Дэлхийн миссийн тэмцээнээс чансаагаараа тавдугаарт бичигддэг “Face of beauty international 2016” тэмцээн энэ онд манай улсад зохиогдох болсон талаар бид өмнө нь мэдээлж байсан. Тэгвэл тус тэмцээнд 60 орны мисс ирж оролцох бөгөөд одоогоор хоёр улсын миссийн нэр тодорчээ. Тухайлбал Мексикийн мисс тэмцээний тэргүүн байрын шагналыг хүртсэн Андреа Саенз Монгол улсад хүрэлцэн ирж, “Face of beauty international 2016” тэмцээний титмийн төлөө өрсөлдөхөөр болжээ. Мөн Унгарын мисс Ники Рудольф тодорчээ. Тэднээс гадна 57 орны миссийн нэр тун удахгүй олон нийтэд хүрэх юм байна.
Харин тус тэмцээнд Монгол Улсаа төлөөлж оролцох миссийг телевизийн шоу нэвтрүүлэг зохион байгуулж, ард түмний дунд нээлттэй санал асуулга явуулж тодруулах аж. Санал асуулгаас шалгарсан охин тэмцээнд оролцох эрхтэй болно.
Тэмцээний төгсгөлийн ёслолын ажиллагааг Мексик улсын төв телевиз 10 гаруй улсад Монгол улсын нийслэл Улаанбаатар хотоос шууд дамжуулах аж. Иймд тэмцээний зохион байгуулагчдын зүгээс “Тэмцээнд оролцох миссийг дагаж 200-300 гаруй жуулчин Монголд ирэхээр тооцоолж байна. Тиймээс энэ бол Монгол Улсыг дэлхийд сурталчлах томоохон ажил” гэдгийг хэлж буй юм.
Тав дахь жилдээ зохиогдож титмийн эзнээ тодруулах тус тэмцээн ирэх есдүгээр сард Монголд зохиогдоно.
УИХ-ын ээлжит бус чуулганаар өнгөрсөн баасан гаригт Үндсэн хуулийн
Мэргэжлийн хяналтын ерөнхий газар харьяа хэлтэс, албан хаагчидтайгаа цахим хурал хийжээ. Энэ үеэр тус газрын даргын үүрэг гүйцэтгэгч Ц.Шаравдорж хүүхдийн аюулгүй байдлыг хангаагүй тохиолдолд хурдан морины уралдаан зохион байгуулахыг хориглохоо мэдэгджээ. Тэрээр “Стандартын шаардлага хангасан хамгаалалтын малгай, цээживч, тохойвч, өвдгөвч өмсүүлж, унаач хүүхдийн аюулгүй байдлыг бүрэн хангаагүй, даатгалд хамруулаагүй, хүүхдийн эцэг, эхтэй гэрээ байгуулаагүй бол цаашид өвөл, хаврын хурдан морины уралдаан зохион байгуулахыг хориглох нь зүйтэй” гэжээ. Түүнчлэн хурдан морины уралдаан зохион байгуулах аймгийн комисст улсын байцаагч нараа оруулж, бүх шатны Засаг дарга, Монголын морин спорт, уяачдын холбоо, аймаг, орон нутаг дахь салбар хороод, хүүхдийн болон хөдөлмөр, нийгмийн хамгаалал хариуцсан байгууллага, ажилтнуудад зөвлөмж хүргүүлж, байнгын хяналт тавихыг үүрэг болгосон байна.
Нийслэлийн эдийн засагт аялал жуулчлалын салбарын эзлэх хэмжээг 20
Улсын драмын эрдмийн театрын ерөнхий найруулагч Н.Наранбаатар 2012 онд Уилльям Шекспирийн зохиол “Гамлет” жүжгийг шинэчлэн найруулж, тайзнаа дахин амилуулсан. Тэгвэл энэ жүжигт О.Дөлгөөн тоглохоор болжээ. Тэрээр театрт жүжигчнээр ороод удаагүй байгаа ч Жульетагийн дүрд чадварлагаар тоглосон билээ. Тэгвэл О.Дөлгөөн өөрийн цахим хуудсандаа доорх зургийг тавьжээ. Ингэхдээ “Театр хэмээх том айлд ороод оноогдсон гурав дахь дүр минь” гэсэн тайлбартайгаар оруулжээ.
Энэ сарын 19-21-ний өдрүүдэд “Монгол Коосэн” сургуульд оюутны улсын аварга шалгаруулах зуун буудалт даамын тэмцээн болж өнгөрлөө. Монголын даамын холбоо, “Алтан хүү” клуб, Техник технологийн дээд сургууль хамтран зохион байгуулсан энэхүү тэмцээнд эрэгтэй 33, эмэгтэй 22, нийт 55 тамирчин оролцсон байна. 
