Сар шинийн 1, 2, 3-ны өдөр буюу хоёрдугаар сарын 9, 10, 11-ний өдрүүдэд үйлчилгээнд явах нийтийн тээврийн хэрэгслийн тоог нэмэхээр болжээ. Ингэхдээ үндсэн 62, хот орчмын 13 чиглэлд нийт 644 их болон дунд багтаамжийн автобус иргэдэд үйлчилнэ. Мөн сар шинийн баяр болох гэж байгаатай холбогдуулан нийслэлийн Авто замын хөдөлгөөний ачааллыг бууруулах зорилгоор дугаарын хязгаарлалт хийхээр болсон. Энэ хүрээнд энэ амралтын өдөр буюу хоёрдугаар сарын 6, 7-ны өдрүүдэд тодорхой суурьшлын цэгүүдээс “Нарантуул” худалдааны төр рүү нийт 11 их багтаамжийн автобус 10.00, 12.30, 15.00 цагуудад иргэдэд үйлчлэх юм. Тухайн өдрүүдэд Чингисийн талбай болон “Дүнжингарав” худалдааны төвөөс “Хүннү молл” худалдааны төв чиглэлд хоёр их багтаамжийн автобус 10.00, 12.30, 15.00 цагуудад явах аж.
Харин хотын захын алслагдсан чиглэлүүдэд дөрвөн аж ахуйн нэгжийн 20 бага багтаамжийн микро автобусаар захиалгат үйлчилгээг зохион байгуулна. Захиалгыг 11-326352, 11-323176 дугаарт хандах өгөх боломжтой юм. Микроны захиалгын үнэ нэг зорчигч 1000 төгрөг байх юм. Харин хот доторх таксины үйлчилгээнд 14 аж ахуйн нэгжийн 497 тээврийн хэрэгсэл үйлчилгээнд ажиллахаар төлөвлөжээ.
УИХ-ын чуулганы нэгдсэн хуралдаанаар Хөгжлийн
Өнөөдөр чуулганаар Ард нийтийн санал асуулгын тухай хуулийн шинэчилсэн найруулгын хуулийн төслийг эцсийн байдлаар хэлэлцэж баталлаа. Уг хуулийн зарчмын зөрүүтэй саналаар санал хураалт явуулсаны дараа олонхийн саналаар хуулийн төслийг бүхэлд нь батлав. Ард нийтийн санал асуулгын тухай хууль нь анх 1995 онд батлагдсан хэдий ч өнгөрсөн хугацаанд нэг ч удаа хэрэглэгдээгүй. Өнгөрсөн хугацаанд буюу 2015 оны 12 дугаар сарын 25-нд Сонгуулийн тухай хуулийн төсөл шинэчлэн баталсан тул тус хуулийн үзэл баримтлал, зарчимд Ард нийтийн санал асуулгын тухай хуулийг нийцүүлэх шаардлага үүссэн байна.
Өнөөдрийн нэгдсэн чуулганаар Хүүхдийн эрхийн тухай хууль болон Хүүхэд хамгааллын тухай хуулийг хэлэлцэж, баталлаа. Эдгээр хуулийн төслийг Засгийн газраас УИХ-д 2015 оны тавдугаар сарын 11-ний өдөр өргөн барьсан бөгөөд Нийгмийн бодлого, боловсрол, соёл, шинжлэх ухааны байнгын хорооны даргын тогтоолоор байгуулагдсан ажлын хэсгийг УИХ-ын гишүүн С.Одонтуяа ахлан ажиллаж, өргөн хүрээнд хэлэлцүүлэг, судалгааны ажлыг зохион байгуулсан билээ.Хоёр хуулийн төсөл дээр иргэд, олон нийтийн саналыг нэлээд өргөн хүрээнд авах ёстой гэж УИХ дахь эмэгтэй гишүүд болон Хүн амын хөгжил, гэр бүл, хүүхдийн асуудлыг дэмжих лобби бүлэг үзсэний үндсэн дээр анх удаа орон даяар “Хүүхдийн эрхийн ногоон карт” аяныг өрнүүлж, хүүхэд, эцэг, эх, багш нарын саналыг хүлээн авч, хуульд тусгасан юм. Ингэснээрээ энэ парламентын түүхэнд иргэд олон нийтийнхээ саналыг хамгийн ихээр тусгасан хууль боллоо гэж хууль санаачлагчид үзэж байна. Тодруулбал, хууль батлагдсанаар Монгол Улсын хэмжээнд хүүхдийн эрхийг хангах үндэсний тогтолцоо бий болно. Мөн аливаа хүүхэд хүчирхийлэлд өртсөн тохиолдолд хэрхэн хамгаалах вэ, мөн хүчирхийлэлд өртөхөөс урьдчилан сэргийлэх арга хэмжээг хэрхэн зохион байгуулах вэ зэрэг харилцааг зохицуулж байгаа юм. Түүнчлэн Монгол Улсад хүүхдийн эрх, хамгааллын талаар эрх зүйн цоо шинэ орчин бий болж буйг хууль санаачлагчид онцоллоо.
