Онцгой байдлын ерөнхий газрын албан хаагчид нийслэлийн Налайх дүүргийн гуравдугаар хороон дахь эдэлбэр газарт үйл ажиллагаа явуулдаг иргэн Х-н бичил уурхайн гүнд гурван иргэн шороонд дарагдсан байсныг аварчээ. Ослын дуудлагыг арванхоёрдугаар сарын 30-ны шөнийн 01:03 цагт хүлээн авч, ОБЕГ-ын харъяа Уул уурхайн аврах ангийн 13 алба хаагч хоёр техник хэрэгсэлтэйгээр ажилласан байна.
Иргэн Н (37 настай, эрэгтэй), М (23 настай, эрэгтэй) нарын цээж, гар, хөл хэсэг гэмтсэн байсан бөгөөд тэднийг уурхайн гүнээс эсэн мэнд гаргаж, эмнэлгийн байгууллагад хүлээлгэн өгчээ. Иргэн Б (22 настай, эрэгтэй)-г гаргахаар аврах ажиллагааг зохион байгуулж байгаа аж.
Монголын Залуу Эрдэмтдийн Холбооны 2015 оны
НИТХ-аас баталсан 52 байршилд иргэнд гэр бүлийн хэрэгцээний зориулалтаар газар өмчлүүлэх ажлыг цахим хэлбэрээр зохион байгуулж, өнөөдөр 5 дугаар ээлжийн цахим бүртгэл 12:00 цагаас дууслаа.
Элэгний С вирусыг эмчлэх эм 2015 оны 12 дугаар
Өнгөрсөн даваа гаригт УИХ дахь МАН-ын бүлгийн дарга С.Бямбацогт сэтгүүлчдэд мэдээлэл хийх үеэрээ Засгийн газарт гэнэтийн сюрприз барихаар болсноо дуулгаж байсан юм. Тэгвэл өнөөдөр энэ гэнэтийн бэлгээ задалж, бяцхан шуугиан дэгдээгээд амжив.
Тухайлбал, Ерөнхий сайд Ч.Сайханбилэгт “Та ажилтай, орлоготой монгол хүн гэж их зарласан. Ажилтай орлоготой бүхэн ажилгүй болж сэтгэлээр унаж байна. Та эрүүл, чийрэг монгол хүн гэж их ярьсан. Эрүүл мэндийн салбар бүрэн утгаараа дампуурч, иргэд айж байна. Та эрдэм боловсролтой монгол хүн гэж их сурталчилсан. Эрдэмтэн мэргэд бүхэн гадуурхагдаж, төсвөө хасуулж байна. Та аюулгүй орчинтой монгол гэж их сэрэмжлүүлсэн. Хулгай дээрэм газар авч хүн бүхэн айдаст автаж байна. Та эрх чөлөөтэй монгол хүн гэж их рекламдсан. Эрх чөлөө хумигдаж, ардчилал алдарч иргэд бухимдаж байна. Таны ярьсан бүхнийг ард түмэн дэмжсэн. Танд хэлэх зөвлөгөө байна. Хэлсэн бүхнээ эсрэгээрээ хэрэгжүүлдгээ зогсоо. Ард түмнээ хүн шиг амьдруулж, улс шиг хөгжүүл. Эс тэгвээс ирэх жил хариуцлага тооцох болно шүү” гэжээ. 
Зам тээврийн сайд М.Зоригтод “Олон улсын нислэгийг хоёр дахин нэмэгдүүлнэ гэсэн юу болов? Охидын зураг дарахаа больж төрийн ажлаа сайн хий. Яамаа порно студи болгосон тухай яриа гаргасан Ганбатын гомдолд хариу өг. Төмөр замын луйврыг олон нийтэд зарлаж, шинэ оноо сайхан угтаарай” гэсэн байна. 
Түүнчлэн Барилга хот байгуулалтын сайд З.Баянсэлэнгэд “Барилгын сайд та банкны захирлуудтай уулзаж учраа ол. Байрны урьдчилгааг 10 хувь болгох санаачилгыг ажил хэрэг болго. Найман хувийн зээл дээр шинэ бодлого гаргаж, УИХ-д танилцуул. Намынхныгаа биш барилгын салбараа бодож ажилла” гэжээ
Шадар сайд Ц.Оюунбаатарт “Амлалтаа биелүүлээгүй бол хариуцлага хүлээнэ гэснээ санаж ажиллаарай. Ард түмэндээ амласан таван хувьсгалаа хийж дуусгаарай. Шадар сайдын албыг өгөх шийдлээ дүгнээд, шинэ оноо шударга ёстойгоо угтаарай” гэсэн байна. Гэх мэтчилэн ил захидлыг Засгийн газрын танхимын бүх гишүүдэд илгээжээ. 
