Өнөөдөр Улсын төв нэгдүгээр эмнэлэгт “Цахим эрүүл мэнд” төслийн нээлт болов. Дэлхийн банкны хөнгөлөлттэй зээлийн хөрөнгөөр хэрэгжүүлэхээр өнгөрөгч онд энэ төслийг батлаад байсан юм. Төсөл хэрэгжсэнээр өвчтөний түүхийг холбогдох эрүүл мэндийн байгууллагуудад нээлттэй болгож, иргэд дараагийн шатны тусламж үйлчилгээг цаг алдалгүй авах боломжтой болж байгаа юм. Уг ажлын хүрээнд өнгөрөгч оны есдүгээр сараас арваннэгдүгээр сар хүртэлх хугацаанд насжилт дууссан техникийг шинэчилж, бүрэн хэмжээнд цахимжуулжээ.
Энэхүү төслийн талаар, Эрүүл мэнд, спортын яамны Төрийн нарийн бичгийн дарга С.Ламбаа хэлэхдээ: “Эрүүл мэндийн салбарын шинэчлэлийн хүрээнд иргэн төвтэй, өндөр чанартай эрүүл мэндийн тусламж, үйлчилгээг нэвтрүүлэх зорилготой маш чухал төсөл юм. Эрүүл мэндийн салбарын нэгдсэн мэдээллийн санг байгуулах зайлшгүй шаардлага тулгарсан. Мэдээллийн нэгдсэн санг байгуулж, эмнэлэг эмийн сангуудыг хооронд нь холбож цахимжуулснаар иргэд эмчийн өрөөний үүдэнд дугаарлаж цаг алдах, жоргүй эм олгох, эмийн замбараагүй хэрэглээг хянах цаашлаад бүр мөсөн арилгах гээд олон давуу тал бий.
Төсөл бүрэн хэрэгжиж дуусахад манай улсын эмнэлгийн үйлчилгээ тусламж дэлхийн түвшинд хүрнэ. Мөн хоёрдагч болон гуравдагч шатлалын эмнэлгүүдийг бүрэн цахимжуулахаар төлөвлөөд байгаа. Тэгэхээр аймаг дүүргийн нэгдсэн эмнэлэг болон улсын бусад эмнэлэг багтаж байгаа юм. Эхний ээлжинд Улсын төв нэгдүгээр эмнэлгийг бүрэн цахимжуулж дууслаа. Бүх эмнэлэг цахимжаад ирэхээр эмч нар эмийн жорыг цахимаар өгдөг болно.
Иргэн зөвхөн эмчийн бичсэн цахим жороор үйлчлүүлэх учир эмийн сангуудыг мөн энэ мэдээллийн системд нэгтгэх болсон. Ингэснээр дур мэдэн эм хэрэглэдэг эмийн замбараагүй хэрэглээг багасгах юм” гэв.
Монгол Улсын Их Хурлын чуулганы өнөөдрийн үдээс өмнөх нэгдсэн хуралдаанаар хэлэлцсэн эхний асуудал нь Монголын Улаан Згалмай Нийгэмлэгийн эрх зүйн байдлын тухай /шинэчилсэн найруулга/ хуулийн төслийн эцсийн хэлэлцүүлэг байлаа.
Энэ сарын эхний долоо хоногт хонины ястай нэг килограмм мах дунджаар 4160 төгрөг, үхрийн ястай мах нэг килограмм нь дунджаар 5680 төгрөгийн үнэтэй байна. Үхрийн ястай махны үнийг өмнөх долоо хоногтой харьцуулахад 135 төгрөгөөр өсч, харин үхрийн цул махны үнэ тогтвортой байна. Энэ 7 хоногийн ажиглалтаар үхрийн мах “Баянзүрх”, “Хүчит Шонхор”, “Хархорин” хүнсний захуудад хамгийн хямд буюу 5500 төгрөг, “Номин” супермаркетад хамгийн өндөр үнэтэй буюу 7600 төгрөг байна. Хонины ястай махны үнэ өмнөх долоо хоногтой харьцуулахад 105 төгрөгөөр, хонины цул мах 165 төгрөгөөр тус тус өсчээ. Энэ долоо хоногийн ажиглалтаар хонины мах “Макс”, “Хархорин” хүнсний захуудад хамгийн хямд буюу 3800 төгрөгөөр, харин “Меркури” хүнсний захад хамгийн өндөр үнэтэй буюу 7500 төгрөгөөр худалдаалж байна гэж Нийслэлийн Статистикийн газраас мэдээллээ.
Нийслэлийн Тээврийн газраас зорчигч тээврийн үйлчилгээ эрхлэгч аж ахуйн нэгжүүдэд хэд хэдэн чиглэлээр хяналт шалгалт явуулж, шаардлагатай арга хэмжээг шуурхай зохион байгуулан ажиллаж байгаа юм.
