Month: February 2016

Хадгаламж зээлийн хоршооны хохирогчид мэдээлэл хийж төр засагтаа хандан хуулиа хэрэгжүүлж, хохирлыг барагдуулахыг хүсэмжилсэн юм.

Тэд хохирогчдыг төр засаг хууран мэхэлж байна гэв. Хадгаламж зээлийн хоршоод 2006 онд ээлж дарааллан дампуурлаа зарласнаас болж хадгаламж эзэмшигчидэд хөрөнгөөрөө хохирч байсан. Тэд хохирлоо барагдуулахын тулд хууль тогтоох байгууллага, гүйцэтгэх засаглал, хууль хэрэгжүүлэх байгууллага болон бусад төрийн байгууллагад хандсанаа рхөрөнгийн 50 хувийг эргэн төлөгдөх нөхцөлтэйгээр эргүүлэн авсан билээ. Харин үлдсэн хөрөнгө болох 32.8 тэрбум төгрөгийн хөрөнгийг улсаас битүүмжилсэн хэдий ч одоо хүртэл олгогдоогүй байна. Нийт 8000 нь хохирогчоос хохирлыг барагдуулаагүй гэх 6000 гаруй байгаа аж. Хадгаламж зээлийн хоршооны хохирогчдын зөвлөх Г.Нямдорж “Аливаа албан байгууллага дхуулийн дагуу Улсын дээд шүүхээс дампуурсан гэсэн шийдвэр гаргадаг. Гэтэл Хадгаламж зээлийн хоршоодод тийм шийдвэр огт гараагүй байсан” гэлээ. Тиймээс ХЗХ-ны хохирлыг эргэн төлөгдөх нөхцлөөр барагдуулах тухай хуулийг яаралтай хэрэгжүүлэхийг шаардлаа

Хохирогчдын төлөөлөгч Г.Нямдоржийн өгүүлснээр 2014 оны дөрөвдүгээр сарын 15-ны УИХ-ын Хуульзүйн байнгын хорооны хуралдаанаар хохирогчдын хохирлыг барагдуулах тухай асуудлыг авч хэлэлцэн УИХ–ын тухай хуулийн 19 дүгээр зүйлийн 19.2.8 дахь заалт, 33 дугаар зүйлийн 33.11 дэх хэсгийг тус тус үндэслэн Ажлын хэсэг байгуулах тухай тогтоолыг гаргасан байна. Уг тогтоолд ХЗХ-ны хохирлыг эргэн төлөгдөх нөхцлөөр барагдуулах тухай хуулийг хэрхэн хэрэгжүүлж байгааг хянан шалгах үүрэг бүхий ажлын хэсгийг УИХ-ын гишүүн З.Баянсэлэнгээр ахлуулан байгуулжээ.

Уг ажлын хэсгийн бүрэлдэхүүнд УИХ-ын гишүүн О.Баасанхүү, З.Батзандан, Р.Бурмаа, Ш.Түвдэндорж, нар багтжээ. Харамсалтай нь ажлын хэсэг УИХ-ын Хуульзүйн байнгын хорооноос өгсөн үүрэг даалгаврыг биелүүлээгүй хоёр жилийн нүүр үзэж байгаад бухимдсан ХЗХ-ны төлөөлөл УИХ-ын гишүүн, Барилга, хот байгуулалтын сайд З.Баянсэлэнгэтэй уузах хүсэлтээ бүтэн хоёр жилийн турш гаргасан байна. Гэвч эрхэм сайд хохирогчдоос зугтаасаар байгаа аж. Иймд хохирогчид УИХ-ын гишүүн З.Баянсэлэнгийг УИХ-д сонгогчдыг төлөөлж ажиллаж чадахгүй хүн хэмээн үзэж, хэвлэлийн бага хурал зарлахын дээр УИХ-ын байнгын хороонд хандахаар болжээ.

Б.Баттулга

Дөрвөн настай охиноо санаатай хөнөөсөн гэх хэрэгт сэжиглэгдэж байсан Т.Цогт болон талийгаач охины хойд ээж Г.Маралмаа нарт Шүүхээс тус бүрт нь 24 жилийн хорих ял оноосон.

