Талбайн теннисний “Тэнгэрийн хишиг опен” тэмцээн Баянзүрх дүүрэгт байрлах Монголын Англи сургууль буюу “Эрэл” сургуулийн биеийн тамирын зааланд болж байна. Энэ жил долоо дахь удаагаа болж буй тус тэмцээн өсвөр насны, сонирхогчын, насанд хүрэгчдийн болон ахмадын ангилалд болж буй. Энэ сарын 26-ны өдөр сонирхогч болон ахмад насны ангилалаар эхэлсэн тус тэмцээн өнөөдөр 13-15 нас, насанд хүрэгчдийн ангилалд үргэлжлэн явагдаж байна.
“Тэнгэрийн хишиг опен” тэмцээн маргааш өсвөрийн 8, 10, 12 хүртэлх насны ангилалд болж өндөрлөх юм.
Үндэсний эрх чөлөө, тусгаар тогтнолоо сэргээсний баярын өдөрт зориулж Монгол Улсын Ерөнхий сайд Ч.Сайханбилэг мэндчилгээ дэвшүүллээ
Шинэ жилийн баяр, амралтын өдрүүдийг тохиолдуулан Онцгой байдлын ерөнхий газраас нийт аж ахуйн нэгж байгууллага, иргэдэд дараах анхааруулгыг өгч байна.
“Монгол банк”-нд өнөөдөр АНУ-ын доллар 1993.32 төгрөг, Евро 2185.58, Хятадын юань 307.28, Английн фунт 22975.33, Оросын рубль 28.16 гэсэн ханштай байна.
Монголын жүдо бөхийн холбооноос Монголын жүдо бөхийн Үндэсний шигшээ багийн тамирчдынхаа энэ онд үзүүлсэн нийт барилдаануудаас санал хурааж, шилдэг цэвэр ялалт үзүүлсэн жудочийг шалгаруулжээ. Үзэгчдийн саналаар “Ippon trophy”-ийн эзнээр Н.Дагвасүрэн тодорсон байна.
Ерөнхий боловсролын сургуулийн сурагчдын өвлийн амралт эхлэсэн энэ үед бага насны хүүхдийг харгалзах хүнгүйгээр орхихгүй байхыг Онцгой байдлын ерөнхий газраас эцэг эх асран хамгаалагчдад анхаарууллаа. Өнгөрч буй онд гал түймрийн ослын улмаас амиа алдсан хүүхдийн тоо эрс нэмэгджээ. Онцгой байдлын ерөнхий газарт ирсэн мэдээллээр улсын хэмжээнд нийт 4377 удаагийн объектын гал түймэр бүртгэгдэж, үүнд 34 хүн түлэгдэж гэмтсэнээс арав гаруй нь хүүхэд байжээ. Мөн 50 хүн нас барсаны 12 нь бага насны хүүхэд байсан аж.
Эрх чөлөө, тусгаар тогтнолоо сэргээн мандуулсаны 104 жилийн ойд зориулсан Монгол Улсын Ерөнхийлөгчийн цомын төлөөх чансаа өндөр 128 бөхийн барилдааны нэгийн даваа эхлээд байна. Уг барилдааны зүүний магнайг Сэлэнгэ аймгийн Мандал сумын харьяат улсын аварга Г.Эрхэмбаяр манлайлан боссон. Улсын арслан П.Бүрэнтөгс, Э.Оюунболд, Н.Батсуурь, улсын гарьд Б.Гочигдамба, Н.Ганбаатар, Улсын заан Ч.Санжаадамба, М.Өсөхбаяр, улсын харцага Ө.Даваабаатар, Б.Пүрэвсайхан, Ц.Содномдорж, Ө.Бат-Орших нарын энэ цаг үеийн шилдэг хүчтэнүүд зодоглон барилдаж байна. Энэхүү барилдаанд хоёр удаа түрүүлсэн С.Мөнхбат аварга зодоглосонгүй. Улсын цолтнуудаас нэгийн даваанд одоогийн байдлаар улсын заан Д.Баасандорж аймгийн начин Н.Хүрэлсүхэд, Д.Амгаланбаатар заан, аймгийн харцага Х.Берекед өвдөг шороодоод байна.
Өнгөрсөн баасан гаригийн УИХ-ын чуулганы хуралдаанаар Эрүүл мэнд, спортын яамны Төрийн нарийн бичгийн даргаар С.Ламбааг томилжээ.
Үндэсний эрх чөлөө, тусгаар тогтнолоо сэргээн мандуулсны ойд зориулсан Монгол Улсын Ерөнхийлөгчийн нэрэмжит цомын төлөөх чансаа өндөр 128 бөхийн барилдаан Монгол бөхийн өргөөнд эхэллээ. Бөхийн барилдааныг нээж Монгол Улсын Ерөнхийлөгч Ц.Элбэгдорж үг хэлсэн юм. Тэрбээр “Өнөөдөр Үндэсний эрх чөлөө, тусгаар тогтнолоо тунхагласан түүхт 104 жилийн ойн баярын өдөр тохиож байна. Энэ өдөр хамгийн сайн барилдаж буй 128 шилдэг бөхөө барилдуулж баяраа тэмдэглэдэг уламжлал тогтоод буй. Дөрвөн жил шинэ оноо бөхийн өргөөнд угтдаг уламжлал тогтоод явж байна. Надтай хамт, бидэнтэй хамт шинэ оноо угтаж буй бөхийн хорхойтнууд та бүхэндээ чин сэтгэлээсэй баярлалаа. Та бүхний маань хийморь өндөр байх болтугай..” гэсэн юм.