Монгол Улсын Их Хурлын гишүүн, Өргөдлийн байнгын хорооны дарга Ж.Батзандан өнөөдөр /2016.02.25/ Нийслэлийн Баянзүрх, Хан-Уул, Сонгинохайрхан дүүргийн иргэдийг хүлээн авч уулзлаа.
Уулзалтын үеэр Байнгын хорооны дарга иргэдийн өргөдлийг хүлээн авч, хууль тогтоомжийн хэрэгжилтийг боловсронгуй болгох асуудлаар иргэдийнхээ саналыг сонсов. Түүнчлэн яаралтай шийдвэрлэвэл зохистой өргөдөл, гомдлыг холбогдох газар, албаны хүмүүст хүргүүлэхээр тогтлоо.
Уулзалтын төгсгөлд, Өргөдлийн байнгын хорооны дарга Ж.Батзандан иргэдийн саналыг сонсч, сонирхсон асуултад хариуллаа.
“Сайдын цаг” уулзалтад Сангийн сайд Б.Болор оролцлоо. Тэрээр Эдийн засгийн ил тод байдлыг дэмжих тухай хуулийн хэрэгжилтийн талаар мэдээлэл хийсэн юм. Энэ оны хоёрдугаар сарын 20-ны өдрийн байдлаар гаргасан урьдчилсан мэдээллийн хүрээнд 34.7 их наяд төгрөгийн хөрөнгө, орлого ил болж, 8.3 их наяд төгрөгийн татвар болон 2.5 их наяд төгрөгийн торгууль, алдангиас тус тус чөлөөлжээ.
МАН, МАХН-ын хамтран Эх орончдын өдрийг тэмдэглэх талаар хэвлэлийн бага хурал хийлээ. Хэвлэлийн хуралд МАХН-ын нарийн бичгийн дарга Б.Тулга, МАН-ын нарийн бичгийн дарга Д.Амарбаясгалан нар мэдээлэл хийв. Тэд баяраа хамтран тэмдэглэх ойлголцлын санамж бичигт гарын үсэг зурсан юм. Эх орончдын баярыг тэмдэглэх хүрээнд Д.Сүхбаатарын хөшөөнд цэцэг өргөж, баярын хурал зохион байгуулах аж. 
Төв аймгийн цагдаагийн газар, Хан-Уул дүүргийн Цагдаагийн II хэлтэст Канад Улсын Засгийн газрын санхүүжилтээр олон улсад үйл ажиллагаа явуулдаг “Канад сан”-гаас 46.8 сая төгрөг олгож, уг хөрөнгөөр орчин үеийн шаардлагад нийцсэн 2-10 дахин татах чадвартай хяналтын камер, дуу бичлэгийг нь хурааж хадгалах компьютер, техник ширээ сандал, тусгай толин хаалтаар тоноглосон, сэжигтнийг танин олуулах өрөө байгуулжээ.
Хэнтий, Сүхбаатар, Дорнод, Төв, Дорноговь, Хөвсгөл, Архангай, Булган аймагт малын халдварт болон гоц халдварт өвчин гараад байна. 
Фэйсбүүк компанийн удирдлагууд өнгөрсөн оноос эхлэн “лайк” буюу “таалагдлаа” гэх тэмдгийг орлох тэмдэгтүүдийг бүтээж эхэлсэн юм.
Долоо хоног бүрийн пүрэв гаригт болдог “Сайдын цаг” уулзалтад өнөөдөр Сангийн сайд Б.Болор, ГТЕГ-ын дарга С.Пүрэв нар оролцоно.
Өнөөдөр нийслэлийн МАН-ын II хуралдаан болж байна. Энэхүү хуралдаан Тусгаар тогтнолын ордонд болж буй бөгөөд 800 төлөөлөгч оролцож буй бөгөөд Сонгуулийн хуультай холбоотой мэдээлэл хийж, өнгөрсөн хугацаанд хийсэн ажлаа танилцуулж буй юм. Дээр нь бүтэц зохион байгуулалтын асуудал хэлэлцэх аж. Нийслэлийн МАН нь 45 мянган гишүүнтэй аж. Нийслэлийн МАН-ын даргаа Ц.Сандуй ажиллаж буй бөгөөд тэрээр энэ албан тушаалыг авахад нийслэлийн МАН-ын рейтинг 24 хувьтай байсан бөгөөд шаргуу ажилласны үр дүнд 35 хувь хүртэл өсгөсөн гэнэ. Ц.Сандуй нийслэлийн МАН-ын дарга болсноос хойш Багахангай, Багануур, Чингэлтэй дүүрэгт ялалт байгуулсан байна. Түүнчлэн Сонгинохайрахн дүүрэгт болсон УИХ-ын нөхөн сонгуульд Д.Сумъяабазарыг ялуулсан юм.
Нийслэлийн Эрүүл мэндийн газар, Найрамдал Ротаракт клубын хамтын ажиллагааны хүрээнд “Dream Corner” төслийг хэрэгжүүлэн Улаанбаатар хотын долоон дүүргийн нэгдсэн эмнэлгийн хүүхдийн өрөөг тохижуулж байна.