Монгол Улсын Ерөнхийлөгч Ц.Элбэгдорж 2015.11.09-11-ний өдрүүдэд БНХАУ-д төрийн айлчлал хийгээд ирсэн. Айлчлалын үеэр хамтын ажиллагааны 11 баримт бичигт гарын үсэг зурсны нэг нь дулааны аргаар боловсруулсан үхэр, хонь, ямааны махыг Монгол Улс, БНХАУ-д экспортлох, импортлох хүнсний бүтээгдэхүүний аюулгүй байдлын хамтын ажиллагааны тухай Санамж бичиг байсан юм.
Ш.Раднаасэд хэлэхдээ: “Дулааны аргаар боловсруулсан үхэр, хонь, ямааны махыг экспортод гаргах салхийг хагалж бусдаа түүчээлж байгаа хоёр компани болон цаашид бүтээгдэхүүнээ экспортлох аж ахуйн нэгжийн баримт бичгийн бүрдүүлэлтийг Мэргэжлийн хяналтын байгууллага 24 цагийн дотор гаргаж өгч байх болно” гэсэн байна.
Үүнээс гадна таван аж ахуйн нэгжийн баримт бичгийг БНХАУ-ын талд хүргүүлээд байгаа аж.
Өнгөрсөн сарын 30-нд Зам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяаг АТГ-аас баривчлан хорьсон. Түүнтэй хамт Ухаахудаг-Гашуун сухайтын чиглэлийн төмөр замын ажлыг гүйцэтгэж байсан Өмнөд Солонгосын “Самсунг С&Т” компанийн захирал Ли Жон Гёлыг мөн баривчлан хорьсон билээ.
УИХ-ын чуулганы нэгдсэн хуралдаанаар Монгол Улсын нэгдсэн төсвийн 2016 оны төсвийн хүрээний мэдэгдэл, 2017-2018 оны төсвийн төсөөллийн тухай хуульд өөрчлөлт оруулах тухай хуулийн төслийн эцсийн хэлэлцүүлгийг хийж, гишүүдийн 62.7 хувийн саналаар дэмжин баталлаа.
“Эрдэнэс Тавантолгой”-н ажилтан С.Эрдэнэ өөрийгөө шатаах гэсэн хэрэг гарсантай холбоотойгоор Ерөнхий сайд холбогдох албан тушаалтнуудыг яаралтай дуудаж, үүрэг даалгавар өгсөн байна. Энэ тухай Уул уурхайн сайд Р.Жигжид Төрийн ордонд хийсэн хэвлэлийн хурлын үеэр мэдээллээ. 
УИХ-ын чуулганы нэгдсэн хуралдаан эхэллээ. Хуралдаанаар 2016 оны мөнгөний бодлогыг хэлэлцэж байгаа юм. Улсын төсөв мөнгөний бодлоготой уялдах ёстой. Төсвийн алдагдал 3.4 хувьтай буюу 800 хүртэл тэрбум төгрөг байхаар батлагдаж байгаа аж. Гишүүд үүнд шүүмжлэлтэй хандаж байлаа. Үүнд Монгол банкны Ерөнхийлөгч Н.Золжаргал:
Өнөөдөр “Эрдэнэс Тавантолгой”-н ҮЭ-ийн дарга С.Эрдэнэ өөр дээрээ бензин асгаж шатаасан хэрэг гарсан. Тэгвэл үүнтэй холбоотойгоор Уул уурхайн сайд Р.Жигжид яг одоо 16 цагаас Төрийн ордонд мэдээлэл хийхээр болжээ. 
Мьянмарын сөрөг хүчний гол хүчин болох Ан Сан Су Чийн нам парламентын хоёр танхимд нийт 348 суудал авснаар ялалт байгууллаа. Ан Сан Су Чийн “Ардчиллын төлөөх үндэсний лиг” нам парламентад олонх болохын тулд 329 суудал авахад хангалттай байв. Мьянмарын сонгуулийн хороо санал хураалтын нэгдсэн дүнг гаргаагүй байгаа ч Ан Сан Су Чийн нам ялалт байгуулсан нь тодорхой болж байна. Мьянмарын парламентын бүх суудлын дөрөвний нэгийг армиас нэрлэж, үлдсэнийг нь холимог системээр сонгодог юм.
Өнөөдөр “Эрдэнэс-Тавантолгой” компанийн ҮЭ-ийн дарга С.Эрдэнэ хэвлэлийн хурлын үеэр өөрийгөө шатаасан хэрэг гарч нийгэмд дуулиан дэгдээлээ. Түүний хувьд тус компанийн 203 ажилтныг өөр компани руу шилжүүлэх асуудлыг эсэргүүцэн, ийм тэмцлийг сонгосон гэж тайлбарласан юм. Түүний өөрийгөө шатаасан хэргийн талаар “Эрдэнэс-Тавантолгой” компанийн зүгээс 15.00 цагаас хэвлэлийн хурал зарласан байсан ч тодорхойгүй хугацаагаар хойшлуулав. “Эрдэнэс-Тавантолгой” компанийн зүгээс 203 ажилтантай холбоотой асуудлыг цаашид хэрхэн шийдвэрлэх талаар энэ үеэр мэдээлэл хийнэ гэж байсан юм.
“Машинаа гараашдаа тавьчихаад ороод ирье” хэмээн гэрээсээ гарсан 27-хон настай залуу сураггүй алга болсон хэрэг гарсан байна. Тодруулбал, Нийслэлийн Сүхбаатар дүүргийн аравдугаар хорооны долдугаар хорооллын … дүгээр байрны … тоотод оршин суугч иргэн, 27 настай эрэгтэй Л нь энэ сарын 5-ны өдрийн 06:00 цагт УБМ улсын дугаартай “Toyota Prado-120” загварын автомашинаа гараашдаа хийнэ гэж гараад сураггүй болжээ.