Монголын футзалын шигшээ баг ОХУ-ын Эрхүү хотноо нөхөрсөг тоглоод хийгээд ирлээ. Тэд аравдугаар сарын 26-ны өдөр ОХУ-ын ВЧНГ, Зенит Иркут болон СПС багуудтай нөхөрсөг тоглолтыг хийж, нэг хожил авчээ. Эхний тоглолтоо ВЧНГ багтай хийж, 4:8-аар хожигдсон ч Зенит Иркут багийг 7:5-ын харьцаагаар хожсон байна.
“Зенит Иркут” багийн хувьд тун сайн баг гэдгийг спортын багш нар онцолсон бөгөөд Монгол Улсын шигшээ баг бэлтгэл сайтай байгаагаа харууллаа. Энэ сарын 14-19-ний өдрүүдэд Буянт-Ухаа спортын ордонд ирэх жил Узбекстан улсыг зорих эрхийн төлөөх тоглолтод БНХАУ, БНСУ, Тайвань, Хонгконг болон Монгол Улсын шигшээ баг өрсөлдөнө. Эдгээр өдрүүдэд эрхэм үзэгч та бүхэн Монголын футзалын шигшээ багаа дэмжиж нэгэн туган дор нэгдэхийг уриалж байна.
“Өдрийн сонин”-ы гуравдугаар нүүрт “Монголын гадаад сурталчилгаа монголчуудыг гутаахад чиглэж байна” хэмээх нийтлэл хэвлэгдлээ. Ирэх жил Улаанбаатар хотод Ази Европын орнуудын дээд хэмжээний уулзалт болохоор төлөвлөгдсөнтэй холбоотойгоор Монголыг гадаадад хэрхэн сурталчлах талаарх хөтөлбөр боловсруулахаар болжээ. Үүний хүрээнд Монгол орны талаарх ямар мэдээллийг гадныхан илүү ихээр сонирхдог болохыг харуулжээ. Харамсалтай нь гадныхан биднийг өнөөдрийг хүртэл цаа бугаа хариулж, арьсаар нь хувцас хийж өмсдөг, хөөмий болон уран нугаралтыг маань ихэд сонирхон ямарсайндаа “голио мэт исгэрч, могой шиг мурилздаг” гэсэн яриа хүртэл гарах билээ. Хамгийн харамсалтай нь гадны томоохон кино наадамд оролцохдоо Монголыг амьдын там болсон газар хэмээн үзүүлэхээс гадна уул уурхайд нь хөрөнгө оруулбал мөнгийг нь дээрэмдэж, эзнийг нь барьж хорьдог гэх утга бүхий мэдээлэл гадны хэвлэл мэдээллийн хэрэгслээр хөвөрнө. Бидний талаарх иймэрхүү гаж мэдээлэл авсан гадныхан захын монгол хүнээс “Чи намайг Монголд очвол мориор тосох уу”, “Танайд машин байдаг уу”, “Монголчууд интернэт гэж мэдэх үү”, “халуун усанд орж болох уу” гэх зэргээр асуудаг. Тиймээс “Өдрийн сонин”-ы нийтлэлч Д.Оюунтуяа Монголын талаарх дээрх бүх сөрөг ойлголтыг халах үүднээс үүнтэй холбоотой ташаа мэдээлэл, сөрөг сурталчилгааг хааж, өөрсдийнхөө талаарх гэрэл гэгээтэй зүйлсийг дэлхий дахинаа сурталчлан, таниулахыг санал болгож томоохон нийтлэл хэвлүүлж байна. Бүрэн эхээр нь “Өдрийн сонин”-ы маргаашийн дугаараас хүлээн авч уншаарай. Манай сониныг 99112954 дугаарт холбогдон захиалаарай.
Монголын Залуучуудын Холбоо “Хулгайчгүй Монгол” хөдөлгөөнийг орон даяар
Дорнод аймгийн Дашбалбар сумын ИТХ-ын 2015 оны 14 дүгээр хуралдаанаар Орон нутгийн хөгжлийн сангийн хөрөнгөөр хэрэгжүүлэх 2015 оны хөрөнгө оруулалтад нэмэлт өөрчлөлт оруулж Улз голын гүүрийг сэргээн засварлах ажлыг баталсан байна.
Нийслэлийн Засаг даргын мөрийн хөтөлбөрийн хэрэгжилтийг хангах ажлын хүрээнд нийслэлийн Жижиг дунд үйлдвэрлэлийг дэмжих төвөөс жил бүр жижиг дунд үйлдвэр эрхлэгч иргэд, аж ахуйн нэгжүүдийн бараа бүтээгдэхүүнийг зах зээлд таниулан сурталчлах, борлуулалтыг нэмэгдүүлэх, хэрэглэгч захиалагчтай холбож өгөх зорилгоор “Улаанбаатарт үйлдвэрлэв” үзэсгэлэн худалдааг зохион байгуулдаг уламжлалтай. “Улаанбаатарт үйлдвэрлэв – 2015” үзэсгэлэн худалдаа энэ сарын 20, 21, 22-ны өдрүүдэд “Мишээл экспо” төвд болох бөгөөд тус үзэсгэлэнд нийслэлийн 140 гаруй жижиг дунд үйлдвэрлэл эрхлэгч өөрсдийн үйлдвэрлэсэн бараа бүтээгдэхүүнээр оролцох юм гэж НЗДТГ-ын хэвлэл, олон нийттэй харилцах хэлтсээс мэдээллээ. 
Эрүүгийн цагдаагийн газрын Зохион байгуулалттай тэмцэх хэрэгтэй хэлтсээс үйлдвэрийн бус аргаар галт зэвсгийн сумыг олон тоогоор үйлдвэрлэдэг бүлэг этгээдийг илрүүлжээ. Хэд хэдэн газар явуулсан нэгжлэгийн үеэр байлдааны зориулалттай галт зэвсэг болон 14 ширхэг ангийн буу, галт зэвсэг, сум угсрагч багаж, төрөл бүрийн сум угсрах зориулалт бүхий багажны хошуу, хонгио 2000 ширхэг, сумны хошуу 1900 ширхэг, тэслэгч бялт 5000 ширхэг, их хэмжээний дарь олон тооны сум хураан авсан байна.
Нийт 150 мянга гаруй номтой, 50 компьютертэй интернет өрөө, 17 суудал бүхий цахим номын сан, 56 суудал бүхий эрдэм шинжилгээний танхим, 42 суудалтай гадаад уншлагын танхим, 46 суудалтай тогтмол хэвлэлийн танхимаар үйлчилдэг Анагаах ухааны төв номын сан өнөөдөр нээлтээ хийлээ. Шинээр номын санг орчин үеийн номын сангийн жишигт хүргэхийг хичээн зохион байгуулсан бөгөөд сүүлийн үеийн автоматжуулалт бүхий галын дохиолол, хөдөлгөөн мэдрэгч, интернэт, гадаад болон дотоод хяналтын камер, тоон технологит суурилсан харилцаа холбооны үйлчилгээ бүхий хяналтын цогц системүүдийг байршуулжээ.