Монголын Урлагийн Зөвлөл, Улсын Филармоний Морин хуурын чуулга хамтран дэлхийн болон үндэсний хөгжмийг олон нийтэд сурталчлах зорилгоор “Playing love” тоглолтыг дөрөв дэх жилдээ шинэчлэн найруулж толилуулах болжээ.
Энэ удаагийн тоглолтоор дэлхийн киноны хөгжмөөс гадна Монгол хүний түүх, ахуй амьдрал, соёл, сэтгэлгээний онцлогийг илэрхийлсэн, сэтгэлд хоногшсон Монгол киноны сонгомол баян урын сангаас дээжлэн хүргэх аж.
“Playing Love” киноны хөгжмийн тоглолт ирэх сарын 4, 5-ний өдөр 19.00 цагт Corporate Hotel & Convention Center-т болно6 Тоглолтын тасалбар 20-30мянган төгрөгөөр худалдаалагдах бөгөөд тасалбарыг Монголын Урлагийн Зөвлөл болон Улсын филармонийн касс, www.ticket.mn сайтаар урьдчилан захиалах боломжтой.
АНУ-ын Агаарын нислэг, сансрын уудмыг шинжлэн судлах үндэсний төвийн цахим хуудаст Челябинскийн солироос 10 метрээр том, 30 орчим метр голчтой “2013 TX68” солир гуравдугаар сарын 5-нд дэлхийн хажуугаар маш ойрхон зайтай нисч өнгөрнө гэж мэдээлжээ.
Хөвсгөл аймгийн Засаг дарга А.Эрдэнэбаатар аймгийнхаа хэмжээнд 2016 оны тавдугаар сарын 01-ний өдрийг хүртэлх хугацаанд хурдан морины уралдаан зохион байгуулахыг түр хориглосон захирамж гаргажээ. 2016 он гарсаар олон жилийн дундажтай харьцуулахад эрс хүйтрэлттэй, цас ихтэй байгаа нь хүүхэд осгох, гар, хацар, хөл нь хайрагдах, хөлдөх зэрэг эрсдэл нэмэгдэх нөхцөл үүсч байгааг харгалзан уралдаанч хүүхдүүдийн эрүүл мэнд, амь нас, аюулгүй байдлыг хамгаалж, урьдчилан сэргийлэх зорилгоор урин дулаан ортол хурдан морины уралдаан зохион байгуулахыг түр хоригложээ.
Бразил улсын Засгийн газар тус улсын нутаг дэвсгэрт тархсан “Зика” вирусийг устгахаар 50 мянган цэрэг дайчилж байгаа аж. Цэргүүд нийт 350 хот суурин дахь гурван сая гаруй айл өрх, албан газар болон гудамж талбайгаар явж, “Зика” вирус тараагч шумуулыг устгах зориулалт бүхий ариутгалын бодис цацах юм байна. Мөн цэргүүдийг “Зика” вирусээс урьдчилан сэргийлэх заавар бүхий мэдээллийн зурагт хуудсыг айл бүрт тараах ажилд дайчилж байгаа аж.
Монгол Улсын Засгийн газар өнгөрсөн оны аравдугаар сарын 27-ны өдрийн хуралдаанаараа БНХАУ-тай хамтран “Шивээ-Овоо”-гийн нүүрсний ордыг түшиглэн эрчим хүчний цогцолбор байгуулах шийдвэр гаргасан билээ. Тэгвэл үүний дагуу “Эрдэнэс Монгол” компанийн дэргэд төслийн нэгж байгуулан холбогдох судалгааг хийж байгаа.
Шинийн нэгний өдөр МАХН Монголын Ногоон намтай хамтрах гэрээг байгуулжээ. Сонгуулийн тухай хуулийг шинэчлэн баталснаар УИХ-ын сонгуульд оролцох намуудыг Улсын Дээд шүүхэд бүртгүүлсэн он дарааллаар нь эрэмбэлж, саналын хуудаст бичихээр болсон. МАХН 18-д эрэмбэлэгдэж байсан бол Монголын Ногоон намтай хамтрах шийдвэр гаргаснаар гуравт бичигдэх боломжтой болжээ.
Сар шинийн баярын өдрүүдэд буюу хоёрдугаар сарын 10-нд Увс аймгийн Малчин сумын Баянхайрхан багийн Урт булаг гэдэг газарт 28 настай эрэгтэй автомашинаа орхиод цахилгааны шугамаа засварлахаар явган яваад сураггүй болсон байжээ.
Албан тушаалтнуудын хөрөнгө орлогын мэдүүлгийг жил бүрийн хоёрдугаар сарын 15-ны дотор авдаг уламжлалтай. Энэ жилийн хувьд сар шинийн баярын амралт болон долоо хоногийн амралтын өдөртэй үргэлжлэн олон хоногоор амарч байгаа. Тиймээс Авлигатай тэмцэх газрын нэр бүхий ажилтан, албан хаагчид сар шинийн өдрүүд болон амралтын өдрүүдэд албан тушаалтнуудын хувийн ашиг сонирхлын болон хөрөнгө, орлогын мэдүүлгийг бүртгэн, хүлээж авч байгаа ажээ.
Ус цаг уур орчны шинжилгээний хүрээлэнгээс гаргасан