовийн Зоригоо, Алаг-Эрдэнэ сумын 3 дугаар багийн малчин Готовын Чулуунбаатар, Түнэл сумын 2 дугаар багийн малчин Жанцангийн Лхагвадорж;
  • Хэнтий аймгийн Баянхутаг сумын Улаан-Өндөр багийн малчин Данзангийн Чинзориг, Өмнөдэлгэр сумын 5 дугаар багийн малчин Цэрэндоржийн Содномдаржаа, Баян-Овоо сумын Дэлгэрхаан багийн малчин Борын Пүрэв, Галшар сумын Баянбадрал багийн малчин Төмөрийн Төрмөнх, Мөрөн сумын Зөөлөн багийн малчин Жамцийн Даваажав, Биндэр сумын Баян-Өндөр багийн малчин Мядагийн Пүрэв нар тодорчээ.
Categories
мэдээ нийгэм

Хулгайн гэмт хэргээс урьдчилан сэргийлэх хөтөлбөр хэрэгжүүлнэ

Улаанбаатар хотод өнгөрсөн жил нийт 17939 гэмт хэрэг бүртгэгджээ. Үүний 5899 буюу 32.9 хувийг бусдын эд хөрөнгийг хулгайлах гэмт хэрэг эзэлж байгаа юм.

Ерөнхийдөө өнгөрч буй жилд хулгай дээрэм их үйлддэгдсэн гэсэн үг. Үүнтэй холбоотойгоор нийслэлийн Засаг дарга захирамж гаргажээ. Тодруулбал, “Хөршийн хяналт хөтөлбөр”-ийн хэрэгжүүлэх “Хулгайлах гэмт хэрэгтэй тэмцэх, урьдчилан сэргийлэх дэд хөтөлбөр”-ийг баталсан байна. Хамгийн гол нь иргэн, аж ахуйн нэгжүүдийг идэвхтэй оролцохыг уриалж байгаа аж. Мөн хулгайн гэмт хэргийг бууруулах, урьдчилан сэргийлэх зорилгоор хариуцсан нутаг дэвсгэртээ үйл ажиллагаа явуулж байгаа байгууллага, аж ахуйн нэгжүүдэд орчиндоо гэрэлтүүлэг, стандартын шаардлага хангасан камер байршуулж аюулгүй орчныг бүрдүүлэх юм байна.

Түүнчлэн нийтийн эзэмшлийн орон сууц, авто зогсоол, гэр хорооллын гудамж талбайг камержуулах ажлыг үе шаттай зохион байгуулахыг холбогдох газруудад даалгав.

Categories
мэдээ нийгэм

Шилжилт хөдөлгөөнийг дөрөвдүгээр сарын 30-наас зогсооно

УИХ-ын сонгууль энэ оны зургадугаар сарын 29-ний өдөр явагдахаар товлогдсон. Тиймээс сонгогчдод нүүж суух, хөдөө гадаа явахаар бол ажлаа зохицуулахыг анхааруулж байна.

Сонгуулийн нэгдсэн хууль батлагдсанаар, санал хураалтыг хоёр цагаар уртасгаж явуулахаар болсон бөгөөд санал хураах үйл явцыг автоматжуулсан тул урьдчилсан дүнг хоёр цагийн дараа гаргахаар тооцоолсон. Нэр дэвшигч хэн нэгэн гомдолтой байх аваас асуудалтай байж болзошгүй зарим газарт гар тооллого хийж, гомдол саналыг барагдуулахаас гадна автомат тоолуурын машиныг зөв тооцоолсон эсэхийг шалгаж баталгаажуулахаар хуульд заажээ.

Нэр дэвшигчдийн хувьд зургадугаар сарын 7-нд үнэмлэхээ албан ёсоор гардан авч, 11-ний өдөр сонгуулийн сурталчилгаагаа улс орон даяар эхлүүлнэ. Нам эвсэл, нэр дэвшигчийн сонгуулийн сурталчилгааны зардлын дээд хэмжээг энэ удаад Үндэсний аудитын газраас тогтоож өгөхөөр болсон юм.

Гуравдугаар сард багтааж сонгогчдын нэрсийн жагсаалтыг цахим хуудаст байрлуулах тул дөрөвдүгээр сарын 30-наас гадаад, дотоод аливаа шилжилт хөдөлгөөнийг зогсоож, тавдугаар сарын 20-ноос бие даагч болон нам, эвслээс нэр дэвшигчийг бүртгэж эхлэх аж.