“Буянт-Ухаа-2” орон сууцны хороололд байр авсан иргэд хөл дүүжлэх унаагүйгээс зутруухан байгаа аж. Дээрх чиглэлд нийслэлийн Тээврийн газраас нэг ч автобус үйлчилгээнд гаргаагүй байгаа юм байна. Иймээс тус хороололд амьдардаг иргэд хотын төв рүү ажилдаа ирэх, мөн гэртээ харих бол Улаанбаатар хот-Төв аймгийн хооронд нийтийн тээвэрт явж байгаа автобус, микробус, эсвэл Өлзийт хороолол руу үйлчилгээнд явдаг автобусанд дайгддаг аж.
Өлзийт хороолол руу үйлчилгээнд явдаг автобус нь 1 цагийн зайтай явдаг бол Төв аймаг руу хот, хоорондын тээвэрт явж байгаа автобус, микробус нь өдөрт гурав л явдаг байна. Тиймээс тус хорооллын оршин суугчид Нийслэлийн Тээврийн газрыг энэ асуудалд анхаарлаа хандуулж, хөл дүүжлэх унаатай болгохыг хүсч байгаа юм.
Онцлоход, “Буянт-Ухаа-2” орон сууцны хорооллын эхний ээлж өнгөрсөн оны арванхоёрдугаар сард ашиглалтад орсон юм.
Уг хорооллыг Орон сууц санхүүжилтийн корпорацийн захиалгаар Үндэсний бүтээн байгуулалт корпраци барьсан юм.
Улс төрийн амьдрал өдөр ирэх бүр улам сонирхолтой болсоор байна. Зарим нэг тойрогт горилогчид, нэр дэвшигчид тодорхой болж байгаа энэ үед Өвөрхангайд л гэхэд өвөрмөц хоёр нэр дэвшигчийг сойж байгаа сурагтай. Тэдний нэг нь Х.Баасансүрэн ламтан. “Хайрлаарай” дуугаараа олны хүндлэл хүлээсэн Х.Баасансүрэн лам, ардчилсан намын гишүүд дэмжигчдийн холбооны тэргүүн Т.Хасбаатар нарыг Өвөрхангайгаас “Цагаан жагсаалт”-д багтаан дэмжинэ гэдгээ МЗХ-ны тэргүүн сошиал ертөнцөд илэрхийлжээ.
“Нийслэлийн Багахангай, Налайх дүүрэгтэй хил залгаа аймаг, суманд гарсан малын гоц халдварт цэцэг өвчний тархалтаас урьдчилан сэргийлэх талаар цаашид авч хэрэгжүүлэх арга хэмжээний тухай” асуудлыг Нийслэлийн Засаг даргын зөвлөл хэлэлцээд нийслэл тойрсон товчоодод халдваргүйжилтын пост ажиллуулах шийдвэр гаргав.
Дэлхийн хөл бөмбөгийн удирдах
“Ядуугийн зовлон” кино 2000 оны эхээр
УИХ-ын сонгууль ойртож байгаа энэ үед сонгуульд
БНХАУ Замын-Үүдэд Ерөнхий консулын газраа нээв. Ерөнхий консулаар Чай Вэн Руй томилогдсон байна. Тэрбээр өчигдөр Гадаад харилцааны яамны Төрийн нарийн бичгийн дарга Д.Ганхуягт консулын албан тушаалд томилогдсон тухай батламж бичиг гардуулжээ. 
Энэ сарын 16-ны өдөр хоёр монгол иргэнийг зэвсэгтэй этгүүдэд сүрдүүлэн дээрэмдсэн хэрэг Улаан-Үд хотноо гарсан. Монголчуудыг дээрэмдсэн хүмүүсийг тус хотын цагдаагийн газраас эрэн сурвалжилж байгаа. Тэгвэл уг асуудлыг өчигдөр хуралдсан Буриадын Ардын их хурлын чуулган дээр хэлэлцсэн байна. Буриадын ДХЯ-ны тэргүүн хошууч генерал Олег Кудинов монгол жуулчдыг хамгаалахаа энэ үеэр мэдэгджээ. Тэрбээр “Уг хэргийн талаар Монголд ихээхэн шуугиж байна. Бид Монголын цагдаагийн төлөөлөгч нартай ажлын уулзалт хийсэн. Буриадад Монголыг жуулчид ирж байгаа цагт бид дэг журмыг сахиулж чадна гэж би хэлсэн” хэмээжээ.
Нийслэлийн Багануур дүүргийн прокурорын газрын Тамгын хэлтсээс харуул хамгаалалтын ажилтнуудын ажлын сахилга, хариуцлагыг дээшлүүлэх зорилгоор дараах ажлыг авч хэрэгжүүлжээ.
Яам, агентлагуудын удирдлагуудтай хийдэг “Хэрэгжилт, хяналт, хариуцлага” цахим хурал боллоо. Хурлаар АСЕМ-ын зохион байгуулалт, бэлтгэл ажилтай холбоотой мэдээллийг холбогдох албан тушаалтнуудад хүргэснээс гадна цаг үеийн асуудлаар мэдээлэл хийж, үүрэг даалгавар өглөө. Гадаад хэргийн сайд Л.Пүрэвсүрэн АСЕМ-ын дээд түвшний XI уулзалтыг зохион байгуулах Ерөнхий сайдын ахалсан үндэсний зөвлөл болон 6 дэд хороо бэлтгэл ханган ажиллаж байна. Энэ оны долдугаар сарын 15-16-нд болох дээд түвшний энэ уулзалтад өнөөдрийн байдлаар 20 улсын Төрийн тэргүүн, Ерөнхий сайд нар оролцохоо өнөөдрийн байдлаар албан ёсоор мэдэгдээд байна. Тэдгээрээс гадна 4000 орчим төлөөлөгч, хэвлэл мэдээллийн ажилтан ирэх төлөвтэй байна гэлээ. Мөн дээд түвшний уулзалтын хүрээнд 10 чуулга, уулзалт зохион байгуулагдана. АСЕМ-ын дээд түвшний уулзалтыг зохион байгуулахад анхаарах зарим асуудлуудын талаар Ерөнхий сайдын Ахлах зөвлөх Б.Дэлгэрмаа цахим хурлын үеэр танилцууллаа. Уулзалтын бэлтгэл ажлын хүрээнд 200 гаруй ажлыг хийж гүйцэтгэх шаардлагатай байгаа. Эдгээр ажлуудын биелэлтийг хангуулахаар холбогдох яам, агентлагуудад хугацаатай үүрэг даалгавар өгнө гэв. Мөн уулзалтын бэлтгэл ажилд төрийн байгууллагуудаас гадна бизнес эрхлэгчид, холбоод, хувийн хэвшлийнхний оролцоог ханган ажиллаж байна гэсэн юм.