Барилга хот байгуулалтын сайд З.Баянсэлэнгэ ХБНГУ-аас Монгол Улсад суугаа Онц бөгөөд бүрэн Эрхт Элчин сайд Герхард Тийдеманныг өнөөдөр хүлээн авч уулзлаа. Уулзалтад Сайдын зөвлөх Л.Цээсүрэн, Үл хөдлөх хөрөнгө, зах зээл, гадаад хөрөнгө оруулалтын хэлтсийн дарга Ж.Бурмаа, ахлах мэргэжилтэн А.Лхамсэржид нар оролцжээ.
Уулзалтын үеэр Талууд хоёр орны түүхэн харилцаа, хамтын ажиллагаа амжилттай хөгжиж ирснийг тэмдэглэн барилга, хот байгуулалтын салбарын хамтын ажиллагааны талаар санал солилцов.
Сайд З.Баянсэлэнгэ барилга, хот байгуулалтын салбарын хэмжээнд авч хэрэгжүүлж буй ажлууд болох Барилгын тухай хуулийн шинчилсэн найруулгын төслийг батлуулсан, ипотекийн зээлийн хүүг 8 хувиас 5 хувь болгож бууруулах, малчдын өвөлжөөний газрын кадастрын зургийг хийлгэх, түрээсийн орон сууцны хөтөлбөрийг хэрэгжүүлж 1029 айлыг хамруулахаар ажиллаж байгаа талаар мэдээлэв.
Элчин сайд Герхард Тийдеманн манай хоёр орны харилцаа, хамтын ажиллагаа Засгийн газрын болон хувийн хэвшил хоорондын хамтын ажиллагаа улам эрчимжиж байгааг тэмдэглэн, сайд З.Баянсэлэнгийн ХБНГУ-ын Заксон Анхальт муж улсад хийсэн айлчлал нь хоёр орны хамтын ажиллагаанд чухал ач холбогдолтой болохыг онцлож, сайдын эхлүүлсэн ажилд дэмжлэг үзүүлэхээ илэрхийлэв. Элчин сайдын зүгээс хоёр орны харилцаа, хамтын ажиллагааны хөгжилд дэмжлэг үзүүлж ирсэн цаашид ч дэмжлэг үзүүлж ажиллахаа илэрхийсэн талаар БХБ-ын хэвлэлийн албанаас мэдээллээ.
Өнгөрсөн оны тавдугаар сард бүртгэгдсэн Зика вируст халдвар дэлхийн 28 улсад эрчимтэй тархсаар байна. Дэлхийн Эрүүл мэндийн байгууллагын Олон улсын эрүүл мэндийн дүрмийн Шуурхай хороо 2016 оны хоёрдугаар сарын 01-ний өдөр хуралдан энэ талаар хэлэлцэж, “Нийгмийн эрүүл мэндийн ноцтой байдал” үүссэн хэмээн үзэж, гишүүн орнууддаа мэдэгдэл хүргүүлжээ. Зика вирусийн халдвар жирэмсэн эхээс урагт хэрхэн халддаг талаар нарийн судлаагүй ч гол төлөв шумууланд хазуулж, мөн цус, бэлгийн замаар дамждаг байж болзошгүй гэж үзэж байна.
Монгол, Оросын хамтарсан “Монголросцветмэт” ХХК-ийн харьяа “Бор өндөр” баяжуулах үйлдвэр нь энэ онд далд уурхайгаас 130 мянган тонн жоншны хүдэр, ил уурхайгаас 45 мянган тонн хайлуур жоншны хүдэр олборлох зорилт тавьжээ.
УБЦТС ТӨХК нь Хэрэглэгчдэд үйлчлэх төв болон салбар кассуудаар төлбөрөө төлсөн хэрэглэгчдэдээ энэ оны нэгдүгээр сарын 21-ний өдрөөс эхлэн Нэмэгдсэн өртгийн албан татварын удирдах систем /НӨАТУС/-ийн баримтыг хэвлэн өгч байгаагаас гадна цахилгаан эрчим хүчний цахим үйлчилгээ http://my.tog.mn-ээр төлбөрөө хийсэн тохиолдолд баримтыг илгээж байгаа билээ.