Мэргэжлийн хяналтын ерөнхий газраас сар шинийн баярыг угтан улсын хэмжээнд урьдчилан сэргийлэх хяналт шалгалтыг зохион байгуулсан байна. Шалгалтын үеэр “Скай ХХК-ийн импортлосон “Ghana” шоколад, “Мандах газар” ХХК-ийн импортлосон “Амин дэмийн бэлдмэл”, “Кингдом” ХХК-ийн хэвийн боов, “Мөнх дуут” ХХК-ийн үйлдвэрлэж худалдаанд гаргасан бууз, иргэн Б.Энхбаярын үйлдвэрлэсэн “Нийслэл” нэрийн хэвийн боовноос шошгын болон хугацаа дууссан зөрчил илэрсэн байна. Шалгалтыг хүнсний чиглэлийн үйл ажиллагаа эрхлэгч 827 аж ахуй нэгж, 2271 иргэн хамрагдсан бөгөөд нийт 3011 обьектод шалгалт явуулсан байна. Түүнчлэн чанар аюулгүй байдлын шаардлага хангаагүй 87 нэр төрлийн 669 ширхэг, 25 сая 192 мянган төгрөгийн бүтээгдэхүүн илэрчээ. 
Уртын дуучин Г.Эрдэнэчимэг “Зургаан ханатай гэр минь” дууныхаа клипийг үзэгч, сонсогчиддоо хүргэв. Тэрээр МУГЖ, дуучин С.Жавхлангийн гэргий болсноос хойш бие даасан уран бүтээлд төдийлөн гаргаагүй юм. Харин нөхөртэйгээ хамтран хэд хэдэн дуу дуулсан. Тэгвэл шинэ дууны клипт хүүгээ тоглуулсан байна. Дуучин хосууд Үжингүнж, Өдрийнцолмон нэртэй хөөрхөн охидтой билээ. Тэгвэл бага хүү Цэгцээ ийн олонд танилцууллаа. 
Худалдаа, үйлчилгээний байгууллагууд баярын өдрүүдэд дараах цагийн хуваарийн дагуу ажиллана. Хүнсний дэлгүүрүүд 02 дугаар сарын 08-нд 09.00-24.00 цагт ажиллаж, 02 дугаар сарын 09, 10, 11-нд амарч, 02 дугаар сарын 12-ноос эхлэн ердийн цагийн хуваарийн дагуу ажиллана.
Нийслэлийн Аялал жуулчлалын газраас зохион байгуулдаг “Улаанбаатарын Өвлийн наадам 2016” маргааш Үндэсний цэцэрлэгт хүрээлэнд болох гэж байна. Тус арга хэмжээний үеэр мөсний шагайн харваа, мөсөн сурын харваа, мөсөн хананы авиралт, уран гулгалт, тэшүүрийн үзүүлбэр, мэргэжлийн снөүбоардын үзүүлбэр, шүхрийн үзүүлэх тоглолт зэрэг уламжлалт болон орчин үеийн өвлийн спорт, наадгайнууд зохион байгуулагдах бөгөөд хүрэлцэн ирсэн иргэд, жуулчид зөвхөн үзэж сонирхоод зогсохгүй өөрийн биеэр харваж, авирч, өвлийн дугуй унан, нохойтой чарга, бүргэд, морь тэмээ унан зургаа авахуулах боломжтой. Гадаад дотоодын зочдод Монголынхоо ёс заншил, өв уламжлал, соёлыг сурталчлан таниулахын зэрэгцээ шинэ тутам хөгжиж буй нийтийн биеийн тамир, спорт, аяллын төрлүүдийг ард иргэдэд сурталчлах давхар ач холбогдолтой тус арга хэмжээнд хүрэлцэн ирэхийг Найрсаг Улаанбаатарчууддаа уриалж байна гэж Нийслэлийн Аялал жуучлалын газраас мэдээллээ. 
Жил бүрийн нэгүгээр сарын 1-нээс хоёрдугаар сарын 15-ны өдөр хүртэлх хугацаанд төрийн албан хаагчид хувийн ашиг сонирхлын болон хөрөнгө, орлогын мэдүүлгээ шинэчлэн бүртгүүлэх хуультай. Авлигатай тэмцэх газар уг ажлыг зохион байгуулж байна. Өнөөдрийн байдлаар мэдүүлгийн бүрдүүлэлтийн явц байдал 91.2 хувьтай байгаа аж. Тодруулбал, нийт 40031 хүн мэдүүлгээ шинэчлэн бүртгүүлэхээр байгаа. Энэ жилийн хувьд Авлигатай тэмцэх газарт мэдүүлгээ бүртгүүлэх төрийн өндөр болон тэдгээртэй зэрэг зиндаа адилтгах 270 албан тушаалтан байна. Өчигдрийн байдлаар тэдгээрийн 171 нь мэдүүлгээ бүртгүүлжээ. Эдгээрээс 47 нь УИХ-ын гишүүн байгаа аж. Хуулийн хугацааг сунгах боломжгүй. Тиймээс сар шинийн өдрүүдэд тусгай хуваарийн дагуу ажиллах юм байна. АТГ-ын зарим албан хаагчид 6, 7, 13, 14-ний бямба, ням гаригт ажиллах аж. Мөн цахим бүрдүүлэлтийн 
Монголын Сагсан Бөмбөгийн Холбоо /МСБХ/-ны удирдлага зохион байгуулалтын талаар маргаануудад өнгөрсөн гурван жилийн хугацаанд үргэлжилж шат, шатны шүүхээр хэлэлцсэний эцэст Улсын Дээд шүүх эцсийн шийдвэрийг гаргаж, сагсан бөмбөгчид нэг зүгт харан спортоо хөгжүүлэх боломжийг олголоо.
