Монгол Улсын Ерөнхийлөгч Ц.Элбэгдорж анхан болон давж заалдах шатны шүүгч, ерөнхий шүүгчийн албан тушаалд томилогдсон хүмүүст өчигдөр үнэмлэх гардуулан өгөв.
Эдгээр хүмүүсийг шүүгчийн албан тушаалд томилох тухай Монгол Улсын Ерөнхийлөгчийн зарлигийг Ерөнхийлөгчийн Хүний эрх, хуулийн бодлогын зөвлөх Ч.Өнөрбаяр уншиж сонсголоо. Ерөнхийлөгчийн зарлигт “Т.Даваасүрэнг Архангай, Баянхонгор, Өвөрхангай аймгийн Иргэний хэргийн давж заалдах шатны шүүхийн ерөнхий шүүгчээр, Ж.Оюунтунгалагийг нийслэлийн Иргэний хэргийн давж заалдах шатны шүүхийн ерөнхий шүүгчээр, Т.Туяаг нийслэлийн Иргэний хэргийн давж заалдах шатны шүүхийн шүүгчээр, Э.Лхагвасүрэнг Захиргааны хэргийн давж заалдах шатны шүүхийн шүүгчээр, Б.Мандалбаяр, Д.Цэрэндолгор, Ч.Ичинхорлоо нарыг Баянзүрх, Сүхбаатар, Чингэлтэй дүүргийн Иргэний хэргийн анхан шатны шүүхийн шүүгчээр, Э.Чингисийг Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн шүүгчээр, Д.Азжаргалыг Баян-Өлгий аймаг дахь сум дундын Эрүүгийн хэргийн анхан шатны шүүхийн шүүгчээр тус тус томилсугай” гэжээ.
Монгол Улсын Ерөнхийлөгч Ц.Элбэгдорж томилогдсон шүүгчдэд итгэл хүлээлгэж буйгаа илэрхийлэн хууль, журмаа сахиж шударга ажиллахыг хүсэв.
Монголын өнөөгийн нийгэм, уран бүтээлчдийн амьдрал болон хүн төрөлхтний мөнхийн сэдэв үнэнч хайр дурлалын тухай өгүүлэх “Төгсгөлгүй” сонгодог балет тоглогдох гэж байна.
Колумб улсад шумуулаас хүнд халддаг зика вирусийн улмаас гурван хүн амиа алдсан талаар тус улсын Эрүүл мэндийн сайд Алехандро Гавириа мэдээллээ. Амиа алдагсдын шээс болон шүлснээс шинжилгээ авахад зика вирус илэрчээ. Гэхдээ зика вирус биеийн шингэнээр халдвар тараадаг эсэхийг тогтоогоогүй байна. Шумуулаас хүнд халддаг гэгдээд байсан зика вирус анх удаагаа бэлгийн замаар халдсан болохыг тогтоосон билээ. Зикагийн улмаас гурван хүн амиа алдсантай холбогдуулан тус улсын эрх баригчид олон нийтийн газраар ариутгал хийх, вирусын тээгч шумуулаас өөрийгөө хамгаалахыг уриалжээ.
Ерөнхий сайд Ч.Сайханбилэг, Засгийн газрын хэрэг эрхлэх газрын дарга С.Баярцогт, Аж үйлдвэрийн сайд Д.Эрдэнэбат нар өнөөдөр орон нутагт ажиллаж байна.
