“Буянт-Ухаа-2” орон сууцны хорооллын эхний ээлжийн барилгуудыг энэ сарын 31-нд Улсын комисс хүлээн авна. Тус хорооллын байрны ам.метр нь сая 350 мянган төгрөгийн үнэтэй бөгөөд 10 хувийн урьдчилгаатай. Тэгвэл захиалга өгсөн иргэдийг энэ сарын 10-ны дотор урьдчилгаа 10 хувиа төлөхийг сануулжээ.
Тодруулбал “Монгол Улсын Засгийн газрын 2012-2016 онд хэрэгжүүлэх үйл ажиллагааны хөтөлбөрт тусгагдсан зорилтод бүлгийн иргэдийг орон сууцаар хангах хөтөлбөрийн хүрээнд “Буянт-ухаа-2” орон сууцны хорооллын эхний ээлжийн орон сууцыг 2015 оны аравдугаар сарын 31-нд ашиглалтад оруулахаар ажиллаж байна.
“Буянт-ухаа 2” орон сууцны хорооллоос квот авсан иргэд, албан байгууллага 2015 оны аравдугаар сарын 10-ны дотор орон сууцны урьдчилгаа төлбөр 10 хувийг төлсөн баримтын хамт Төрийн Орон Сууцны Корпораци дээр өөрийн биеэр ирж бүртгүүлэн “Орон сууцны захиалгын гэрээ” байгууллахыг анхааруулж байна.
Жич: Заасан хугацаанд урьдчилгаа төлбөрөө төлж “Орон сууцны захиалгын гэрээ” байгуулаагүй тохиолдолд хуваарилагдсан орон сууц худалдан авах эрхийг цуцалж, зах зээлд нээлттэй худалдахыг мэдэгдэе. ТӨРИЙН ОРОН СУУЦНЫ КОРПОРАЦИ” хэмээн анхааруулжээ
БНСУ-ын Мунгён хотод энэ сарын 2-ноос эхэлсэн Армийн дэлхийн спортын зуны VI наадмын чөлөөт бөхийн тэмцээн өндөрлөлөө. Өчигдөр тэмцээний 61, 70, 86, 125 кг-ын жингүүдийн барилдаан боллоо. Тус барилдаанаас 86 кг-ын жинд олон улсын хэмжээний мастер О.Үйтүмэн нэгдүгээр тойрогт швейцарийн бөх Марко Лукас Рейзенийг 6:4, 4:0, хоёрдугаар тойрогт Өмнөд Солонгосын бөх Ким Гван Укыг цэвэр ялж хагас шигшээ барилдаанд оросын бөх Шамиль Кудиямагомедовт 2:6, 0:4 онооны харьцаагаар хожигдож хүрэл медалийн төлөө барилдсан. Тэрбэээр хүрэл медалийн төлөө ХБНГУ-ын бөх Ульям Харттай оноол таарч 2:0, 1:1 оноогоор ялж хүрэл медаль хүртлээ.
Нийслэлийн Эрүүл мэндийн газрын нэрийг барьж залилан хийх асуудал нэг бус удаа гарчээ. Тухайлбал, иргэн, албан байгууллагууд руу залган “Нийслэлийн эрүүл мэндийн газраас ярьж байна. Тусгай зөвшөөрөл, галын болоод ажлын байрны дүгнэлт зэргийг гаргаж өгөх тул дансанд мөнгөө байршуулна уу” гэжээ. Ийнхүү хувь хүний данс өгөх замаар залилан хийсэн байна. Тиймээс иргэн, албан байгууллагуудад анхааруулахад шаардлагатай тохиолдолд 11-325054, 11-324124 утсанд хандах, сэжигтэй тохиолдол гарвал нийслэлийн Цагдаагийн газар, нийслэлийн Эрүүл мэндийн газарт мэдэгдэхийг анхааруулжээ.
УИХ дахь МАН-ын бүлгээс Дундговь, Говьсүмбэр, Дархан-Уул аймагт үүссэн асуудлаар Ерөнхий сайд Ч.Сайханбилэгт шаардлага хүргүүлжээ.
