Month: February 2016

Жил бүрийн нэгдүгээр сарын 1-нээс хоёрдугаар сарын 15-ны өдөр хүртэлх хугацаанд төрийн албан хаагчид хувийн ашиг сонирхлын болон хөрөнгө, орлогын мэдүүлгээ шинэчлэн бүртгүүлэх хуультай байдаг. Өнөөдрийн байдлаар улсын хэмжээнд хувийн ашиг сонирхлын болон хөрөнгө, орлогын мэдүүлгийн бүрдүүлэлтийн явц байдал 91.2 хувьтай байна. Энэ жилийн хувьд Авлигатай тэмцэх газарт мэдүүлгээ бүртгүүлэх төрийн өндөр болон тэдгээртэй зэрэг зиндаа адилтгах 270 албан тушаалтан байгаагаас энэ сарын 4-ний өдрийн байдлаар тэдгээрийн 171 нь мэдүүлгээ бүртгүүлээд байна.

Төрийн албан хаагчдын хувийн ашиг сонирхлын болон хөрөнгө, орлогын мэдүүлгээ шинэчлэн бүртгүүлэх хуулийн хугацаатай сар шинийн баярын өдрүүд давхцаж байгаа. Тиймээс АТГ энэ жилийн хувьд мэдээлэл, сурталчилгааны ажлыг өмнөхөөс идэвхжүүлж, мэдүүлэг бүртгэх чиг үүргийн албан хаагчдыг уртасгасан цагаар, мөн амралтын өдрүүдэд ажиллуулж байна. Түүнчлэн сар шинийн өдрүүдэд тусгай хуваарийн дагуу ажиллуулна. Сар шинийн баяраас өмнө амжиж өгөх бүрэн боломжтой.

АТГ-ын зарим албан хаагчид 6, 7, 13, 14-ний бямба, ням гарагт ажиллана. Цахим бүрдүүлэлтийн www.meduuleg.iaac.mn системийг 24 цагийн турш ажиллуулж байгаа. Тиймээс мэдүүлэг гаргагчид заавал хуулийн хугацаа 2 дугаар сарын 15-наар дуусахыг хүлээлгүй, наана нь мэдүүлгээ бүртгүүлэх ёстой. Хэрэв хугацаандаа багтаж ХАСХОМ-ээ өгөөгүй бол Авлига, ашиг сонирхлын зөрчлийн эсрэг хууль тогтоомжид заасны дагуу ажлаас халах, албан тушаалаас чөлөөлөх хүртэл хариуцлага хүлээлгэнэ гэж АТГ-аас анхааруулж байна.

Говь-Алтай аймгийн Бигэр сумын эх барихын багийн эмч нар хөдөө малчны хотонд хоёр ихэр хүүхдийг эх барьжээ. Тэд малчны хотонд ийнхүү багаараа амжилттай ажилласан ба ихрүүд болон эхийн биеийн байдал сайн байгаа аж.

Өчигдөр мөн эх нялхсын эрүүл мэндийн үндэсний төвд гурван ихэр хүүхэд мэндэлсэн бөгөөд эх хүүхдийн биеийн байдал сайн байна.

БНХАУ-ын иргэн ахтайгаа нийлж манай улсын иргэнийг зодож хүнд гэмтээжээ. Хохирогч одоогоор Гэмтэл согог судлалын үндэсний төвд хэвтэн эмчлүүлж байгаа юм байна. Биеийн байдал нь одоогоор хүнд байгаа аж.

Чингэлтэй дүүрэгт оршин суух иргэн Т-ийн нөхөр нь түүнийг архидан согтуурах үедээ зодсон аж. Тэрээр монгол эхнэрээ төрсөн ахтайгаа нийлж зодсон байна.

Уг хэргийг цагдаагийн байгууллага шалгаж эхэлжээ.

Монголчуудын ингэ хөөслөх уламжлалт зан үйлийг “ЮНЕСКО” дэлхийн биет бус соёлын өвд бүртгэж авсан батламжаа гардан авлаа.

Судлаачдын ярьж буйгаар ингэ хөөслөх монголчуудын уламжлалт зан үйл хэдий ч өнөө үед бараг мартагдах шахсан гэнэ. Учир нь говийн цөөн сумдын малчид л ингэ хөөслөх зан үйлийг мэдэхээс ерөнхийдөө мартагдах шинжтэй байсан аж.

Ингэ хөөслөх нь монголчуудын малтайгаа харилцдаг уламжлалыг харуулсан цогц зан үйл. Ингэ хоёр жилд нэг удаа ботголох бөгөөд ботгоо голох тохиолдол их. Тиймээс аялгуу дуугаар дамжуулж ингэнд ботгыг нь авахуулдаг өвөрмөц арга өөр хаана ч байхгүй билээ.

Саяхан “Монгол тулгатны 100 эрхэм” нэвтрүүлгийн бичлэг алдагдсан хэмээн шуугиан дэгдсэн билээ. Түүнчлэн тус нэвтрүүлгийг санаачлагч “Херо” энтертайментийн захирал Б.Баатар мэдээлэл хийсэн.

Мэдээллийн үеэр МАХН-ын дарга Н.Энхбаяр болон түүний эхнэр О.Цолмон нараас уучлал гуйж байсан. Уг хэргийг зохион байгуулалттай хэрэг хэмээн сэрдэж байгаагаа илэрхийлж байв. Харин энэ хэргийг Эрүүгийн цагдаагийн газрын Зохион байгуулалттай гэмт хэрэгтэй тэмцэх хэлтэс шалгаж эхэлжээ.

Сонгинохайрхан дүүргийн нутаг дэвсгэрт үйл ажиллагаа явуулдаг “Галт гал“ компанийн талхны үйлдвэрийн ажилтан хүнд бэртжээ.

Тэрээр тус үйлдвэрт гурил зуурагч хийдэг бөгөөд өдгөө 41 настай эмэгтэй юм байна. Ажилтан гурил зуурагч машинд баруун гараа зүсч гэмтээн Гэмтэл согог судлалын үндэсний төвд хүргүүлжээ. Мөн тус дүүргийн нутаг дэвсгэрт үйл ажиллагаа явуулдаг оёдлын үйлдвэрт хөдөлмөрийн аюулгүй байдал алдагдаж хүн гэмтсэн осол гарчээ. Тус үйлдвэрийн ажилтан зүүн гарын бугуй хэсгээрээ сүлжигч автомашинд тасдуулж гэмтэн ГССҮТ-д хүргэгдэн эмчлүүлж байна.