“МЗХ”-ны байранд “Унадаг дугуйтай Улаанбаатар” хэлэлцүүлэг өнөөдөр болж өнгөрлөө. Хөгжингүй орнууд унадаг дугуйн хэрэглээг зах замбараагүй өсөн нэмэгдэж буй шигүү хотжилт, төвлөрлийн толгойн өвчин болсон замын түгжрэлийг арилгах, хөдөлгөөний эрчмийг нэмэгдүүлэх шийдэл гэж үздэг. Тиймээс Улаанбаатарчуудын унадаг дугуйгаараа ажил руугаа явж, гэртээ ирэхдээ түгжрэлгүй харих тал дээр анхаарч Нийслэлийн ерөнхий төлөвлөлтийн газар, Монголын авто замчин залуучуудын холбоо, Монголын дугуйн холбоо зэрэг олон байгууллагууд “Унадаг дугуйтай Улаанбаатар” төслийн хүрээнд унадаг дугуйн зам барихаар болжээ.
Манай улсын хувьд унадаг дугуйн хэрэглээ 30 мянгад хүрсэн ч унадаг дугуйн зам, зогсоол байхгүй мөн дугуйн хулгайих гардаг гэх мэт асуудлууд олон байна. Хэлэлцүүлэгт оролцсон дугуйчдын хувьд нэн тэргүүний тулгамдсан асуудал нь дугуйн зам бөгөөд замын хөдөлгөөнд оролцож буй жолооч нарын харьцаа хандлага ч чухал болохыг онцоллоо. Түүнчлэн хөдөлгөөнд оролцож буй дугуйчид зориулалтын малгай өмсөж хэвшихийг уриалсан юм.
Энэ үеэр хөндөгдсөн томоохон асуудлын нэг нь унадаг дугуйн замын асуудал байсан бөгөөд уг төслийн хүрээнд 2013-2015 онд Бэлхийн зам, Дүнжингаравын зам, 19-р хорооллын арын зам, Үндэсний цэцэрлэгт хүрээлэн зэрэг есөн газар 45.9 км дугуйн замтай болсон бол Концессийн гэрээгээр 2016 онд баригдах долоон замын хоёр нь дугуйн замтай баригдах төлөвлөгөөтэй байгаа гэнэ. Хэрвээ уг төлөвлөгөөний дагуу хэрэгжвэл энэ онд 30 орчим км дугуйн зам нэмэгдэх нь. Мөн Авто замчин залуучуудын холбоо явган хүний замыг дугуйн замтай хосолмол аргаар ашиглах талаар судалгаа хийсэн байна. Уг судалгаанаас баруун дөрвөн замаас зүүн дөрвөн зам хүртэлх урд талын явган хүний замыг дугуйн замтай хосолмол аргаар хэрэглэх боломжтой гэсэн дүн гарчээ.
Уулзалтын үр дүнд залуучууд нэгдэж өөрсдийн боломж бололцоогоор дугуйн жишиг замтай болох, унадаг дугуйг Гаалийн татвараас чөлөөлөх мөн банкны лизинг бууруулах гэх мэт саналууд гарсан бөгөөд саналуудын нэгтгэн 2016 онд хэрэгжүүлэх “Унадаг дугуйтай Улаанбаатар” хөтөлбөрийн төлөвлөгөөнд тусгах юм байна. Мөн зам тээврийн хөгжлийн төвөөс стандарт шинэчлэн боловсруулах ажлын гэрээг байгуулж “Унадаг дугуйн зам барих, Техникийн ерөнхий шаардлага’’ MNS 5683:2006 стандартын төслийг МАЗЗХолбооны гишүүдээс ажлын хэсэг гарган энэхүү стандартыг шинэчлэн боловсруулж байгаа ба энэ онд хоёр га газар, 14,3 км зам барих юм.
Б.Дашзэвэг-DZman
Говь-Алтай аймгийн Алтай суманд байрлах Бургастайн боомтыг байнгын ажиллагаанд шилжүүлэхээр боллоо. Гадаад хэргийн сайд Л.Пүрэвсүрэн энэ сарын 19-нд Бургастай боомтод болсон БНХАУ-д мах экспортлох үйл ажиллагааны нээлтийн арга хэмжээнд оролцсон. Монгол Улсын Засгийн газраас эдийн засгаа төрөлжүүлэн хөгжүүлэх бодлогын хүрээнд мал сүрэг, түүний үр шимийг эргэлтэд оруулахаар идэвхтэй ажилласны дүнд БНХАУ-ын зах зээлд үхэр, хонь, ямааны түүхий мах экспортлох боломжтой болсон. Энэ хүрээнд Увс аймгийн “Грийн Грасланд” компанийн “Мон Тува” үйлдвэрт бэлтгэсэн 17 тонн хонины мах хилээр гаргаснаар үхэр, хонь, ямааны мах БНХАУ-д экспортолж эхэлсэн байна. Уг үйл ажиллагааг өргөжүүлэхийн тулд зөвхөн тэгш тоотой саруудад ажилладаг Бургастайн боомтыг байнгын ажиллагаанд шилжүүлэх шаардлага бий болж байна хэмээн үзжээ.