Технологийн үйлдвэрлэлээр тэргүүлдэг БНСУ-ын “LG” компани 18 инчийн хуйлдаг дэлгэц бүтээсэн байна. “LG”, “Samsung” тэргүүтэй технологийн компаниуд хуйлдаг, нугалдаг дэлгэцийн конпенц танилцуулж байсан хэдий ч өнөөдрийг хүртэл яг ийм дэлгэц бүхий төхөөрөмж худалдаанд гаргаагүй юм. Цаас шиг хуйлж болох уг дэлгэцийг “Consumer electronic show” үзэсгэлэнгийн үеэр дэлхий нийтэд танилцуулах юм. Мөн үүнээс гадна “LG” компани технологийн хамгийн сүүлийн үеийн шийдлүүд болох 65 болон 77 инчийн хэмжээтэй 4к нягтрал бүхий OLED зурагт, цаас мэт нимгэн 55 инчийн OLED концепц зэргээ танилцуулах ажээ. 4к нь дүрсийг HD-гээс дөрөв дахин чанартай дамжуулдгийг илэрхийлсэн үзүүлэлт гэнэ. Ийм дэлгэц бүтээхийн тулд “LG” компани 900 сая ам.доллараар уян дэлгэцийн үйлдвэрийг тусгайлан байгуулжээ. OLED зурагт LCD, LED зурагт дэлгэрээд байгаатай адил айл бүрийн хэрэглээ болтол хамгийн багадаа таван жилийн хугацаа хэрэгтэй гэж “LG” компанийн захирал хэлжээ. “LG” –н 65 инчийн OLED зурагт Өмнөд Солонгост 12 сая вон буюу 11 мянган ам.долларын үнэлгээтэй байгаа аж.
Америкийн “Apple” компани “iPhone” ухаалаг утасны шинэ загвар болох “iPhone 6s” болон “iPhone 6s plus”-н үйлдвэрлэлээ анх төлөвлөж байснаас 30 хувиар бууруулахаар болжээ. “Apple” компани шинэ загваруудынхаа үйлдвэрлэлийн хэмжээг өмнөх загварын үйлдвэрлэсэн тоотой адил байлгахаар төлөвлөж байгаа аж. Дэлхий даяар борлуулалт буурсантай холбоотойгоор ухаалаг гар утас зах зээлд олон тоогоор хуримтлагдсан байна.
Маргаашаас нэгдүгээр сарын 12-ныг хүртэлх цаг агаарын урьдчилсан төлөвөөр Хангай, Хөвсгөлийн уулсаар, 9-нд баруун болон говийн нутгийн зарим газраар, 10-нд баруун зүгийн нутгаар, 11-нд нутгийн баруун хагаст бага зэргийн цас орж, явган шуурга шуурна.
2009 онд ЮНЕСКО-ийн яаралтай хамгаалах шаардлагатай соёлын биет бус өвийн жагсаалтад багтсан монгол туулийг сэргээж, язгуур зан үйлийн байдлаар нь уламжлуулахаар Богд хааны ордон музейд 2014 оны есдүгээр сард Хаан туульсын өргөө нээгдсэн билээ. Энд жилд хоёр удаа тууль хайлдгийн нэгийг ирэх бямба гаригт буюу билгийн тооллын өвлийн дунд сарын 30-нд зохион байгуулахаар болжээ.
Төв цэнгэлдэхэд 6002 хүчтэн зодоглуулж үндэсний бөхөө, 5000 ардын авьяастан бүжүүлж бий биелгээгээ “Гиннес”-т бүртгүүлсэн монголчууд тэмээн сүргээ дэлхийн дээд амжилтын номонд бүртгүүлэхээр зэхэж байна. Тодруулбал, “Монгол тэмээ 999” тэмээний уралдааныг гуравдугаар сарын 6-7-нд Өмнөговь аймгийн Даланзадгад суманд зохион байгуулахаар болжээ. Тус аймгийн Баян-Овоо сумын засаг даргын санаачилгаар зохион байгуулах гэж буй энэ уралдаанд аймгийн 15 сумаас гадна бусад тэмээчид урилгаар оролцох аж. Тэмээ өсгөн үржүүлэх, хамгаалах чиглэлээр үйл ажиллагаа явуулдаг аж ахуйн нэгж, байгууллагууд ч уралдаанд оролцох боломжтой гэнэ. Саяхан, ингэнд ботго авахуулах зан үйлийг ЮНЕСКО-ийн Яаралтай хамгаалах соёлын биет бус өвд бүртгэсэн.
Үндсэн