Ус цаг уур орчны шинжилгээний хүрээлэнгээс ирүүлсэн мэдээгээр ойрын хоногуудад ихэнх нутгаар цас орж хүйтрэх төлөвтөй байна.Цаг агаарын байдал хүндэрсэнтэй холбоотойгоор зам тээврийн осол ихээр гарч хүний амь нас, эрүүл мэнд, эд хөрөнгөөрөө хохирох тохиолдол, халтиргаа гулгаа үүссэн үед өгсүүр, уруу замуудад түгжрэл саатал бий болж бусад замын хөдөлгөөнд оролцогч нарт хүндрэл, саатлыг бий болгодог.
Замын хөдөлгөөнд оролцож буй олонх жолооч нарын тээврийн хэрэгсэл зуны дугуйтай хөдөлгөөнд оролцсноос зам тээврийн осолд өртөх тохиолдлууд гарч байна.
Иймд жолооч та тээврийн хэрэгсэлдээ өвлийн дугуйгаа тавьж өөрсдийнхөө болон бусдын аюулгүй байдлыг хангах. Хөдөө орон нутгийг зорих гэж буй иргэд цаг агаарын байдал хүндэрч, цас орж байгаа тохиолдолд хөдөө орон нутгийг зорихгүй байх. Ус цаг уур орчны шинжилгээний хүрээлэнгийн мэдээллийг сонсох, зайлшгүй орон нутгийн замд зорчих бол тээврийн хэрэгслийнхээ техникийн бүрэн бүтэн байдал \шатахууны нөөц, нөөц дугуй\-ыг хангах.
Цаг агаарын нөхцөл, замын зорчих хэсэг гадаргууны байдал, тээж яваа ачаанд тохируулан хажуу хоорондын зай болон тэээврийн хэрэгслийн хурдыг зөв сонгож аюул осолгүй замын хөдөлгөөнд оролцохыг Замын цагдаагийн газраас зөвлөж байна.
Концессын гэрээгээр гүйцэтгэсэн ажлын санхүүжилтийг бүрэн олгох зарчим баримтлах нь зүйтэй гэж үзэв
УИХ-ын гишүүн Ц.Нямдорж, концессын гэрээгээр ажил гүйцэтгээд мөнгөө авч чадахгүй байгаа аж ажуйн нэгжүүд олон байна. Ажлын хэсэг энэхүү мөнгийг олгох асуудлыг судалж үзсэн үү гээд тэдгээр аж ахуйн нэгжүүдийн санхүүжилтийг ирэх онд бүрэн олгох зарчим баримтлах талаар төсөлд тусгах нь зүйтэй гэсэн саналтай байгаагаа илэрхийлсэн. Сангийн сайд Б.Болор, концессын гэрээгээр ажил гүйцэтгэсэн санхүүжилтийг бүрэн барагдуулах чиглэлээр Сангийн яам ажиллаж байна. УИХ төсвийн тодотгол батлахдаа 80 хувиас дээш гүйцэтгэлтэй ажил нь явж буй компаниудад санхүүжилтийг векселээр олгох чиглэл өгсөн. Одоогоор 180 гаруй аж ахуйн нэгжид векселээр санхүүжилтийг олгосон. 2016 оны төсөвт шаардлагатай санхүүжилтийг суулгасан хэмээн хариулсан юм.
Үүний дараа Монгол Улсын Засгийн газар, Бүгд Найрамдах Хятад Ард Улсын Экспорт Импорт банк хооронд байгуулах 1.0 тэрбум ам. долларын зээлийн ерөнхий хэлэлцээрийн төслийг хэлэлцэхээр төлөвлөсөн байсан ч төслийг УИХ дахь МАН бүлгийн хуралдаанаар хэлэлцэх шаардлагатай байгаа учир хойшлуулах саналыг УИХ-ын гишүүн Ц.Нямдорж гаргасан учир хэлэлцэхийг хойшлууллаа.
Францын нэрт хөгжмийн зохиолч Ж.Бизе анх “Кармен” дуурийг бүтээж, 20-р зуунд Оросын нэрт хөгжмийн зохиолч Р.Щедрин эхнэр Майя Плисецкаяд зориулан “Кармен сюит” болгон найруулсан нь дэлхийн сонгодог урлагийн түүхэнд шилдэг бүтээл болон мөнхөрсөн байдаг.