Шүүхийн шийдвэр гүйцэтгэх тухай хууль Үндсэн хууль зөрчсөн эсэх маргааныг хянан хэлэлцэх Үндсэн хуулийн цэцийн дунд суудлын хуралдааныг ирэх гуравдугаар сарын 2-ны өдөр зарлажээ. Шүүхийн шийдвэр гүйцэтгэх тухай хуулийн 54 дүгээр зүйлийн 54.2 дахь хэсэгт барьцаалагч бусад үүрэг гүйцэтгүүлэгчдийн төлбөрийг барагдуулах үүрэг хүлээхээр зохицуулсан нь Үндсэн хуулиар баталгаажуулсан иргэний хөдлөх, үл хөдлөх эд хөрөнгө шударгаар олж авах, эзэмших, өмчлөх эрхийг зөрчсөн эсэхийг тогтоолгохоор хандсан нэр бүхий иргэдийн мэдээллийн дагуу Үндсэн хуулийн цэц маргаан үүсгэсэн байна.
Эмнэлэгт хэвтэн эмчлүүлж буй хүүхдүүдэд зориулж эмчилгээний өрөө, тоглоомын өрөө зэрэг тухтай орчинг бүрдүүлсэн “Dream Corner” төсөл өнөөдөр Баянгол дүүргийн хүүхдийн эмнэлэгт нээлтээ хийлээ.
“Монгол ТВ”-ээс санаачлан явуулдаг “Монголын телевизүүдийн чуулган” гурав дахь жилдээ зохион байгуулагдахаар боллоо. Чуулган хоёрдугаар сарын 25-26-нд Туушин зочид буудлын Соёмбо танхимд болох бөгөөд энэ жил “Контентын үнэлэмж – Монголд” гэх сэдвийн дор , телевиз, дүрсний уран бүтээлчдийг цуглуулж, бүтээж буй контентийн үнэ цэнэ, агуулга, түгээлт, бэрхшээл зэргийг хэлэлцэх юм байна. 
Монголын Э-спортын CS.GO төрлийн мэргэжлийн баг TheMongolz.CS энэ сарын 1-нд IEM Taipei тэмцээнд түрүүлж, 30 мянган ам.долларын эзэд болсон билээ. Азийн шилдгүүдийг тодруулах зорилготой энэхүү тэмцээнд TheMongolz.CS баг түрүүлснээр Польшийн Катовиц хотод болох 250 мянган ам.долларын шагналын сантай IEM Katowice, мөн “Valve Major” буюу АНУ-ын Колумбус хотод болох 250 мянган ам.долларын шагналын сантай MLG Columbus тэмцээнд дэлхийн шилдгүүдтэй өрсөлдөхөөр шалгарсан.
Өнөөдөр Нийслэлийн удирдлагууд 2016 онд хэрэгжүүлэхээр төлөвлөж буй авто зам, байгууламжийн төсөл, арга хэмжээг хэлэлцэн, энэ онд зам засвар, шинэчлэлтийн ажлыг гуравдугаар сарын 15-нд эхлүүлж долоодугаар сарын 1-нд дуусгахаар төлөвлөжээ.
Зураач, каллиграфийн мастер Онолт Т.Жамьянсүрэнтэй үсгийн урлагийн талаар цөөн хором хөөрөлдлөө.
-Улс орон бүр өөр өөрийн гэсэн каллиграфитай. Харин монгол каллиграф юугаараа ялгардаг вэ?
-Өнөө үеийн монгол каллиграфийн хөгжил ямар ахицтай явж байгаа вэ?
-Та өөрийн үзэсгэлэнгээ гадны орнуудад олон удаа гаргаж байсан. Тэр бүрт монгол каллиграфийг хэрхэн хүлээж авдаг вэ?
-Сүүлийн үед ямар бүтээл дээр ажиллаж байна?
Өчигдөр болсон Нийслэлийн удирдах ажилтнуудын шуурхай зөвлөгөөнөөр Улаанбаатар хот дахь гэр оронгүй тэнэмэл иргэдийг бүртгэлжүүлэх үүргийг холбогдох байгууллагад өгсөн. Ажлыг ирэх гуравдугаар сарын 15-ны өдрийн дотор зохион байгуулах ба гэр оронгүй иргэдийг цуглуулж эрүүл мэндийн үзлэг хийн мэдээллийн нэгдсэн сантай тулгах юм байна. Ингэснээр дээрх иргэдэд сургалт мэдээлэл хийх, эрүүл мэндийн тусламж үйлчилгээ үзүүлэх, элдэв төрлийн эрсдэлээс урьдчилан сэргийлэхэд ач холбогдолтой юм.