Өнөөдрийн гадаад валютын дуудлага худалдаагаар банкууд 2006.50-2009.91 төгрөгийн ханшаар 45.7 сая ам.доллар худалдан авах, 304.20-305.20 төгрөгийн ханшаар 23.7 сая юань худалдан авах санал тус тус ирүүлсэн бөгөөд Монголбанк 2009.05 төгрөгийн нэг ханшаар 19.0 сая ам.доллар, 305.0 төгрөгийн хаалтын ханштайгаар 8.0 сая юанийг тус тус нийлүүлэв.
Энэ өдрийн ээлжит гадаад валютын своп, форвард хэлцлээр банкууд 0.74 сая ам.доллар худалдан авах төгрөгийн своп хэлцэл, 15.0 сая ам.доллар худалдах ам.долларын своп хэлцэл байгуулах саналыг тус тус ирүүлсэн бөгөөд Монголбанкнаас нийт 0.74 сая ам.доллар худалдан авах төгрөгийн своп хэлцэл байгуулах саналыг 100 хувь биелүүлж, Монголбанкинд 15.0 сая ам.доллар худалдах ам.долларын своп хэлцэл байгуулах саналыг биелүүлээгүй болно.
МАН-ын бүлгийн дарга М.Энхболд мэдээлэл хийлээ. Тэрбээр өнгөрсөн долоо хоногт ОХУ-ын Нэгдсэн Орос намын урилгаар Оросын холбооны улсад айлчлаад ирсэн байна. Уг айлчлалын үеэр ОХУ-ын Думын хаврын чуулганы нээлт болсон бөгөөд тус хуралдаанд М.Энхболд тэргүүтэй хүмүүс оролцжээ. Мөн уг хуралдаанаар Монголросцветмет компанийн ОХУ-аас авсан 174.2 сая долларын өрийг тэглэх үү эсвэл эргүүлэн төлүүлэх үү гэдэг асуудлыг хэлэлцжээ. Ингээд Төрийн Думын гишүүдийн санал хураалт явагдахад хуралдаанд оролцсон гишүүдийн олонх нь 174.2 сая долларын өрийн 97.5 хувийг тэглэхийг дэмжсэн байна. Харин үлдэгдэл 2.2 хувь буюу 3.8 сая долларыг Монголын тал 30 хоногийн дотор ОХУ-д эргүүлэн төлөх ёстой гэж үзжээ.
“Чимэ жүд” эмнэлгийн дотор, зүрх судасны их эмч П.Хадхүүгээс цөсөө хамгаалах энгийн аргын талаар тодрууллаа.
Хэрэв та үе үе ногоон шараар бөөлжиж, левомицин шиг гашуун амт мэдрэгддэг бол хүнсний сод хэрэглэж болно. Энэ тохиолдолд буцалсан аяга сүүнд цайны халбаганы тал хэмжээтэй сод хийж хутгаад уувал гашуун амт дарагдана. Эсвэл буцалсан бүлээн усанд ийм хэмжээний сод хутгаад ууж ч болно.
2016 оны нэгдүгээр сарын 1-ний өдрийн байдлаар АНУ-ын иргэн Марк Цукербергийн үүсгэн байгуулсан фэйсбүүк олон нийтийн сүлжээний хэрэглэгчдийн тоо тэрбум 590 мянга болж, өнгөрсөн оны мөн үетэй харьцуулахад 21 хувиар өсчээ. Энэ нь тус сүлжээний нэг өдрийн хэрэглэгчийн тоо 17 хувиар өсч, өдөрт дунджаар нэг тэрбум найман сая хэрэглэгч үзэж буй гэсэн үг аж.
Эдийн засгийн байнгын хорооны өнөөдрийн хуралдаанаар Санхүүгийн зохицуулах хорооны даргыг чөлөөлөх тухай асуудлыг хэлэлцлээ. УИХ-ын дарга З.Энхболд санхүүгийн зохицуулах хорооны дарга З.Нарантуяа үүрэгт ажлаас чөлөөлөгдөх хүсэлтээ 2015 оны 12 дугаар сарын 28-ны өдөр ирүүлсэн хэмээн гишүүдэд танилцуулсан юм. Тэрбээр, санхүүгийн зохицуулах хорооны дарга Монгол Улсын Их Хурлын Сонгуулийн тухай хуулийн 126 дугаар зүйлийн 126.5 дахь хэсэг, Төрийн албаны тухай хуулийн 23 дугаар зүйлийн 23.2 дахь хэсгийг тус тус үндэслэн Санхүүгийн зохицуулах хорооны даргын үүрэгт ажлаас чөлөөлөгдөх хүсэлтээ оны өмнө ирүүлсэн. Түүний хүсэлтийг хүлээн авч шийдвэрлэж өгнө үү гэлээ.