Барилга, хот байгуулалтын яамаас газрын үнэлгээг тогтоох журмыг шинэчилжээ. Үүнд төв суурингийн нутаг дэвсгэрийг ерөнхий таван бүсэд хувааж, бүс өсөх тусмаа үнэ нь буурдаг байдлаар зохицуулсан байна. Хуучин бүсчилж үнэ тогтоодог байсан ч нэгдүгээр бүсийн төгсгөл, хоёдугаар бүсийн эхлэл газрын үнээс бага байсан аж. Түүнчлэн орон нутагт ч мөн адил хуваасан ч нэгдүгээр бүсийг дотор нь дэд бүсүүдэд хувааж газрын үнийг тогтоох юм байна.
БНХАУ-ын 40 настай нэгэн залуу хэдхэн хоногийн өмнө нүдний хорт хавдраар өвчилж, нас баржээ. Өвчний гол шалтгаан нь шөнийн цагаар ухаалаг утсыг удаан хэрэглэсэнтэй холбоотой гэсэн эмчийн дүгнэлт гарчээ. Сүүлийн үед дундад Азид нүдний хорт хавдраар өвчлөгсдийн нас залуужиж байгаа бөгөөд түүний гол шалтгаан нь ухаалаг утас, таблет, телевизийг харанхуйд хэт удаан үзсэнээс үүдэлтэй гэнэ. Манай улсын залчуучууд сүүлийн үед дээрх зүйлсийг байнга хэрэглэж байгаа болохоор нэгийг бодоход илүүдэхгүй болов уу. Эцэг, эхчүүд ч хүүхдүүддээ гар утас, таблетаа өгч тоглуулахгүй байхыг хичээгээрэй.
Баян-Өлгий аймгийн “13 настай бүргэдчин” хэмээх Н.Айшолпан өнгөрөгч сард “The Eagle Huntress” киноныхоо нээлтэд оролцсон талаар бид өмнө нь мэдээлж байсан. Түүний тоглосон киног Холливудын одод сурталчилж, охины нэр хүнд дэлхий дахинаа хурдацтай өсч байна. Тэгвэл энэ удаад фэйсбүүкийн хамгийн олон хандалттай “Хүчирхэг охид” хуудсанд Н.Айшолпан охины талаарх дэлгэрэнгүй мэдээлэл гарчээ. Энэхүү хуудсын хувьд өдөр бүр хүчирхэг эмэгтэйчүүд, амжилттай яваа охидын талаар өгүүлдэг юм. Охины өмнө Грэммийн наадмаас хэд хэдэн шагналыг хүртэж, шилдгийн шилдэг болсон Тэйлор Свифтийг онцолсон бол өнөөдөр Монгол охиныг магтан бичжээ.
Нэмэгдсэн өртгийн албан татварын тухай хууль шинэчлэгдсэн ГЕГ болон ТЕГ нэгдэн ажиллахаар болсон. Түүнчлэн 3.6 их наяд төгрөгийг улсын төсөвт төвлөрүүлэх эрх зүйн зохицуулалтыг Улсын их хурал хийсэн. Улмаар энэ долоо хоногийн Засгийн газрын ээлжит хуралдаанаар Гааль, Татварын ерөнхий газрын даргаар Сангийн яамны дэд сайд асан С.Пүрэвийг албан ёсоор томилсон юм. Гэхдээ өнгөрсөн нэгдүгээр сараас эхлэн Гаалийнхан Монгол гуравдугаар сургуулийн байраа суллаж, хуучин Татварын ерөнхий газрын төв байрт шилжин ирсэн билээ. Хоёр байгууллага нэгдэж, нэг барилга, нэг бүтэц зохион байгуулалтад орж дууссан байна. Одоо зөвхөн Сангийн яамнаас баталсан орон тоогоор ажиллах ёстой болжээ. Энэ нь 147 хүнийг албан үүргээс нь чөлөөлөх эсвэл дотооддоо тохиролцож цалингийн хувиа бууруулж, дээрээс баталсан цалингийн фондод тохируулан ажиллах гэсэн хоёр сонголт тулгарчээ. Гааль, татварын ерөнхий газрын удирдлагууд аль болох төрийн албан хаагч, гааль, татварын байцаагчаа цомхотгохгүй зөвхөн аж ахуйн салбарт буюу арын албанд ажилладаг галч, жижүүр, сантехникч зэрэг нэг ажлыг давхардан хийх ажилчдаасаа явуулахаар тооцжээ.
Авлигатай тэмцэх газар