Ардчилсан хувьсгалын анхлагчдын зөвлөл /АХАЗ/ төрийн бус байгууллагаас өнөөдөр МҮОНТВ-ийн Олон нийтийн мэдээллийн төвд Үндсэн хуулийн нэмэлт өөрчлөлтийн төсөлтэй холбоотой хэвлэлийн бага хурал хийлээ.
Уг байгууллага Ардчилсан хувьсгалыг орон нутагт хийж байсан анхдагчид нэгдэж байгуулжээ.
Тэдний зүгээс Үндсэн хуулийн энэ удаагийн өөрчлөлтийг эсэргүүцэж байгаа бөгөөд ард түмний санал асуулгыг явуулах шаардлагагүй гэж үзэж байна.
Энэ талаар АХАЗ-ийн тэргүүн Д.Хархүү “Үндсэн хуулийн өөрчлөлтийн асуудал аль эртнээс яригдаж эхэлсэн боловч өвлийн хүйтэн өдрийн давчууд Ардчилсан үндсэн хуулийг яаран өөрчилвөөс сайнаас муу үр дагаварт хүргэж болохын дээр дахин найман жил Үндсэн хуулийн асуудлыг хөндөх эрхгүй болох учир энэ удаа Үндсэн хуулинд өөрчлөлт оруулах асуудлыг УИХ-аар хэлэлцэж болохгүй гэж үзэж байна.
Үндсэн хуульд яаравчлан өөрчлөлт оруулах гээд байгаа нь цаг хугацааны хувьд ирэх жил болох сонгуулиар ялсан намын даргын эрх мэдлийг нэмэгдүүлэх далд бодлого нуугдаж байж ч болзошгүй” гэв.
Мөн тэдний зүгээс одоо буруу томъёоллоор ард түмний санал асуулга явуулбал ахин найман жил гар хүрэх боломжгүй болох бөгөөд цаг хугацааны хувьд давчуу байгааг хэлж байлаа.
АХАЗ-ийн УЗ-ийн гишүүн Б.Өлзийсайхан энэ бүхнийг дүгнээд “Үндсэн хуулийг өөрчлөх биш Үндсэн хууль руу уулгалан дайрч байна” гэдгийг онцоллоо.
Хүйтэн сэрүүний улиралд бага насны хүүхэд ханиад хүрч, цаашлаад уушгины хатгаа тусах эрсдэлтэй байдаг. Тэгвэл бага насны хүүхэд энэ төрлийн өвчин тусахаас урьдчилан сэргийлэхийг эмч, мэргэжилтнүүд зөвлөлөө. 
Автомашин ачих, түр саатуулах журам удахгүй дахин хэрэгжиж эхэлнэ. Албан ёсоор хэрэгжиж эхэлтэл нэгдүгээр эгнээд машинаа тавибал 9200 төгрөгөөр торгож байна.
Саяхан 50 нас хүрсэн жүжигчин Чарли Шин NBC телевизийн шууд ярилцлагад оролцох үеэрээ өөрийнхөө биеийн байдлын талаар илэн далангүй ярив.”Надад энэ гурван үсгийг хэлэхэд хүнд байгаа ч энэ бол ДОХ.Сүүлийн үед толгой байнга өвдөх болсноор би эмнэлэгт хандаж шинжилгээ хийлгэсэн.Тархитай холбоотой ямар нэгэн асуудал үүссэн байх гэж таамаглаж байсан ч эмч нар надад ийм үр дүн танилцуулсан” хэмээжээ.Тэрээр цааш нь энэ бүх үнэнийг дэлгэснээр өөрийг нь болон ойр дотныхныг нь үзэн ядаж гадуурхахгүй байхыг олон нийтээс хүсчээ.
АНУ-ын Охайо мужид олон улсын шог зураачдын нийгэмлэгийн 24 дэх чуулган энэ сарын 8-13-нд болж 200 гаруй уран бүтээлж оролцжээ. Шилдэг зураачдыг тодруулдаг тус чуулганд Монголоос зураач Ч.Ганбаатар өнгөний гүйцэтгэл ангилалд тэргүүн байр, Л.Мөнхтөр гайхалтай гурван хэмжээст арга барил төрөлд II байр эзэлжээ. Мөн шилдэг 10 шог зураачийг шалгаруулахад Ч.Ганбаатар V байрт орсон байна.Тэрээр өнгөрсөн жил АНУ-ын Невада мужийн Рено хотод болсон чуулганд оролцож 250 гаруй зураачаас шилдэг өнгөний гүйцэтгэл, хэтрүүлэгтэй хэв маяг, Исайл Ролданы нэрэмжит болон Себастиан Крүгэрийн нэрэмжит “Хүндэт зочин” шагналын эзэн болж шилдэг 10 бүтээлээс IV байрт орж байжээ.
Энэ сарын 15-16-нд орсон цасны улмаас манай орны нийт нутгийн 60 орчим хувьд нь цасан бүрхүүл тогтож, Багахайрхан, Хөх дэл отрын бүс нутгаар 10-16 см, Хэрлэнбаян-Улаан, Чилэн, Аргалант отрын бүс нутгаар 6-11 см зузаан цастай болжээ. 
Хан-Уул дүүргийн 16 дугаар хороонд байрлах “Буянт ухаа 1” хорооллын 726 дугаар байранд гал гарч байна. Гал унтраах ангийнхан уг хороололд очсон хэдий ч оршин суугчид машинаа зам хааж тавьснаас гал гарч буй байранд ойртож очиж чадахгүй байгаа гэнэ.
Ирэх онд Хүний хөгжил сангаас олгодог хүүхдийн мөнгийг амьжиргааны төвшинөөс хамаарч олгохоор болсон. Тодруулбал, Монгол Улсын өрхийн мэдээллийн нэгдсэн санд хамрагдсан 1-17 бүлгийн 823 мянга орчим өрхийн хүүхдэд тус мөнгийг олгох аж. Харин амьдралын боломжтой, амьжиргааны төвшин дээгүүр 18-20 бүлэгт хамрагдсан айлын хүүхдүүд авахгүй болжээ.