Улсын яллагчийн зүгээс Г.Маралмааг хүний амь нас онц хэрцгийгээр, биеэ хамгаалах чадваргүйг мэдсээр байж хөнөөсөн хэмээн буруутгаж 25 жил, Т.Цогтыг хүний амь насанд санаатайгаар халдсан хэмээн 22 жилийн ял оноохоор төлөвлөөд байсан бол
шүүх бүрэлдэхүүн ийнхүү эцсийн шийдвэр гаргахдаа Т.Цогтын таван жилийн ялыг гянданд, үлдсэн 19 жилийн хорих ялыг чанга дэглэмтэй хорих ангид эдлүүлж, Г.Маралмаагийн 24 жилийн ялыг чанга дэглэмтэй хорих ангид эдлүүлэхээр шийдвэр гаргасан юм. Гэсэн ч өршөөл үзүүлэх тухай хуульд хамрагдаж оногдсон ялын хэмжээнээс хоёр жилийг хөнгөлүүлээд байгаа юм. Тэгвэл Г.Маралмаа өнгөрсөн оны аравдугаар сард амаржиж охинтой болсон. Тэрээр одоог хүртэл хүүхдийнхээ хамт Тогтоол гүйцэтгэх газрын нэгдсэн эмнэлэгт хэвтэж байгаа аж.

“Монголын телевизүүд”-ийн ээлжит форум өнөөдөр эхэллээ. Хоёр өдөр үргэлжлэх тус чуулганаар “Контентын үнэлэмж Монголд” ямар түвшинд явааг хэлэлцэж, үзэгчдийн тоогоо алдах болсон телевизүүд хэрхэн мөнгө босгож, чанартай контент үйлдвэрлэдэг болох талаар хэлэлцэж буй юм. “Максима Медиа” компанийн судалгаанд Улаанбаатар хотын дундаж үзэгч өдөрт 293 минутыг телевиз үзэхэд зарцуулдаг гэжээ. Энэ нь өмнөх 2014 онтой харьцуулахад 10 минутаар буюу гурван хувиар буурсан үзүүлэлт юм. Зөвхөн рекламынхаа орлогоор ажилчдаа цалинжуулж, мэдээ нэвтрүүлгээ үйлдвэрлэдэг телевизүүд ингэж үзэгчгүй болсон нь хөрөнгөгүй болсонтой холбоотой гэж телевизийн захирлууд ярьж байна. Техник, технологийн хөгжлийг харуулсан сайн, чанартай контент телевизүүд хийдэг болохын тулд үзэгчдээсээ мөнгө авдаг болох хэрэгтэй. Ингэхдээ телевизүүдийн уран бүтээлчдийн бэлтгэж хийсэн бүтээгдэхүүнийг дамжуулдаг оператор компаниудын үзэгчдээс авдаг төлбөрийн тодорхой хувийг үзэгчдийн шалгуураар телевизүүд хуваан авах нь зөв. Муу мэдээ, нэвтрүүлэг хийсэн нь огт мөнгө авдаггүй, сайн бүтээл туурвисан нь мөнгөний ихэнхийг авдаг байх зарчмаар орлогоо шударга хуваадаг болохыг зарим телевизийн удирдлагууд санал болгож байна.

Зохиогчийн эрхийн тухай, Оюуны өмчийн тухай хуулиудыг яаралтай шинэчлэх шаардлагатай. Цаашид зохиогчийн эрх зөрчигдсөөр байвал хэвлэл мэдээллийн салбарын чанарын талаар ярилтгүй. Зохиогчийн эрхийг сайтар дээдлээд явбал чанаргүй телевизийн тоо цөөрнө. Хэвлэлийн салбарт хуваарилах төсөв, сурталчилгааны хүртээмж нэмэгдэнэ. Мөн аль суваг нь их үзэгчтэй, үзэгч ямар телевизийг илүү сонгож байна гэдгээр нь үзэгчээс авах орлогыг хуваарилаад явах нь энэ салбарын хөгжлийг тодорхойлох хамгийн энгийн гарц болох нь ээ.

