Америкийн нэрт дуучин Мадонна саяхан Луисвилл хотод тоглолтоо хийсэн байна. Харин түүний шүтэн бишрэгчид нь ихэд сэтгэл дундуур байгаа гэнэ. Алдарт дуучны тоглолт товлосон хугацаанаасаа гурван цаг хоцорч эхэлжээ. Түүгээр ч зогсохгүй Мадонна концертынхоо үеэр дууныхаа үг, бүжгийнхээ хөдөлгөөнийг мартаж их сонин байсан гэнэ. Тиймээс нэрт дуучныг согтууруулах ундаа хэрэглэсэн гэсэн таамаг дэвшүүлжээ. Концертыг үзсэн нэг хүн олон нийтийн сүлжээнд “Ийм муу тоглолт үзээгүй” хэмээн бичжээ. Үүний хариуд нэрт дуучин маань дуугүй байсангүй” Би хэзээ ч тоглолтынхоо үеэр согтууруулах ундаа хэрэглэж байгаагүй “ гэсэн тайлбар өгөв.
Ю.Дэлгэр
Хойд Солонгосын “Pyongang Times” сонинд тус улсын эрдэмтэд шартуулдаггүй архи бүтээсэн тухай мэдээллээ. “Taedonggang Foodstuff Factory” үйлдвэрийн мэргэжилтнүүд түүнийг гаргаж авахын тулд нэлээд хэдэн жил ажилласан байна. Хүн хороодой болон цагаан будаагаар хийсэн ликерийг “Koryo Liquor” хэмээн нэрлэжээ. Түүний найрлаганд орсон хүн хороодойг эмчилгээний зориулалтаар хэрэглэгдэг билээ. 
УИХ-ын Эдийн засгийн байнгын хорооны өнөөдрийн хуралдаанаар Гацууртын ордын төрийн эзэмшлийн хувь хэмжээ тогтоох тухай УИХ-ын тогтоолын төслийн эцсийн хэлэлцүүлгийг хийж, дэмжин чуулганы хуралдаанаар хэлэлцүүлэхээр боллоо. Гацууртын ордыг ашиглах шийдвэрийг УИХ-аас гаргасан нөхцөлд төр эзэмших хувиа ашигт малтмалын нөөц ашигласны төлбөрөөр орлуулахаар тусгай зөвшөөрөл эзэмшигч компанитай тохиролцсон. Ордын тусгай зөвшөөрлийг ”Сентерра гоулд Монголиа” компани эзэмшдэг. Тус ордын батлагдсан алтны нөөц 40 тонн хэмээн үзэж буй. Гацууртын ордыг ашигласнаар 433,6 сая ам.долларыг татвар, төлбөр, хураамж хэлбэрээр төлнө, Мөн 1000 орчим ажлын байр бий болох тооцоо бий.
Сүхбаатар аймагт Мэргэжлийн сургалт үйлдвэрлэлийн төвийн оюутнууд химийн бодист хорджээ. Цагдаагийн байгууллагад 15 настай эмэгтэй Ц, М нар сургуулийнхаа байранд химийн бодист хордсон байдалтай ирсэн талаар мэдээлэл иржээ. Дуудлагын дагуу шалгахад энэ хоёр оюутан натри гидрогсид гэх бодис олж, химийн багшдаа үзүүлэхээр авч очин, тоглож байгаад санамсаргүй асгаснаас хордсоныг тогтоосон байна. Сүхбаатар аймгийн онцгой байдлын газраас хор 1.002 хувийн тархалттай байгаа талаар мэдэгджээ.
Чингис зочид буудалд хүнс, хөдөө аж ахуйн бодлогын хэрэгжилтийг хэлэлцэж байна. Төрөөс Хүнс, хөдөө аж ахуйн талаар баримтлах бодлого өнгөрсөн арваннэгдүгээр сард баталсантай холбогдуулан Хүнс, хөдөө аж ахуйн яам, Дэлхийн банк, НҮБ-ын Монгол дахь Хүнс хөдөө аж ахуйн байгууллага хамтран энэ уулзалтыг өнөөдөр зохион байгуулж байна. Энэ үеэр Монгол Улсын хүнс, хөдөө аж ахуйн салбарын бодлогыг хэрэгжүүлэхэд талуудын оролцоог тодорхой болгох, хамтын ажиллагааг хэрхэн уялдуулах талаар хэлэлцэнэ. Уулзалтад Монгол Улсад суугаа гадаад орны Элчин сайд нар, “Дэлхийн зөн Монгол” олон улсын байгууллагын суурин төлөөлөгч, JICA, KOICA, ADRA зэрэг гадаад түншлэлийн байгууллага, төсөл хөтөлбөр хэрэгжүүлэгч 70 гаруй байгууллагынхан оролцож байна.
Агаарын бохирдлын хэмжээ өнөөдрийн байдлаар Амгалан, Баруун дөрвөн зам орчим хамгийн их бохирдолттой гарсан байна. Толгойт, МҮОНРТ, Бөхийн өргөө орчмоор их бохирдолттой бол Нисэх, “Мишээл экспо” орчимд бага гэж гарчээ.
“Зүрхээр наадагч”, “Зэрлэг цэцэгсийн хүлэмж” зэрэг уран сайхны киног бүтээсэн “Хувьсал” продакшн дэлгэцийн дөрөв дэх бүтээл “Атганд үлдсэн эрдэнэ” уран сайхны киног тун удахгүй үзэгчдэд толилуулах гэж байна. Киноны гол дүрд, Ардын жүжигчин П.Цэрэндагва, Д.Мэндбаяр, МУГЖ У.Уранчимэг, жүжигчин Д.Ганцэцэг, Н.Нэргүйбаатар, Б.Шинэбаяр, Н.Цэнгэлжаргал, А.Ганчимэг тогложээ. Киноны ажлыг Холливудын “Mongus pictures”, “Efilm” кино компанитай “Golden treasure” нэртэйгээр хамтран хийж байгаа аж. 
