МАН-ын дарга М.Энхболд, Ерөнхий нарийн бичгийн дарга Ж.Мөнхбаттай МАН, МАХН-ын ахмадуудын төлөөлөл өнөөдөр Тусгаар тогтнолын ордонд уулзлаа. Тэдний зүгээс УИХ-ын 2016 оны сонгуульд МАН, МАХН-ыг эвсэл байгуулж, хамтарч сонгуульд орохыг уриалсан өргөх бичгийг МАН-ын удирдлагуудад гардуулаа. Энэхүү өргөх бичигт “Өнгөрсөн хугацаанд МАХН-ын гишүүдийн нэг хэсэг нь АН-тай хамтарч нөгөө гишүүд нь МАН нэрээр сөрөг хүчин хэмээж хүчээ сарниулсны улмаас эрх баригчдын хууль бус хариуцлагагүй үйл ажиллагаа газар авч төрийн алба төрлийн алба болж Монгол Улсын нэр хүнд бүрэн уналаа. Монголын газар нутгийн бараг 60 гаруй хувь хайгуулын лиценз нэрийн дор гадаадынхны гарт орж, улсын гадаад өрийн хэмжээ хоёр дахин нэмэгдэж, үндэсний үйлдвэрлэлийн орлогын 70 хувиас хол давлаа. Төр засгийн буруутай бодлогоос үүдэн 5000 гаруй аж ахуйн нэгж үүд хаалгаа барилаа. Тиймээс үзэл бодол, угшил үндэс нэгтэй МАН, МАХН-ын дарга Ерөнхий нарийн бичгийн дарга нар эх орон, ард түмний эрх ашгийг бодолцож үл ойлголцлоо зогсоож, аливаа асуудалд ухаан тэвчээр гарган 2016 оны сонгуульд хоёр нам эвсэж орох саналыг та бүхэнд өргөн барьж байна” гэжээ. Уг өргөх бичигт төр нийгэм, урлаг, спортын салбарт нэр хүнд бүхий МАН, МАХН-ын 44 ахмад гишүүн гарын үсэг зуржээ. МАН-ын дарга М.Энхболд ахмадуудын өргөн барьсан албан бичгийг өнөө, маргаашгүй МАХН-ын Удирдах зөвлөлд танилцуулж, тоймтой хариу өгнө гэдгээ хэлсэн юм.
Нийгмийн даатгалын
Шүүхийн шийдвэр гүйцэтгэх ерөнхий газраас өнөөдөр Өршөөл үзүүлэх тухай хуулийн хэрэгжилтийн талаар мэдээлэл хийлээ. Хуулийн дагуу 1700 гаруй хоригдол өршөөлд хамрагдах бөгөөд эдгээр хүмүүсийг энэ долоо хоногтоо багтаад суллахаар болсноо ШШГЕГ-аас албан ёсоор мэдэгдлээ. Улмаар өршөөийн хуулиар суллагдаж буй хүмүүсийг нийгэмшүүлэх, ажилд зуучлах зэрэг үйл ажиллагаанд 130 орчим сая төгрөг зарцуулах аж. Мөн хөдөөнөөс хот руу очих хүмүүсийг тусгай автобусаар зөөх, өвлийн хувцасгүй байгаа хоригдлуудад өвлийн хувцас тавьж өгөх зэрэг үйл ажиллагаанд зарцуулах юм байна.
Өргөдлийн байнгын хорооны дарга О.Баасанхүү Монгол Улсын сайд, Засгийн газрын Хэрэг эрхлэх газрын дарга С.Баярцогтыг Засгийн газрын гишүүнээс огцруулах тухай тогтоолын төсөл өргөн барьсан. Түүний хувьд С.Баярцогтыг хариуцсан салбараа удирдах чадваргүй, Монгол Улсын хууль тогтоомж зөрчсөн гэдэг үндэслэлээр огцрох ёстой гэж үзэж байгаа.
УИХ-ын Аюулгүй байдал, гадаад бодлогын байнгын хороо хаалттай хуралдаж байна. Тус байнгын хорооны хуралдаанд Монгол Улсын ерөнхийлөгч Ц.Элбэгдорж оролцож, Монгол Улс байнга төвийг сахих тухай асуудлаар мэдээлэл хийж байна. Тэрбээр энэхүү хуулийн төслийг санаачилсан юм. 
Хөгжмийн зохиолч, найруулагч, продюсер Н.Халиун Монголын рок поп хөгжмийн урлагт зүтгэсээр 23 дахь жилдээ уран бүтээлээ туурвиж байна. Энэ хугацаанд дуу хөгжмийн шинэ зохиол бичиж, хөгжмийн найруулгын ажлыг гүйцэтгэж, тайзны болон томоохон хэмжээний шоу тоглолтыг зохион байгуулан хамтлаг, дуучдын продюсероор ажилласаар байгаа. Тэрбээр бие даасан анхны тоглолтоо энэ сарын 13, 14-нд хийхээр болжээ.
Олон улсын үнэлгээний “S&P” агентлаг Монгол Улсын Засгийн газрын урт хугацааны зээлжих зэрэглэлийг B+ байсныг бууруулж, “В” буюу “тогтвортой” хэмээн үнэллээ. Урт хугацааны зээлжих зэрэглэлээс гадна гадаад шилжүүлэг болон валютын хөрвөх чадварыг үнэлгээг “ВВ-” байсныг “В+” болгожээ. Харин Засгийн газрын богино хугацааны зээлжих зэрэглэлийг “В” зэрэглэлд хэвээр үлдээсэн байна.
“Дархан минж” ХХК, “Ariunaa Suri” бренд хамтран “SNOW 2016” нэхий хувцасны загварын шоу хийхээр болсон тухай мэдээллээ. 2015 оны арваннэгдүгээр сарын 14-нд Crocus Event Hall-д зохион байгуулагдах уг шоунд Герман, Норвегийн нэртэй загвар өмсөгчид урилгаар оролцох ба шоуны хөтөлбөрийн хувьд олон сонирхолтой шинэлэг үзүүлбэрүүд, сюрпризээр дүүрэн байх аж.
Цалин нэмэгдүүлэх чиглэлээр Засгийн газраас хүлээсэн үүргээ биелүүлэхгүй байгаа тул МҮЭХ-ноос хэлэлцээрийн талуудтай Хөдөлмөрийн хамтын маргаан үүсгээд байгаа билээ. Засгийн газрын зүгээс МҮЭХ-ны тавьж буй шаардлагыг Хөдөлмөрийн хамтын маргааны журмаар бус гурван талт Үндэсний хорооны хурлаар авч хэлэлцэхийг санал болгосон ч ажилтны тал уг саналыг хүлээн авах боломжгүй гэж үзсэн байна. Хөдөлмөр, нийгмийн зөвшлийн гурван талт Үндэсний хороо өнөөдөр орой хуралдана. Энэхүү хурлаас гарах үр дүнгээс МҮЭ-ийн холбооны дараагийн үйл ажиллагаа хурцдах эсэх нь шалтгаалах аж.