Нийслэлийн Засаг дарга бөгөөд Улаанбаатар хотын захирагч Э.Бат-Үүл Улсын ерөнхий прокурорт ханджээ.
УИХ-ын чуулганы нэгдсэн хуралдаанаар Ард нийтийн санал асуулга явуулах тухай хуулийн төслийн шинэчилсэн асуудлыг хэлэлцэх эсэхийг шийдэв. Ард нийтийн санал асуулга явуулах тухай шинэчилсэн найруулгын төслийг хэлэлцэх эсэхийг шийдлээ. Хуулийн танилцуулгад “Ард нийтийн санал асуулгын тухай хууль нь 1995 онд батлагдаж байсан. Уг хууль батлагдсанаас хойш өнгөрсөн хугацаанд нэг ч удаа ард нийтийн санал асуулга явагдаж байгаагүй. Хуульд зааснаар санал асуулгад оролцох иргэдийн нэрийн жагсаалт, санал асуулгыг бэлтгэн явуулах зэрэг асуудлыг УИХ-ын сонгуулийн тухай хуульд заасны дагуу зохион байгуулахаар тусгасан боловч УИХ-ын сонгуулийн тухай хуулийг 2011 онд шинэчлэн батлахдаа одоо мөрдөгдөж буй Ард нийтийн санал асуулгын тухай хуульд холбогдох өөрчлөлтийг оруулаагүй байна. Мөн УИХ-ын 2012 оны сонгуулиас эхлэн сонгуулийн санал тоолох, дүн гаргах болон сонгогчийн бүртгэл, хяналтын үйл ажиллагааг Монгол Улс автоматжуулсан системээр зохион байгуулан явуулдаг болсон. Түүнтэй холбоотойгоор ард нийтийн санал асуулгын тухай хуульд нэмэлт өөрчлөлт оруулаагүй нь ард нийтийн санал асуулгын тухай хууль хэрэгжих боломжгүй нөхцөл байдлыг үүсгэж байна.
Өнөөдөр Үндсэн хуулийн цэцээс цаг үеийн асуудлаар мэдээлэл хийлээ. Хууль зүйн байнгын хорооны өчигдрийн хуралдаанаар Үндсэн хуулийн Цэцийн дарга Ж.Амарсанааг эргүүлэн татах асуудлыг хэлэлцэж дэмжсэн юм. Өнөөдөр мэдээлэл хийхийн өмнө Үндсэн хуулийн цэцийн дунд суудлын хуралдаан хуралдаж Шүүх байгуулах тухай хуулийн заалт Үндсэн хууль зөрчсөн гэсэн шийдвэрийг гаргав.
Мэдээллийн үеэр ҮХЦ-ийн дарга Ж.Амарсанаа хэлэхдээ: “УИХ-ын Тамгын газраас Дээд шүүхэд бичиг явуулсан байсан. Уг бичигт “Үндсэн хуулийн цэцийн дарга Ж.Амарсанаагийн УИХ-ын даргад явуулсан бичиг нь Үндсэн хууль зөрчсөн гэдэг нь нотлогдож байна” хэмээсэн байна. Албан бичиг хууль зөрчинө гэдгийг, албан бичгийн ард байгаа Ж.Амарсанаа хууль зөрчинө гэдгийг одоо л ойлгож эхлэх гээд байна. Үндсэн хуулийн цэцэд маргаан үүсгэсэн тухай Цэцийн гишүүн Д.Наранчимэгийн тогтоол УИХ-д очсон. Тогтоолтой холбогдуулж УИХ-ын даргад бичиг явуулсан юм. УИХ-ын Тамгын газар хууль зөрчсөнийг нотолдоггүй. 
Шведээс орогнол хүссэн 80 мянга гаруй цагаач иргэдийг улсаасаа албадан гаргана гэдгээ тус улсын Дотоод хэргийн сайд Андерс Ягемэн мэдэгджээ. Тэрээр хэлэхдээ “Эдгээр цагаачдыг Шведээс гаргахын тулд хөлсний онгоц ашиглана. 60 мянга орчим цагаачийг албадан гаргах болсон, гэхдээ энэ тоо 80 мянгад хүрч магадгүй” гэжээ.
Нийслэлийн нутгийн захиргааны байгууллагын албан хаагчид, нийслэлийн иргэдэд амралт, чөлөөт цагаа эрүүл агаарт өнгөрүүлэх боломж олгох зорилгоор жил бүр зохион байгуулж буй “Эрүүл агаар – Рио -2016” өвлийн биеийн тамир, спортын арга хэмжээний цасны баяр нэгдүгээр сарын 30-ны өдөр Хандгайтын “Янзага” зусланд болно.