Month: December 2015

Монгол Улсын Зэвсэгт хүчний Цэргийн
хамгаалалтын ротын III ээлжийн цэргийн багийн бүрэлдэхүүн Зэвсэгт хүчний
Жанжин тугандаа хүндэтгэл үзүүллээ. Тэд Афганистан Улсад явагдаж буй
“Шийдвэртэй дэмжлэг” ажиллагаанд ХБНГУ-ын Зэвсэгт хүчинтэй хамтран үүрэг
гүйцэтгэх юм.

Тус арга ЗХЖШ-ын дэд дарга бригадын
генерал Р.Сүхбат, Ажиллагааны удирдлагын газрын дарга, бригадын генерал
Д.Ганзориг болон ЗХЖШ-ын удирдлага, бие бүрэлдэхүүн Афганистан Улсад
үүрэг гүйцэтгэх цэргийн баг, тэдний ар гэрийн төлөөлөл оролцлоо.

Цэргийн хамгаалалтын ротын III ээлжийн
бие бүрэлдэхүүний 85 хувь нь энхийг дэмжих ажиллагаанд оролцсон
туршлагатай албан хаагчид аж. Энэ ээлжийнхэн дэд хурандаа Н.Бат-Эрдэнэ
удирдлаган дор үүрэг гүйцэтгэхэд бэлэн болжээ.

Афганистан Улсад явуулж буй НАТО болон
Эвслийн цэргийн хүчний II шатны ажиллагаа буюу “Шийдвэртэй дэмжлэг”
ажиллагаанд Монгол Улсын цэргийн багийн бүрэлдэхүүн 2015 оны 1 дүгээр
сарын 01-ний өдрөөс эхлэн үүргээ амжилттай биелүүлж байгаа. Энэхүү
ажиллагаанд НАТО-гийн гишүүн болон түнш орнуудын 13.000 гаруй цэргийн
алба хаагчид одоогоор үүрэг гүйцэтгэж байна.

Хотын даргын захирамжаар “Эрчимжсэн мал аж ахуйн хөгжлийг дэмжих” дэд хөтөлбөрийг хэрэгжүүлэх ажлын хүрээнд Сүүний үйлдвэрийн үхрийн фермийн аж ахуйн үйл ажиллагаа, барилга, байгууламж, эрүүл ахуйн стандартын төслийг боловсруулж, батлуулах ажлын хэсэг, хэрэгжүүлэх ажлын төлөвлөгөөг тус тус баталжээ. Ажлын хэсгийн даргаар нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэ ажиллах юм байна.

Техникийн даалгавар, түүнд зарцуулагдах 11 сая 891 мянган төгрөгийг нийслэлийн Засаг даргын нөөц хөрөнгө, Төрийн зарим чиг үүргийг төрийн бус байгууллагаар гүйцэтгүүлэх зардлаас гаргахыг нийслэлийн Засаг дарга даалгажээ.

“Сүүний үйлдвэрийн үхрийн фермийн үйл ажиллагаанд тавигдах ерөнхий шаардлага” үндэсний стандартын төслийг холбогдох хууль, стандартын шаардлагад нийцүүлэн боловсруулж, Стандартчилал, хэмжил зүйн газарт хүргүүлж, ажилласнаар Улаанбаатар хот сүүний чиглэлийн үхрийн фермтэй болох нь ээ.

АТГ-ынхан өнгөрсөн сарын 26-27-нд шилжих шөнө ГЕГ-ын Төрийн захиргаа, хүний нөөцийн газар хэлтсийн ахлах байцаагч н.Баттогтох, байцаагч н.Оргилмаа нарыг Цагдан хорих 461 дүгээр ангид саатуулсан тухай хэвлэлүүд мэдээлж байна. Одоогоор дээрх нэр бүхий хүмүүсийг яг ямар хэргээр баривчилсан нь тодорхойгүй байгаа юм. Эх сурвалжийн мэдээлснээр тэднийг авлигын хэрэгт сэжиглэн саатуулсан бололтой. Одоогоор албан өрөөнд байрлах эд зүйлсийг нь битүүмжилсний улмаас гаалиас гарч буй хүмүүс бичиг баримтаа авч чадахгүй байдалд ороод байгаа аж.

Жил бүрийн 12 дугаар сарын 1-ний өдрийг Дэлхийн нийтээр Хүний дархлал хомсдлын вирус /ХДХВ/, Дархлалын олдмол хомсдол /ДОХ/-ын асуудалд анхаарал хандуулах өдөр болгон тэмдэглэдэг. Энэ өдөр улс орон бүр ХДХВ, ДОХ-оос сэргийлэх чиглэлээр хийсэн ажлаа дүгнэж, үйл ажиллагааныхаа цаашдын зорилтоо тодорхойлдог. Энэ удаа “Эрт илрүүлж-Хамтдаа сэргийлье” уриан дор дэлхий нийт ХДХВ/ДОХ-ын эсрэг дуу хоолойгоо нэгтгэж байна.