Худалдаа, эдийн
УИХ-ын Эдийн засгийн байнгын хорооны өнөөдрийн хуралдаанаар Төрөөс мөнгөний бодлогын талаар ирэх онд баримтлах үндсэн чиглэл батлах тухай УИХ-ын тогтоолын төслийн анхны хэлэлцүүлэг боллоо. Хэлэлцүүлгийн үеэр УИХ-ын гишүүн Ц.Нямдорж “Төрийн алба 180 мянган хүнтэй, банкны зээлгүй хүн алга. Малчин нь бүгдээрээ Хаан банкны зээлтэй. 300 мянган тэтгэвэр авагч нь мөн тэтгэврийн зээлтэй. Аж ахуйн нэгжүүд нь банкинд мөн бизнесийн зээлтэй байна” гэв. Түүнчлэн арилжааны банкны зээлийн хүүг үе шаттайгаар жилд 1-2 хувь бууруулахгүй бол арилжааны банкууд мафийн зохион байгуулалтад орлоо. Гадны хөрөнгө оруулалттай жилийн 2-3 хувийн хүүтэй зээл олгодог банк оруулж ирье гэхээр эсэргүүцдэг болохыг дурдсан юм. УИХ-ын Эдийн засгийн байнгын хорооноос 2016 оны Мөнгөний бодлого боловсруулах хүрээнд байгуулагдсан ажлын хэсгийн ахлагч, УИХ-ын гишүүн Ц.Баярсайхан “Зээлийн хүү өндөр байгаатай санал нэг байна. Ажлын хэсгийн төвшинд гишүүдийн гаргасан саналын дагуу ярилцсан. Механикаар бууруулах арга хэмжээ авахад хүндрэлтэй. Цаана нь хадгаламжийн хүү байгаа. Бодит байдлаар дэмжихийн тулд 2016 оны төсвийг алдагдалгүй батлах, валютын урсгалыг нэмэгдүүлэх. Авсан зээлээ хөнгөлөлттэй зээл рүү шилжүүлэх зэрэг арга хэмжээнүүдийг авах нь зөв юм аа гэж үзэн, хоёр ч зарчмын зөрүүтэй саналыг байнгын хороонд оруулж ирж байгаа” гэсэн хариу өгөв. Харин Монголбанкны ерөнхийлөгч Н.Золжаргал “Зээлийн хүртээмж нэмэгдсэн. Сүүлийн жилүүдэд улсын төсөв нь тогтмол нэг их наяд гаруй төгрөгийн алдагдалтай гардаг болсон. Дээр нь орлогоо зөв тооцдоггүй, эдгээр шалтгаанаас болж аж ахуйн нэгжүүд нь банкнаас зээл авч ажил гүйцэтгэдэг, төр нь гүйцэтгэсэн ажлынх нь хөлсийг өгч чаддаггүй гээд бэрхшээл гарах болсон. Мөнгөний зах зээл дээрх эрсдэл буурахгүй байна. Банкууд ногдол ашиг тараадаггүй, ашгаараа зээл өгөх боломжоо нэмэгдүүлж ирсэн. Банкны систем бол онцлогтой. Нэг хүнээс мөнгө аваад нөгөө хүнд зээлүүлдэг. Хүчээр зээлийн хүүгээ бууруул гэж захиргаадаж болохгүй. Хуулийн гаргалгааг нь сайн гаргах ёстой” гэв. Үүний дараа УИХ-ын гишүүн С.Бямбацогт “Төрийн банкийг хувьчилах жагсаалтад багтаан оруулж ирлээ. Энэ зөв үү. Хувьчлах сургаар эдийн засгийн үзүүлэлтүүд нь муудаж, суларч байгаа сонсогдох. Төр бодлогоороо Төрийн банкийг байлгаж болдоггүй юм уу. Түүгээрээ дамжуулаад жижиг, дунд үйлдвэрийг хөгжүүлэх зээл, сум хөгжүүлэх сангийн зээл, Хөдөлмөр эрхлэлтийг дэмжих зээл гээд сангуудынхаа зээлийг бизнес эрхлэгчиддээ хүргэж яагаад болохгүй байна вэ зэрэг гишүүд санал дэвшүүлэв. Ингээд эцэст нь байнгын хорооны хуралдаанд оролцсон гишүүдийн олонхи нь Ц.Нямдорж гишүүний гаргасан арилжааны банкны зээлийн хүүг бууруулах саналыг дэмжсэний зэрэгцээ 2016 оны төсвийн алдагдлыг бууруулах, зээлжих зэрэглэлийг сайжруулахтай холбоотойгоор тодорхой арга хэмжээ авах зэрэг саналууд тус бүр дэмжлэг хүлээж, чуулганы нэгдсэн хуралдаанд оруулахаар болсон юм.
Засгийн газрын хуралдаанаар хоёр томоохон асуудлын талаар ярилцсан байна. Энэ талаар өнөөдөр мэдээллээ. Тодруулбал,
ГЕГ-ын байцаагч С.Норжинсүрэнгийн хүү Б.Бадралыг Баянгол, Хан-Уул, Сонгинохайрхан дүүргийн шүүхээс Эрүүгийн хуулийн тусгай ангийн 192.1, 188.2-т зааснаар буруутган 5.1 жилийн хорих ял оноолоо.
Хүнс хөдөө аж ахуйн сайд Р.Бурмаа саяхан Дорнод аймгийн Халх гол суманд ажиллаад ирсэн. Энэ үедээ нутгийн удирлагуудын хуууль зөрчсөн үйлдлийг илрүүлсэн байна. Тэрбээр өнөөдөр хууль зөрчсөн нутгийн удирдлагуудыг шалгуулахаар Авлигатай тэмцэх газар хүсэлт гаргалаа. Энэ үеэрээ хэвлэлийн хурал хийж сэтгүүлчдэд Ц.Насанхүү, В.Мөнхтайван нарын газрыг хууль бусаар гадныханд эзэмшүүлсэн баримтыг дэлгэн үзүүлэв. 
Засгийн газрын өчигдрийн хуралдаанаар бүх дэд сайдыг албан үүргээс нь чөлөөлсөн байна. Учир нь төсвийн тодотгол батлагдсантай холбоотойгоор ийнхүү дэд сайд гэсэн албан тушаалгүй болж байгаа аж. Шийдлийн Засгийн газар нь 15 яамны 17 дэд сайдтай үйл ажиллагаагаа явуулж байсан бөгөөд МАН-ыг Засгаас гарсны дараа дэд сайд нарыг нь чөлөөлсөн ч орны хүмүүсийг нь томилоогүй байсан юм.
Хөгжлийн бэрхшээлтэй иргэдийн эрхийг хамгаалах олон улсын өдрийг угтан сарын аяныг өнөөдрөөс эхлүүлжээ.