Хүний хөгжлийн сангаас олгодог хүүхдийн мөнгийг ирэх 2016 онд үргэлжлүүлэн олгохоор болжээ.
Гэхдээ тус мөнгийг амжиргааны түвшинээс хамаарч олгохоор болсон байна. Тодруулбал, Монгол Улсын өрхийн мэдээллийн нэгдсэн санд хамрагдсан 1-17 бүлгийн 823 мянга орчим хүүхдэд тус мөнгийг өгөх аж. Энэ нь амьдралын боломжтой, амжиргааны түвшин дээгүүр 18-20 бүлэгт хамрагдсан айлын хүүхдүүд авахгүй гэсэн үг юм.
Хэрэв танайх амжиргааны түвшин дунд, эсвэл тааруу хэрнээ өрхийн мэдээллийн нэгдсэн санд хамрагдаагүй бол 2016 оноос өмнө шинээр бүртгүүлж, хамрагдах боломжтой юм байна. Ирэх оноос тэтгэмж авах хүүхдийн тоог өрхийн амьжиргааны бүлгээр ангилж багасгасан ч, нийт хүүхдийн 83 хувь нь дээрх тэтгэмжийг авах бүлэгт хамрагдаж байгаа гэж салбар яамнаас мэдээлэв.
Засгийн газрын ээлжит хуралдаан болж шинээр цэвэрлэх байгууламж барих төслийг концессоор хэрэгжүүлэхээр боллоо.
Вируст хепатитаас сэргийлэх, элэгний өвчлөл, эндэгдлийг бууруулах дэд хөтөлбөр, түүнийг хэрэгжүүлэх үйл ажиллагааны төлөвлөгөөг баталлаа. Хөтөлбөрийг хэрэгжүүлэх арга хэмжээг Монгол Улсын эдийн засаг, нийгмийг хөгжүүлэх үндсэн чиглэлд, шаардагдах хөрөнгийг жил бүрийн улсын болон орон нутгийн төсөвт тусгаж, олон улсын байгууллагын зээл, тусламжид хамруулах замаар санхүүжүүлж ажиллахыг Эрүүл мэнд, спортын сайдын үүргийг түр орлон гүйцэтгэгч, Монгол Улсын Шадар сайд Ц.Оюунбаатар, Сангийн сайд Б.Болор, аймаг, нийслэлийн Засаг дарга нарт үүрэг болголоо.
“Сургалтын хамтарсан тэтгэлгийн хөтөлбөр хэрэгжүүлэх тухай Монгол Улсын Засгийн газар, Бүгд Найрамдах Франц улсын Засгийн газар хоорондын хэлэлцээр”-ийн төслийг хэлэлцэн дэмжээд, хөтөлбөрт гарын үсэг зурах бүрэн эрх олгох тухай Ерөнхий сайдын захирамжийг ажлын шугамаар гаргахаар тогтлоо.
Улаанбаатар хотын Захирагчийн ажлын албанаас Худалдаа хөгжлийн банкны санхүүжилтээр “Жи Си Деко Монгол” ХХК-тай хамтран хотын төвийн автобусны буудлуудыг бүрэн шинэчилллээ.
Улсын Филармони нь Монгол улсын Засгийн газар, /БСШУЯ/-аас хэрэгжүүлж буй “Сонгодог урлаг II” үндэсний хөтөлбөр, бүх нийтийн хөгжмийн боловсролыг дэмжих “ХӨГЖИМ” хөтөлбөрийн хүрээнд “Сонгодог хөгжим” зорилтот төслийг санаачлан хэрэгжүүлж байгаа билээ. Энэхүү зорилтот төсөл нь хүн төрөлхтний соёлын үнэт өв дэлхийн суут хөгжмийн зохиолчдын сор бүтээлээр урын сангаа баяжуулан урлагийн бүтээл туурвиж, нийслэл хотын үзэгч сонсогчид, олон нийтийн хөгжмийн боловсролыг дэмжих, дээшлүүлэх зорилгоор эхлүүлээд байгаа аж. Түүнчлэн уг төслийн хүрээнд Морин хуурын чуулга, Симфони найрал хөгжим, Баянмонгол жазз найрал хөгжим, дуучдын нийт 7 концерт тоглох ба төлөвлөгөөний дагуу тоглолтууд нь үзэгчдийн хүртээл болж байна.
Дорно зүгээс гаралтай сампин бол тооцоолуурын хамгийн түгээмэл дэлгэрсэн эртний хэрэгслийн нэг ажээ. Мөн Антикитерийн механизм гэх тооны машиныг дурсахгүй байхын аргагүй юм. Түүнийг Грекийн Антикитер арлын ойролцоо эртний Ромын живсэн хөлгөөс 1902 онд олж байжээ. Энэ механизм нь тэнгэрийн эрхсийн хөдөлгөөнийг тооцох үүрэгтэй ч хуваах, үржүүлэхийн хялбар үйлдлүүдийг хийдэг байсан гэнэ. Эрдэмтэд үүнийг энэ тооллын өмнөх хоёрдугаар зуунд бүтээгдсэн гэж тогтоогоод тооны машины өвөг гэж нэрлэсэн байна.
1961 онд Английн “ANITA MK VIII” гэдэг тооны машин анх нийтийн хэрэглээнд гарсан бол 1964 онд Америкийн анхны зайгаар ажилладаг тооны машин өргөн хэрэглээнд нэвтэрсэн байна. Энэ тооны машины хөгжлөөс оросууд ч бас хоцроогүй юм. Тэд “Вега” гэдэг тооны машиныг 1964 онд гаргаж байсан юм. 1970 онд “Sharp”, “Canon” фирмүүд 800 грамм жинтэй, гарт багтах тооны машин хийсэн байна. Оросууд хөрөнгөтөн орноос хоцрохгүйн тулд адилхан 800 грамм жинтэй тооны машин бүтээсэн байдаг аж.
1971 онд “901B” загварын тооны машиныг “Bomwar” фирм бүтээсэн нь анхны халаасны тооны машин юм. 
“АПУ”-ХХК-ийн борлуулагчийг хөнөөсөн Г.Пүрэвсүрэнд 24 жилийн хорих ял оноожээ. 
Нийслэлийн Онцгой байдлын газраас зохион байгуулж байгаа гарц чөлөөлөх ажлын хүрээнд өнөөдөр Хан-Уул, Баянзүрх, Баянгол дүүргийн нутаг дэвсгэрт шуурхай албаны автомашин зорчиход хамгийн хүндрэлтэй байдаг замуудыг чөлөөлнө.