Манай улс ХДХВ, ДОХ-оос сэргийлэх, эмчилгээ, тусламж үйлчилгээ, халамж дэмжлэгийг бүх нийтэд хүртээмжтэй болгох дэлхий нийтийн зорилтын хүрээнд өөрийн оронд хэрэгжүүлж буй арга хэмжээний тогтовортой байдлыг хангахад төр, хувийн хэвшил иргэний нийгмийн байгууллагын оролцоог нэмэгдүүлэн ажиллаж байгааг эрүүл мэндийн салбарын мэргэжилтнүүд хэлсэн.

ХДХВ, ДОХ-той тэмцэх өдрийн хүрээнд өнөөдөр ЭМСЯ, НҮБ-аас Хэвлэлийн хүрээлэнд хэвлэлийн бага хурал зарлаж, ХДХВ-ын халдварын талаарх улс орны болон дэлхий дахины сүүлийн үеийн мэдээлэл, урьдчилан сэргийлэх чиглэлээр хийж гүйцэтгэж байгаа ажил, үр дүнгийн талаар мэдээлэл өглөө.

Монгол Улсад ХДХВ-ын халдварын анхны тохиолдол 1992 онд бүртгэгдсэн. Энэ оны эхний 11 дүгээр сарын байдлаар ХДХВ/ДОХ-ын нийт 194 тохиолдол бүртгэгдсэн байна. Бүртгэгдсэн тохиолдлуудын 98.4 хувьд ХДХВ-ын халдвар бэлгийн замаар дамжсан нь тогтоогджээ.Харин бусад тохиолдлын хувьд судалгааны ажил үргэлжлэн хийгдэж байна.

Өнөөдрйин байдлаар цус цусан бүтээгдэхүүнээр, эмнэлгийн тусламж үйлчилгээтэй холбоотой, мөн эхээс хүүхдэд халдвар дамжсан тохиолдол бүртгэгдээгүй байна. Халдвартай эхээс төрсөн 12 хүүхдэд ХДХВ-ын халдвар илрүүлэх шинжилгээг хийж хяналтад оруулсан.

ХДХВ-ын халдварын үедээ оношлогдсон 81.3 хувь, ДОХ-ын шатандаа оношлогдсон 18.7 хувь байгаа бол нас барсан 26 тохиолдол бүртгэгдсэн байна. Анх 2003 онд ретровирусын эсрэг эмчилгээг эхэлснээс хойш өнөөдрийн байдлаар 144 хүн эмчилгээнд хамрагджээ.

Дэлхийн эрүү мэндийн байгууллагаас зөвлөн үр дүнтэй нь батлагдсан ретровирусын эсрэг эмчилгээ болон урьдчилан сэргийлэлтийн үйл ажиллагаануудыг Монгол Улс өөрийн орны нөхцөлд тохируулан ХДХВ, ДОХ-ын эмчилгээ тусламж үйлчилгээндээ хэрэглэж байгаа юм.

Энэ өвчнөөс урьдчилан сэргийлэлтийн олон шинэлэг үйлчилгээ нэвтэрсэн өнөө үед ХДХВ-ын халдвартай эсэхээ эрт мэдсэний үндсэн дээр өөрийгөө болон гэр бүл хайртай дотны хүмүүсээ халдвар авах эрсдлээс хамгаалах бүрэн боломжтой болж байна.

Эдийн засгийн хямралтай холбогдуулан ирэх оны төсөвт хүүхдийн мөнгийг 200 гаруй тэрбумаас 144 тэрбум төгрөг болгон суутгасан. Ингэснээр Хүн амын хөгжил, нийгмийн хамгааллын яамнаас хийсэн өрхийн мэдээллийн сангийн судалгаанд үндэслэн амжиргааны түвшин доогуур өрхийн хүүхдүүдэд хүүхдийн мөнгө олгохоор болсон. Тодруулбал, Монгол улсын нийт айл өрхийн амжиргааны түвшинг 20 бүлэгт хуваан үздэг. Үүнээс 1-17 дугаар бүлэгт хүүхдийн мөнгө ирэх онд хэвийн олгогдох юм. Эдгээр бүлгүүдэд нийтдээ 823 мянган айл өрх багтаж байгаа гэх тодруулгыг салбар яамнаас өгч буй. Харин 18-20 дугаар бүлэгт багтах амьдралын түвшин бүхий айл өрхүүд хүүхдийн мөнгө авах эрх эдлэхгүй. Гэхдээ хүүхдийн мөнгөө авахыг хүссэн тохиолдолд өргөдөл гарган өгснөөр эрх нээгдэнэ гэдгийг салбарын сайд нь онцолж байгаа юм.