Нийслэлийн Аялал жуулчлалын газраас зохион байгуулдаг “Улаанбаатарын Өвлийн наадам 2016” өнөөдөр Үндэсний цэцэрлэгт хүрээлэнд болж байна. Тус арга хэмжээний үеэр мөсний шагайн харваа, мөсөн сурын харваа, мөсөн хананы авиралт, уран гулгалт, тэшүүрийн үзүүлбэр, мэргэжлийн цасны хавтаны үзүүлбэр, шүхрийн үзүүлэх тоглолт зэрэг уламжлалт болон орчин үеийн өвлийн спорт, наадгайнууд болох юм. Тус наадамд хүрэлцэн ирсэн иргэд, жуулчид энэ бүхнийг үзэж сонирхоод зогсохгүй өөрийн биеэр нум сум харваж, ууланд авирч, өвлийн дугуй унан, нохойтой чарга, морь тэмээн дээр суун зургаа авахуулах боломжтой. Гадаад дотоодын зочдод Монголынхоо ёс заншил, өв уламжлал, соёлыг сурталчлан таниулахын зэрэгцээ шинэ тутам хөгжиж буй нийтийн биеийн тамир, спорт, аяллын төрлүүдийг ард иргэдэд сурталчлах давхар ач холбогдолтой гэж нийслэлийн Аялал жуулчлалын газрынхан хэлж байна.
Ирэх долоо хоногийн даваа гариг буюу хоёрдугаар сарын 8-нд Засгийн газар хуралдах юм байна. Энэ өдөр сар шинийн битүүний өдөр таарч буй. Төрийн байгууллагууд хагас өдөр ажиллах ёстой. Тэгвэл Засгийн газар ээлжит хуралдаан 10.00 цагт эхлүүлж, арав гаруй асуудлыг хэлэлцэн, танилцахаар төлөвлөжээ. Үүнд авто замын засвар, арчлалтын ажлын санхүүжилтийг шийдвэрлэхийн зэрэгцээ Үндсэн хуулийн цэцэд маргаан хянан шийдвэрлэх ажиллагааны тухай хуульд өөрчлөлт оруулах тухай хуулийн төслийг хэлэлцэн санал дүгнэлт гаргах юм байна. Уг төслийг УИХ-ын гишүүн Ш.Түвдэндорж санаачилжээ.
Жил бүрийн Сар шинийн баяраар иргэд хуулийн дагуу шинийн 1, 2, 3-ны өдрүүдэд бүх нийтээр амардаг. Энэ жилийн хувьд ч Сар шинийн баярын битүүний өдөр буюу хоёрдугаар сарын 8-ны даваа гараг, болон 12-ны баасан гарагт ердийн цагаар ажиллаж, хоёрдугаар сарын 9, 10, 11-ний өдрүүдэд амарна. Дээрх өдрүүдэд хүйтний эрч суларч дулаахан байна. Гэхдээ шинийн гуравнаас эхлэн цаг агаар муудах тул үүсч болзошгүй эрсдлээс урдчилан сэргийлэхийг цаг уурын хүрээлэнгээс ард иргэдэд сэрэмжлүүллээ.
Эртний гэгээрсэн мэргэд хүний бодол санаагаараа бие махбодио хөдөлгөдөг гэж хэлж байжээ. Энгийнээр хэлэхэд хүн юу гэж бодно түүнийхээ дагуу л үйл хөдлөл хийдэг гэсэн үг. Тэгвэл бодол санаагаа хэрхэн сайн сайхан зүйл рүү чиглүүлж удирдаж байх талаар дараах зөвлөмжийг хүргэж байна.
Нийслэлийн Нийтийн тээврийн газраас өгч буй мэдээллээр сар шинийн өдрүүд буюу хоёрдугаар сарын 9-11-ний өдрүүдэд Улаанбаатар хотын хэмжээнд 1000 орчим автобус үйлчилгээнд гаргахаар болжээ. Энгийн үед 900 орчим автобус үйлчилгээнд гардаг бол үүнийгээ нэмэгдүүлэхээр болсон байна. Нэмэлтээр гаргах автобусуудыг хотын зах болох Шархад, Тахилт, Чингэлтэй, Зунжин, Баянхошуу, Орбит, Зүүн салаа, Улаанхуаран, Санзай гэсэн чиглэлүүдэд үйлчилгээнд гаргах аж.