ЭЕШ-ын бүртгэл эхлээд хоёр хонож байна. Энэ жилийн хувьд элсэлтийн ерөнхий шалгалт зохион байгуулах журамд зарим өөрчлөлт орсон тухай Боловсролын үнэлгээний төвөөс мэдээллэсэн. Энэ талаар БСШУЯ-ны Стратеги бодлого, төлөвлөлтийн газрын дарга Б.Насанбаяр “Монгол хэлний тухай хуулийн 7.4-д “Их, дээд сургуульд элсэгчдээс авах элсэлтийн ерөнхий шалгалт болон төрийн албанд анх орох иргэнээс авах монгол хэлний шалгалтын агуулгын дөрөвний нэгээс доошгүй хувь нь үндэсний бичгийн мэдлэгийг үнэлэхэд чиглэнэ” гэж заасан байдаг. Үүний дагуу монгол бичгийн даалгаврын хувь нэмэгдэж буй юм. Өнгөрсөн жилийн хувьд ерөнхий боловсролын сургуулиа төгссөн 19293 сурагч дээр өмнөх оны төгсөгчид нэмэгдээд 25 мянга орчим залуус ЭЕШ өгөх ёстой байсан. Харамсалтай нь монгол хэл бичгийн шалгалтаас авах ёстой 400 онооны босгоо 500 гаруй хүүхэд давж чадаагүй. Тэгэхээр хувь хүн өөрийнхөө ирээдүйн төлөө хичээлээ сайн судлах хэрэгтэйг сануулах байна. Монгол хэлний тухай хууль батлагдсантай холбогдуулан ЭЕШ-ын даалгаврын дөрөвны нэг буюу 25 хувь нь Монгол бичгийн даалгавар байхаар заасан. Өгөгдсөн бичгийн зурлага, үсгийг нэрлэж чаддаг эсэх, үг, өгүүлбэр, эхийг уншиж чадаж байна уу, монгол бичгээр бичсэн өгүүлбэрийг кирилл үсгээр хөрвүүлэн бичих, эргээд криллээр бичсэнийг монгол бичгээр хөрвүүлэн бичих чадварыг нь сорьсон даалгаврууд ирнэ. Агуулга нь өнгөрсөн жилийнхтэй адил ч монгол бичгийн даалгавар илүү нэмэгдэх юм. Босго оноо 400 бөгөөд үүнээс дээш оноо авч байж их, дээд сургуульд элсэх эрхтэй болно гэдгийг санах хэрэгтэй. Өнгөрсөн жил дөрөвдүгээр сард хоёр удаа монгол хэл, бичгийн шалгалтыг тусгайлан зохион байгуулсан. Ингэснээр эхний удаад амжилттай өгөөгүй сурагчид дахин өгөх боломжтой байсан. Харин энэ жилийн хувьд ганцхан удаа авна гэдгийг албан ёсоор анхааруулмаар байна. Дараагийн шалгалтаа өгөх эрх нь сурагчид нээлттэй байх юм” хэмээн мэдээллэсэн юм.
Дашрамд дурьдахад, урьдчилсан байдлаар зургаадугаар сарын 15-нд ЭЕШ-ийн хэл, бичгийн шалгалт нь эхлэх ажээ. Шалгалтуудыг хооронд нь нэг өдрийн зайтай авах аж. Энэ жилийн хувьд ерөнхий боловсролын тогтолцоо 12 жил рүү шилжсэнтэй холбоотойгоор арванхоёрдугаар ангийн хоёр дахь төгсөлт болох бөгөөд нийт 36207 хүүхэд ЕБС-иа төгсөх аж.
ХУД-ийн 16 дугаар хороо “Буянт-Ухаа” гудамжинд оршин суудаг иргэн гэрээ шатаажээ. Эл мэдээллийг хоёрдугаар сарын 16-нд буюу өчигдөр цагдаагийн байгууллагад өгчээ. Дуудлагаар цагдаагийн алба хаагчид очиж шалгахад тус тоотод суух 24 настай эрэгтэй Б нь согтуурсан үедээ ээжтэйгээ марган таван ханатай гэрээ шатааж, нийтийн байрны дээвэр дээр гарч амиа хорлохыг завдсан байжээ. Хэргийг цагдаагийн алба хаагчид таслан зогсоож ХУД-ийн цагдаагийн хоёрдугаар хэлтэс шалгаж байна. 
