Итали, Словени, Унгарын хил дээр Австри дүрвэгсдийн өдөр тутмын квотыг тогтоожээ. Энэ тухай тус орны ДХЯ-ны сайтад өгүүлэв.
“Европын холбооны гадаад хил хязгаарыг хамгаалах арга хэмжээг авах хүртэл бид бие даан ажиллахаас өөр аргагүй” гэж Австрийн Дотоод хэргийн сайд Йоханна Микль-Ляйтнер тайлбарлав. Мөн тэрээр тодорхой тоог Словенийн засаг захиргаатай тохиролцон тогтооно гэв.
Өнгөрсөн онд Австрийн нутгаар 700 мянган дүрвэгч дайран өнгөрснөөс 90 мянга нь тус орноос орогнол гуйжээ. Энэ оны эхээр 37,5 мянган хүнд орогнол олгохоор Вена шийдсэн байв.
Одоо үндэсний хилийн хамгаалалт, хяналтыг Норвеги, Швед, Дани, Герман, Франц, Мальта, Австри хийж байгаа юм.
Өнгөрөгч онд нийслэлийн Сонгинохайрхан дүүрэгт архи согтууруулах ундаа хэрэглэсэн үедээ хүүхэддээ хутга тулгаж, цонхоор шидэхийг завдсан хэргийн мөрдөн байцаалт дуусч хавтаст хэргийг прокурорын байгууллагад шилжүүлжээ.
Оюуны их спорт шатрыг спорт сонирхогч хүүхдүүдийн ур чадварыг дээшлүүлэх, тив дэлхийн тэмцээн уралдаанд оролцох нөхцөл бололцоог дэмжих зорилгоор өсвөрийн шатрын аварга шалгаруулах “Хавар 2016 Опен” уралдаан зарлалаа.
Маргааш УИХ-ын ээлжит бус чуулганыг нээнэ. Чуулганы нээлтийн дараа ҮХЦ-ийн гишүүнийг эгүүлэн татах асуудлыг үргэлжүүлэн хэлэлцэхээр төлөвлөжээ.
Монголын Хөгжлийн бэрхшээлтэй иргэдийн Үндэсний зөвлөлийн тэргүүн М.Баясгалан, Хөгжлийн бэрхшээлтэй иргэдийн нэгдсэн холбооны ерөнхийлөгч Д.Баатаржав, Монголын Дүлий иргэдийн үндэсний холбооны ерөнхийлөгч Т.Цэдэнбал нар өнөөдөр сэтгүүлчдэд мэдээлэл хийлээ.
Гадаадад өндөр боловсрол эзэмшсэн монголчуудыг Монголдоо ажиллаж хөдөлмөрлөх боломжоор хангах чиглэлээр Залуучуудын хөдөлмөрийн төв бирж тодорхой ажлуудыг зохион байгуулж байгаа. Тус байгууллага энэ удаа АНУ-д суралцаж буй монгол оюутан залуусын санаачилгаар жил бүр зохиодог Хөдөлмөрийн яармагт оролцох аж. Уг өдөрлөгийг энэ жил зургаа дахь удаагаа зохион байгуулж байгаа юм. АНУ-ын Сан-Франциско хотод ирэх сарын 18-20-ны хооронд болох энэ үйл ажиллагаанд Хөдөлмөрийн яам, Нийслэлийн Хөдөлмөрийн газар, Ажил олгогч эздийн нэгдсэн холбоо, АНУ-д үйл ажиллагаагаа явуулдаг 10, Монгол улс дахь 20 аж ахуйн нэгж оролцох юм байна.
Улсын хэмжээнд Хөрөнгө, орлогын мэдүүлэг хүлээн авах ажлыг энэ сарын 15-ны өдөр албан ёсоор дуусгасан. Урьдчилсан дүнгээр төрийн болон нутгийн захиргааны нийт 109 байгууллагаас ирүүлсэн дүнгээр 39940 мэдүүлэг гаргагч 2015 оны мэдүүлгээ шинэчлэн бүртгүүлсэн бөгөөд энэ нь нийт бүртгүүлэх ёстой албан хаагчдын 99.7 хувь юм.
2006 оноос өмнө жолооч болсон иргэдэд жолоодох эрхийн шар үнэмлэхийг олгож байсан. Тэгвэл тус үнэмлэхийг зайлшгүй солих хэрэгтэй аж. Гэхдээ зарим иргэдийн дунд “шар” үнэмлэхтэй жолоочдыг торгож байна гэх яриа худал хэмээн ЦЕГ-ын Лицензийн төвийн дэд дарга П.Эрдэнэбат хэллээ.
Татварын ерөнхий газрын Эрсдэлийн удирдлага, судалгаа үнэлгээний хэлтсийн дарга асан Д.Энхбат өршөөлийн хуулиар суллагдсан байна.
Өнөөдрийн байдлаар арилжааны банкуудад нэг ам.долларыг зарах ханш 2028 төгрөг байна. Сүүлийн нэг сарын хугацаанд долларын ханш огцом өссөөр ийн 2028 төгрөгт хүрлээ.