Японы мэргэжлийн сүмогийн арваннэгдүгээр сарын башё буюу Кюүшюү башёгийн гуравдахь өдрийн барилдаанууд өнөөдөр өндөрлөлөө. Өнөөдрийн барилдаанд Харүмафүжи аварга Болгарын бөх Аойяаматай барилдлаа. Хоёр бөхийн барилдаан сонирхолтой болж шүүгч нар удаан хуралдсаны эцэст Харүмафүжид ялалтыг өгөв. Дэвжээний захад Аойяама манай аваргыг зайлсан боловч хөлийн өсгий нь гадаа түрүүлж хүрсэн байсан учраас өнөөдөр ялагдав. Харүмафүжи аварга маргааш нутгийн бөх Ичиножёотой барилдах юм. Ичиножёо маэгаширагийн 1-т бичигдсэн учраас Аваргуудтай дараалан барилдаж байна.
71 дахь ёкозүна Какүрюү М.Ананд өнөөдөр Ичиножёотой барилдсан бөгөөд туршлагаар илүүрхэн давлаа. Хэдийгээр Ичиножёо аваргын дайралтыг зогсоон барьцаа авсан ч хурд, техникээр дутуу байв.
Манай шинэ озеки Тэрүнофүжи өнөөдөр маэгашира Окиноумитай хүч үзсэн ба уветанаге мэхээр ээлжит даваагаа авлаа. Маргааш тэрбээр арал бяртай бөх Аойяаматай барилдана.
Мэргэжлийн сүмогийн 69 дэх ёкозүна Хакүхо М.Даваажаргал өнөөдөр египетийн бөх Оосүнарашитай барилдаж ээлжит даваагаа авлаа. Энэ барилдаан маш сонирхолтой болсон бөгөөд Оосүнараши Их аваргын хүчтэй дайралтыг няцаасан ч дэвжээний захад түрэгдэн гарсан юм.
Ёкозүна Хакүхо М.Даваажаргал 3-0
Ёкозүна Харүмафүжи Д.Бямбадорж 2-1
Ёкозүна Какүрюү М.Ананд 2-1
Озеки Тэрүнофүжи Г.Ган-Эрдэнэ 2-1
Маэгашира 1 Ичиножёо А.Ичинноров 0-3
Маэгашира 7 Кёкүшюүхо Т.Эрдэнэбаатар 1-0
Маэгашира 9 Тамаваши Б.Мөнх-Оргил 1-2
Маэгашира 16 Асасекирюү Б.Дашням 1-2
Эрүүл мэнд, Спортын сайд Г.Шийлэгдамбыг Авлигатай тэмцэх газраас Эрүүгийн хуулийн тусгай ангийн 268-д зааснаар хээл хахууль авах гэсэн зүйл ангиар хэрэг үүсгэн сэжигтнээр татаж, 14 хоног 461-р ангид хорихоор болсон билээ. Түүнтэй хамт 4-5 хүнийг давхар шалган, тайлбар мэдүүлэг авч эхэлсэн тухай МАХН-аас мэдээлж байсан. Өчигдөр орой 18.00 цагийн үед ЭМС-ын яамны төрийн нарийн бичгийн дарга Г.Ганчимэгээс АТГ-аас байцаалт авч эхэлсэн талаар эх сурвалж мэдээлж байгаа юм. Түүнийг цагдан хорилгүйгээр, гадуур шалгаж буй аж.
Хүн төрөлхтний хайр дурлалын билэг тэмдэг болсон Ромео & Жульетта жүжиг маргааш нээлтээ хийх гэж байна. Энэ удаад Улсын драмын эрдмийн театрын(УДЭТ) найруулагч Н.Наранбаатарын найруулгаар Монголын үзэгчдэд гурав дахь удаагаа тавигдах гэж буй билээ. Жүжгийн гол дүрүүдэд УДЭТ-ын хамгийн залуу жүжигчдийг тоглуулж байгаагаараа онцлог юм. Мэдээж Ромеогийн дүрд Б.Шинэбаяр, Жульеттагийн дүрд О.Дөлгөөн нар тоглож байна.
Жижиг, дунд бизнес эрхлэгч эмэгтэйчүүдэд зориулан бизнесийн чиглэлээр сургалт зохион байгуулах, бизнесийн үйл ажиллагаагаа эхлүүлэх, цаашид өргөжүүлэн хөгжүүлж, удирдах таатай, боломж, нөхцлөөр хангах зорьж буй. 
“Зүүдний говь”, “Хорвоод ганцхан ээждээ”, “Намрын дурсамж”, “Дууны хорвоо”, “Ус мөрөн олон чиг”, “Чингис хааны говь”, “Үүлэн цэнхэр хангай”, “Учран золгохын ерөөл” “Уйлж дуулах хорвоо” зэрэг олон сайхан дууны аялгууг бичсэн Төрийн соёрхолт, хөгжмийн зохиолч Ц.Чинзориг агсны 60 насны ойд зориулан түүний уран бүтээлүүд энэ долоо хоногт цувралаар тоглогдохоор болсныг өнөөдөр хэвлэл мэдээллийнхэнд мэдээлэл хийлээ.
Боловсрол, шинжлэх ухааны яамнаас “Багшийн хөгжил” хөтөлбөрийн хүрээнд өчигдөр төрийн өмчийн ЕБС-д ажиллаж байгаа 25.000 багш нэг бүрт зөөврийн компьютер, бүх сургуульд 11.340 ширхэг зөөврийн компьютерийн лаборатори олгосон.
Оросын А321 онгоц Египетэд сүйрсэний шалтгаан террорын үйл ажиллагаатай холбоотой гэж «Российская газета» сонинд өгсөн ярилцлагадаа ОХУ-ын ерөнхий сайд Дмитрий Медведев өгүүлжээ. “Террор хийгдсэн байж магадгүй гэх мөрдөн байцаалтын нэг хувилбар юм. Антитеррорын хорооны бэлтгэсэн материалд үндэслэн нислэгийг зогсоох ерөнхийлөгчийн зарлиг гарсан байгаа” гэж ерөнхий сайд хэлжээ.