УИХ-ын дарга З.Энхболдод өнөөдөр Улсын Их Хурлын гишүүн О.Баасанхүү, Н.Батцэрэг, З.Баянсэлэнгэ, М.Сономпил, Д.Тэрбишдагва, Ц.Оюунбаатар, Ч.Улаан, Ц.Цолмон нарын санаачлан боловсруулсан Сонгуулийн тухай хуульд нэмэлт, өөрчлөлт оруулах тухай хуулийн төслийг өргөн барив.
2011 онд Монгол Улсын Их Хурлын Сонгуулийн тухай хуулийн шинэчилсэн найруулгыг баталсан ч өнгөрсөн хугацаанд хуулийн зорилт бүрэн биелэгдэхгүй, нийгмийн шинэ харилцааг бүрэн дүүрэн зохицуулж чадахгүй байна хэмээн үзжээ. Тиймээс сонгуулийн системийг зөв тогтоож, энэ үндсэн дээр Үндсэн хуульд заасан Монгол Улсын иргэний “сонгох, сонгогдох эрх”, Улсын Их Хурлын гишүүнийг “Монгол Улсын сонгуулийн эрх бүхий иргэд нийтээрээ, чөлөөтэй, шууд сонгох” эрхийг бодитойгоор эдлүүлэх эрх зүйн үндсийг бүрдүүлэхээр уг хуулийн төслийг боловсруулсан байна.
Монголын Залуучуудын Холбоо нь 2014 оноос эхлэн арваннэгдүгээр сарыг “16 настнуудын сар” болгон зарлаж, улс орон даяар аян өрнүүлдэг уламжлалтай. Энэ хүрээнд “Иргэний андгай өргөх ёслол”-ын ажиллагаа маргааш 11:00 цагт Төрийн ордонд болно.
“Эрдэнэс Таван толгой” компанийн ажилчид өнөөдөр 12.00 цагаас “Зууны мэдээ” мэдээллийн төвд хэвлэлийн хурал зарлаад байсан юм. Хэвлэлийн хурал эхлэх үеэр тус компанийн Үйлдвэрчний эвлэлийн Төлөөлөн удирдах зөвлөлийн дарга С.Эрдэнэ өөрийгөө бензинээр шатаалаа. Тэрээр ундааны савтай бензин өөр дээрээ асгаж, улмаар шууд гал тавив.
Монгол Улсын Үндсэн хуульд оруулах нэмэлт, өөрчлөлтийн төслийг УИХ-д өргөн барьсантай холбогдуулан Ж.Батзандан гишүүн өөрийн байр суурийг илэрхийлж, сэтгүүлчдэд мэдээлэл хийв. Тэрээр хэлэхдээ “1992 оны Үндсэн хуульд нэмэлт, өөрчлөлт оруулах асуудлыг цаг үеийн нөхцөл байдалтай холбогдуулж зайлшгүй өөрчлөх шаардлага байгааг иргэд олон түмэн, судлаачид олон удаа ярьж хэлж байгаа. Монгол Улс түүхэндээ 1924, 1940, 1960, 1992 онуудад Үндсэн хуулийг дөрвөн удаа хэлэлцэн баталж гаргасан. 1992 оны Үндсэн хууль мөрдөгдөөд 20 гаруй жил болж байна. Улс төр, нийгмийн асуудалтай холбоотой зайлшгүй өөрчлөх асуудлууд байгаа гэдэгтэй санал нэг байгаа. Гэхдээ Үндсэн хуулийг өөрчилдөг тодорхой, дүрэм журамтай. Үндсэн хуульд нэмэлт, өөрчлөлт оруулах тухай журмын тухай хуулийг 2010 оны 12 дугаар сарын 23-ны өдөр баталсан. Энэ хуулийн дагуу Үндсэн хуулийн өөрчлөлтийг явуулах ёстой байгаа. Үндсэн хуулийг өөрчлөх санал санаачилгыг дэмжиж байгаа. Харин яаж өөрчлөх процессыг энэ журмын тухай хуулиар явуулах ёстой.
ОХУ-ын тамирчид сэргээш хэрэглэсэн гэх мэдээлэл түгж, чамгүй шуугиан дэгдээсэн. Тэгвэл тус улсын Ерөнхийлөгч В.Путин ирэх 2016 онд эх орноо төлөөлөн Рио де Жанейрогийн зуны олимпод оролцох баг тамирчдын дасгалжуулагчид, төлөөлөгчдийг хүлээн авч уулзжээ. Тэрбээр уулзалтын үеэр мэдэгдэл хийж, анхааруулга өгсөн байна.
Үндэсний Статистикийн хорооноос манай улсын нийгэм, эдийн засгийн байдлын эхний 10 сарын үзүүлэлтийг танилцууллаа. Улсын хэмжээнд эхний 10 сарын байдлаар 67003 эх амаржсан бөгөөд энэ нь өмнөх оны мөн үеийнхээс 0.2 хувиар буурсан үзүүлэлт юм байна. Мөн өнгөрөгч 10 дугаар сард улсын хэмжээнд 6489 эх амаржсан нь өмнөх үеийнхээс мөн л буурсан үзүүлэлт юм байна. Харин нялхсын эндэгдэл оны эхний 10 сард 1009 болсон өнгөрсөн оны энэ үеэс 0.3 хувиар буурсан үзүүлэлт ажээ.