Улсын гуравдугаар төв эмнэлэгийн Зүрхний мэс заслын багийн эмч нар Люксенбургийн Их Гүнт улсын зүрхний төвийн интервеншнл Кардиологийн институтийн (INCCI) зүрхний мэс заслын багтай хамтран дотоодод хийх боломжгүй хүнд хэлбэрийн өндөр өртөгтэй зүрхний мэс заслыг арван хүнд үнэ төлбөргүй хийжээ.
Улсын гуравдугаар төв эмнэлэг дээр Люксенбургийн Их Гүнт улсаас хэрэгжүүлж буй МОН/005 төслийг хэрэгжүүлж байгаа юм.
Энэ хамтын ажиллагааны хүрээнд Люксенбургийн Интервеншнл Кардиологийн институтийн зүрхний мэс заслын багаас найман удаагийн мэс засал сургалтыг тус эмнэлэг дээр зохион байгуулахаар төлөвлөснөөс өнгөрсөн хугацаанд таван удаагийн сургалт нь амжилттай зохион байгуулагдаж, хойшид 2016 оны арванхоёрдугаар сарын 31 хүртэл үлдсэн гурван удаагийн мэс засал сургалтыг хийхээр төлөвлөөд байна.
Энэ удаагийн мэс засал сургалтаар мэс засал эмчилгээ шаардлагатай нийт 38 өвчтөнд үзлэг зөвөлгөө өгч, митрал хавхлагын мэс засал таван хүнд, аортын хавхлага болон өгсөх хэсгийн аневризмын мэс засал хоёр хүнд, титэм судасны мэс засал гурван хүнд, нийтдээ 10 хүнд үнэ төлбөргүй мэс засал хийж амжилттай хамтран ажиллалаа.
УИХ-ын чуулганы өнгөрсөн долоо хоногийн пүрэв гарагийн хуралдаанаар олон сар дуншсан Өршөөлийн хуулийг баталсан. Тус хууль батлагдсан өдрөөсөө эхлэн хэрэгжиж эхэлсэн бөгөөд хуулиар 1700 иргэн суллагдана.
Боловсрол, Соёл, Шинжлэх Ухааны Яамны сайд Л.Гантөмөр “Докторын дараах судалгаанд сайдын нэрэмжит инновацийн тэтгэлэг олгох” журмын дагуу 2015 онд судалгааны тэтгэлгийг шилдэг 10 залуу эрдэмтэнд гардууллаа.
Дэлхийн байгаль хамгаалах сан (WWF)-гийн Монгол дахь хөтөлбөрийн газрын санаачилгаар байгаль, зэрлэг амьтан хамгаалах нийгэмлэг (WCS), Говь-Алтай аймгийн Байгаль орчны газар болон “Бөхөн хамгаалах сүлжээ баг” хамтран монгол бөхөнд сансрын дохиололтой хүзүүвч зүүсэн байна. Судалгааны ажлын зорилго нь, монгол бөхөнгийн нүүдэл шилжилт, эзэмшил нутгийг нарийвчлан тогтоох, популяцийн эмзэг байдлын үнэлгээний суурь мэдээлэл бүрдүүлэх, авто замын зүгээс үзүүлж буй нөлөөллийг тооцоход оршино.
УИХ дахь бие даагчдын зөвлөл мэдээлэл хийлээ. Мэдээлэлд УИХ-ын гишүүн Ц.Даваасүрэн оролцсон юм. Тэрбээр “Энэ долоо хоногт УИХ-ын чуулганаар 2016 оны төсвийн төслийг хэлэлцэнэ. Бид цалин, тэтгэврийг валютын ханш, инфляцийн өсөлттэй уялдуулан нэмэгдүүлэх ёстой гэсэн байр суурьтай байгаа. Ийм боломж бий. “Оюутолгой”-н төслийн талаар зөвлөгөө авах нэрийдлээр 17.5 тэрбум төгрөг зарцуулах бус цалин, тэтгэвэрт зарцуулах ёстой.
Зам тээврийн сайд М.Зоригт нийтийн тээврийн үйлчилгээнд явдаг бүхий л автобус, таксийг байршил заагч GPS суулгахыг даалгасан билээ. Гэтэл нийслэлийн нийтийн тээврийнхэн хот дотор үйлчилгээнд явдаг автобусууддаа байршил заагч суулгахаас татгалзсан байна. 
“Үндэсний цэцэрлэгт хүрээлэн” нийслэлийн өмчит үйлдвэрийн газрын дарга Б.Саранчимэгийг үүрэгт ажлаас нь чөлөөлжээ. Түүнийг амралттай байх үед нь ажлаас чөлөөлөх шийдвэр гаргасан гэх мэдээлэл байна. “Үндэсний цэцэрлэгт хүрээлэн”-гийн даргыг ажлаас нь чөлөөлөх болсныг Нийслэлийн иргэдийн төлөөлөгчдийн хурал дахь МАН-ын бүлгээс нийслэлийн Засаг дарга Э.Бат-Үүлийг огцруулах саналыг өнгөрсөн сард тавьсантай холбож үзэж байгаа аж. Учир нь тэрхүү огцруулах саналд Б.Саранчимэг гарын үсэг зурсан нь түүнийг ажлаас чөлөөлөх үндэслэл болсон гэх тайлбар байна.
Авлигатай тэмцэх газарт Шинжлэх ухаан технологийн ахлах сургуулийн үйл ажиллагаатай холбоотой гомдол иржээ. Уг гомдлын дагуу шалгалт хийж тус сургуулийн үйл ажиллагааны мэдээллийн ил тод байдлыг нэмэгдүүлэх зорилгоор зөвлөмж хүргүүлсэн байна. Зөвлөмжийн хүрээнд хийсэн ажлынхаа талаарх мэдээллийг Шинжлэх ухаан технологийн их сургуулиас Авлигатай тэмцэх газарт ирүүлж, ил тод болгожээ.
Дорноговь аймгийн харъяат, иргэн “Б”