Өөрт нь ирсэн захидалтай холбогдуулан өнөөдөр УИХ-ын гишүүн Г.Уянга мэдээлэл хийсэн юм. Ш.Чулуунбаатарын бичсэн захиаг бүрэн эхээр нь сэтгүүлчдэд тараасан юм. Ш.Чулуунбаатар 2011 оноос Монголбанкинд эдийн засагчаар ажиллаж эхэлсэн эхэлсэн бөгөөд өнгөрсөн гуравдугаар сарын 5-нд УИХ-ын гишүүн Г.Уянга өөрийн фейсбүүк хуудсаараа Монголбанктай холбоотой мэдээлэл тараасанд Ш.Чулуунбаатарыг буруутгажээ. Улмаар ажлаас нь чөлөөлсөн шийдвэр гаргаагүй мөртлөө гуравдугаар сараас ажиллуулахгүй байгаа гэнэ. Тэрбээр захиандаа “Монгол Улсын иргэн хүний хувьд өөрийн хууль ёсны эрхээ хамгаалуулах зорилгоор Монголбанкийг хариуцагчаар татан, Иргэний хэргийн шүүхэд хандсан бөгөөд анхан болон дунд шатны шүүхээс үнэний талд буюу миний талд шийдвэр гаргасан юм. Хэдийгээр тийм боловч Монголбанкнаас намайг албаны эрх мэдлээ урвуулан ашигласан гэх үндэслэлээр Авлигатай тэмцэх газар, Цагдаагийн байгууллагад шалгуулахаар өгсөн. 2015 оны аравдугаар сарын 25-ны өдөр Цагдаагийн байгууллагаас Эрүүгийн хуулийн 164.1-т зааснаар банк, санхүүгийн байгууллагын аж ахуйн үйл ажиллагааны нууцыг хууль бусаар олж авсан, задруулсан хэрэгт эрүү үүсгэн шалгаж байна. Иймээс та хууль хяналтын байгууллагад үнэн бодит байдлыг тайлбарлан, энэ хэрэгт намайг гэм буруугүй гэдгийг нотолж өгнө үү хэмээн танаас хичээнгүйлэн хүсье” гэжээ.
Б.Сайнбуян гэх залуу энэ сарын 27-ны өдөр Богд ууланд алхаж явахдаа халтирч унаад хүнд гэмтэл авсан байна. Тэрбээр зам товчилж жимгүй газраар явсан гэнэ. Ингэж явахдаа хаднаас халтирч унасан гэнэ. Унахдаа нуруундаа хүнд гэмтэл авч, босч чадахгүй байсан аж. Ингээд уул уруудан мөлхөж хэсэг яваад ухаан алдсан бололтой. Түүнийг сэрэх үед хамаг бие нь хөшчихсөн байсан аж. Ингээд хөр цасан дунд хэвтчихээд “Авраарай. Би энд байна. Намайг авраарай” гэж бусдаас аврал эрэн дуудаж байсан аж. Б.Сайнбуянг бусдаас аврал эрэн дуудаж байхыг хамгийн түрүүнд Г.Арслан сонссон байна. Г.Арслан “Шударга иргэдийн фронт”-ын тэргүүн юм байна. Мөн 2004 онд Иракт дэлбэрэх бодистой ачааны тэрэгний жолооч террористыг буудан устгаж олон хүний амийг аварч байсан тусгай десантын хорооны дэслэгч Г.Аззаяа гэр бүлийнхээ хамт явж байгаад амийг нь аварчээ. Хүний амь нас аварсан талаар Г.Арслангаас цөөн асуултад хариулт авлаа.
Мэргэжлийн хяналтын ерөнхий газраас улсын хэмжээнд үйл ажиллагаа явуулж байгаа шүдний эмнэлгүүдэд хяналт шинжилгээ хийжээ. Шалгалтад нийслэлийн долоон дүүргийн 96, 20 аймгийн 105 эмнэлэг, 4 кабинет хамрагдсан байна.
Хойд Солонгосын удирдагч Ким Чен Уны ойрын зөвлөх Хойд Солонгосын Хөдөлмөрийн намын нарийн бичгийн дарга, намын улс төрийн төв хорооны гишүүн Ким Ян Гон өчигдөр автомашины ослоор нас барсан тухай “KCNA” агентлаг мэдээлжээ. Талийгчийг оршуулах төрийн ёслол маргааш болох аж. Оршуулах ёслолд удирдагч Ким Чен Ун биечлэн оролцох гэнэ.
Ирэх оноос эхлэн дараа үеийн хөдөлгөөнт холбооны систем буюу 4G системийг нэвтрүүлэхээр ажиллаж байгаа талаар Харилцаа холбооны зохицуулах хорооноос мэдээллээ. Уг системийг нэвтрүүлэх бэлтгэл ажил өнгөрсөн хоёр жилийн хугацаанд хийгдсэн байна. Тус хорооноос 4G үйлчилгээний зохицуулалтын бичиг баримтыг энэ сарын 30-ны өдөр буюу өнөөдөр батлах бөгөөд он гараад үйлчилгээ эрхлэх тусгай зөвшөөрлийг компаниудад олгож эхлэх аж. Ингэснээр ирэх оны дөрөв, тавдугаар сард манай улсад дөрөв дэх үеийн технологи албан ёсоор нэвтрэх бололцоо нээгдэх юм байна.