Нийслэлийн Засаг даргын захирамжийн дагуу 13 иргэн, аж ахуйн нэгж, байгууллагын газар эзэмших, ашиглах эрхийг шинээр баталгаажуулав. Газар эзэмших, ашиглах эрх нь баталгаажсан иргэн, аж ахуйн нэгж, байгууллагуудтай холбогдох хууль тогтоомж, журмын дагуу гэрээ байгуулж, гэрчилгээ олгон, хэрэгжилтэд хяналт тавьж ажиллахыг нийслэлийн Өмчийн харилцааны газарт даалгалаа.
Монгол Улсын Ерөнхийлөгчийн Олон нийтийн харилцааны зөвлөх А.Ганбаатарын ахалж ажилладаг АСЕМ-ын Дээд түвшний 11 дэх уулзалтын Хэвлэл мэдээлэл, сурталчилгаа хариуцсан ажлын хэсэг хоёрдугаар сарын 16-нд хуралдаж, цаг үеийн болон бэлтгэл ажилтай холбогдох хэд хэдэн асуудал хэлэлцлээ.
ОХУ-ын Буриад улсын нийслэл Улаан-Үдийг зорих монголчуудын цуваа ихсэх болсон. Үүнийг дагаад манай иргэд гэмт халдлагад өртөх нь ихэсчээ. Тухайлбал, тус хотод монгол залуусыг зэвсэглэсэн этгээдүүд дээрэмдсэн хэрэг өнгөрсөн даваа гаригийн шөнө гарчээ. Машиндаа хонож байсан эхнэр нөхөр руу 25-30 насны ангийн буугаар зэвсэглэсэн этгээдүүд халдаж, хөнгөн гэмтэл учруулан 80 мянган рублийг нь дээрэмдсэн байна. Энэ талаар Гадаад хэргийн яамны Консулын газрын дарга Б.Болд “ Монгол Улсаас Улаан-Үдэд суугаа ерөнхий консулын газраас мэдээлэл ирүүлсэн. Одоогоор аль улсын иргэд дээрэм хийсэн тодорхойгүй байна. Цагдаагийнхан дээрэмчдийг илрүүлэхээр шуурхай ажиллаж байгаа” хэмээн мэдээлсэн юм. 
Энэ сарын 08-аас 15-ны хооронд Хордлогын яралтай түргэн тусламжийн төвд нийт 17 хүн ханджээ. Эдгээрийн есөн хүн нь угаарын хийн, таван хүн нь эмийн, гурван хүн нь химийн бодисын хордлогод өртсөн байна.Угаарын хийн хордлогод өртсөн хүмүүсийн ихэнх нь гал түлэх явцад угаар алдсаны улмаас гэртээ хөнгөн хордлогод орсон байжээ. Харин амиа хорлох зорилгоор дөрвөн хүн эм ууж хордон, тусламж авсан гэдгийг НЭМХ-ээс мэдээллээ.
Өчигдөр орой 17.00 цагийн үед МАХН-ын санхүү хариуцсан нарийн бичгийн дарга П.Цогтбаатарыг АТГ-аас баривчлан саатуулж, хорих 461-р ангид саатуулсан байна. Түүнийг МАХН-ы ерөнхий нарийн бичгийн дарга Г.Шийлэгдамбын хэрэгт холбогдуулан баривчилсан гэсэн мэдээлэл байна. Санхүү хариуцсан нарийн бичгийн даргыг хорьсон олон хүний анхаарлыг татаад байна.
Жүжигчин, найруулагч Ш.Доржсүрэн болон жүжигчин,
Японы олон улсад цор ганц Англи хэл дээр өргөн нэвтрүүлгийн үйлчилгээ үзүүлэгч “NHK WORLD” телевиз Ази тивийн олон улс үндэстнүүдийн тухай бэлтгэн хүргэдэг нэгэн төслийнхөө хүрээнд Монгол улсыг төлөөлж 
Монголын үүрэн холбооны тэргүүлэгч оператор Мобиком Корпораци хэрэглэгчдэдээ 4G LTE үйлчилгээ үзүүлэх зөвшөөрлөө Харилцаа Холбооны Зохицуулах Хорооноос гардан авлаа. Энэхүү технологийн ачаар хэрэглэгчид олон төрлийн өндөр чанартай дижитал контент, аппликэйшнуудыг бүрэн ашиглах боломжтой ба бизнесийн байгууллагууд үйл ажиллагаагаа үр ашигтай явуулах өргөн боломж нээгдэх юм. Түүнчлэн дэлхийн стандартад нийцсэн 4G LTE технологид суурилсан хамгийн өндөр хурдны гар утасны дата үйлчилгээг үзүүлэх бололцоотой боллоо.