Монгол Улс нэг хүнд ноогдох телевизийн тоогоор дэлхийд тэргүүлж, 16 мянга 216 хүн тутамд нэг телевиз ноогдож байна. Харилцаа холбооны зохицуулах хорооны албан ёсны зөвшөөрөлтэй өргөн нэвтрүүлгийн буюу агаараар цацагддаг 18, идэвхтэй үйл ажиллагаа явуулдаг кабелийн 53 телевиз, орон нутагт 20 орчим кабелийн суваг, 60 орчим өргөн нэвтрүүлгийн телевиз байгаа юм.

Охид, эмэгтэйчүүд массажны газарт биеэ үнэлж байгаад хууль хяналтын байгууллагын саатуулагдсан тохиолдол их бий. Тэгвэл энэ удаад массажны газарт бус гоо сайхны газарт бусдын биеийг үнэлүүлсэн хэрэг гарчээ.

Тодруулбал, энэ сарын 23-ны шөнө Баянгол дүүргийн гуравдугаар хороонд байрлах “Жим” гоо сайхны газарт54 настай У гэх эмэгтэй охидын биеийг үнэлүүлж байсныг цагдаагийн алба хаагчид илрүүлсэн байна.

Сэжигтэн У үйл ажиллагаа эрхлэх тусгай зөвшөөрөлгүй байсан бөгөөд гоо сайхны газар ажиллуулах нэрээр ийн охидыг бэлгийн мөлжлөгт оруулжээ.

Эл хэргийг Баянгол дүүргийн цагдаагийн нэгдүгээр хэлтэст шалгаж байгаа юм байна.

Өвөрхангай аймгийн Хархорин суманд өмнө нь 15 жилийн ял эдэлж байсан этгээд дөрвөн иргэнийг хутгалж гэмтээсэн хэрэг энэ сарын 21-ний өдөр гарсан билээ. Тодруулбал, 46 настай Б гэгч этгээд 34 настай А, 45 настай С гэх эмэгтэйг хүчирхийлэхийг завдаж, улмаар цээж гарт нь хутгалж гэмтээгээд зугтсан байна.

Мөн32 настай эрэгтэй Э-г зургаан удаа хутгалж, 51 настай Ц гэх эмэгтэйг хэвлийн тус газарт хутгалж гэмтээжээ.Тэрээр гэмт хэрэг үйлдсэнийхээ дараа 20 гаруй км зайтай айлын өвөлжөөнд бүгэж байсныг Өвөрхангай аймгийн цагдаагийн алба хаагчид илрүүлсэн байна.

Эх сурвалжийн мэдээлснээрсэжигтэн этгээд Б нь Э-ийн туслах малчнаар ажилладаг байжээ.Тэрээр Э-тэй хамт архи ууж байгаад маргалдан, түүний цээжин тус газарт дөрвөн удаа, даланд нь нэг удаа хутгалж, амийг нь хөнөөх зорилгоор толгой руу хоёр удаа сүхээр цохиод, хэргийн газраас зугтсан байна.

Мөн зугтаж явах замдаа 50 орчим км-ийн зайтай орших 45 настайС-ийнд ирж, түүнийг хүчирхийлэхийг завдан, улмаар гар болон хөлөнд нь хутгалж гэмтээжээ.Тэндээс гараад 51 настай Ц-ийнд очиж архи нэхэж өгөөгүйн улмаас түүнийг хутгалж, гэмтээсэн байна. Улмаар Ц-ийн охин А-г хүчирхийлэхийг завдаж, мөн хутгалж гэмтээгээд зугтжээ.

Одоогооргэмтсэн иргэд ГССҮТ-д эмчлүүлж байгаа бөгөөд биеийн байдал хүнд, бүгд хагалгаанд орсонбайна.

Сэжигтэн этгээд 1995 оны хавар 15 жилийн хорих ялаар шийтгэгдэж байсан бөгөөд 2000 онд хоригдож байхдаа хүн хутгалж, ялаа нэмэгдүүлж байжээ.