Нийтийн тээврийн автобус компаниуд хэд хэдэн шалтгаанаар ажил хаялт зарлаад буй. Хувийн хэвшлийн компаниудын удирдлага “Улаанбаатар смарт карт” компанийг орлогыг нь хурааж аваад тал хувийг нь л эргүүлж төлдөг, их хэмжээгээр хохироож байна гэж мэдэгдсэн юм. Эл асуудлаар өнөөдөр “Улаанбаатар смарт карт” компаниас мэдээлэл хийлээ. Хэвлэлийн хурлын үеэр “Улаанбаатар смарт карт” компанийн Үйл Ажиллагааны хэлтсийн захирал Р.Ган-Эрдэнэ “Автобус компаниуд өнөөдөр ажил хаях болсон шалтгаанаа “Улаанбаатар смарт карт” ХХК хоёр сарын турш орлогыг нь өгөөгүйгээс болсон гэсэн мэдээлэл өгсөн байна лээ. Манайх төсөл Худалдаа хөгжлийн банктай түншилж ажилладаг. Бэлэн мөнгөний орлогыг тус банк автобус баазууд дээр очиж, цуглуулаад, тоолоод лацаддаг. Бид мөнгийг манай дансанд орж ирсэн даруйд нь зохих журмын дагуу хуваарилдаг. Зохих журам гэдэг нь Нийслэлээс гаргаж өгсөн цаг, минутаар хуваарилах журам юм. Долоодугаар сарын 29-нд манай төсөл нээлтээ хийгээд хэрэгжиж эхэлсэн. Тэр цагаас өнөөг хүртэл нийт 21 аж ахуйн нэгжид 10 тэрбум 775 сая 798 мянга 15 төгрөг олоод бид зохих журмын дагуу хуваарилалт хийсэн. Өөрөөр хэлбэл орлого орж ирсэн өдөрт нь бид аж ахуйн нэгжид шилжүүлж байсан” гэсэн юм.
Монгол Улсын Батлан хамгаалахын сайд Ц.Цолмонгийн урилгаар БНХАУ-ын Батлан хамгаалахын сайд, хурандаа генерал Чан Ваньцюанийн манай улсад хийх айлчлал өнөөдөр эхэллээ. Түүнийг Жанжин штабын дарга, хошууч генерал Д.Даваа тэргүүтэй Батлан хамгаалах яам, жанжин штабын удирдлагууд “Чингис хаан” олон улсын нисэх буудлаас тосон авчээ.
Жил бүрийн аравдугаар сарын 10-ны өдрийг Дэлхийн сэтгэцийн эрүүл мэндийн өдөр болгон тэмдэглэдэг. Үүнтэй холбогдуулан Сэтгэцийн эрүүл мэндийн үндэсний төвийн удирдлагууд мэдээлэл хийлээ.
ОХУ-ын “Зөн билгийн тулаан” реалити шоуны 13 дахь улирлын шилдэг оролцогч “Сибирийн шулам” гэгддэг хар домын шидтэн, зөн билэгч Елена Голунова өнөөдөр Монголд ирлээ.
Засгийн газрын “11 11” төв маргааш буюу аравдугаар сарын 9-ний 11.00-16.00 цагийн хооронд түр хугацаагаар ажиллахгүй болсныг мэдэгдэж байна. 
Баянзүрх, Чингэлтэй, Сүхбаатар дүүргийн шүүхийн ерөнхий шүүгч Х.Идэр өмгөөлөгч Ц.Баасандоржийн эсрэг гомдлыг Шүүхийн ерөнхий зөвлөлд гаргажээ. Тодруулбал, Ц.Баасандоржийг нэр төрд халдсан гэх үндэслэлээр өргөдөл гаргаж, Шүүхийн ерөнхий зөвлөлөөс тус хэргийг Баянзүрх дүүргийн цагдаад өгч шалгуулахаар өнөөдөр шилжүүлжсэн байна.