УИХ-ын чуулганы үдээс хойшхи хуралдаан эхэлж, үдээс өмнөх хуралдаанаар хэлэлцэж байсан асуудлаа үргэлжлүүлж байна. Тодруулбал, Монгол Улсын 2016 оны төсвийн төсөл болоод холбогдох бусад хуулийн төслүүдийг хэлэлцэж буй юм. Үүнтэй холбоотойгоор гишүүд асуулт асууж эхлээд байна.
Тухайлбал, УИХ-ын гишүүн Ө.Энхтүвшин “Өмнө эхэлсэн ажлуудаа цэгцлээгүй байж, яагаад шинээр ажил эхлүүлэхээр оруулж ирэв. 2016 онд ажлаа эхлүүлээд долдугаар сарын 1-нд дуусгах. Зарим аймаг дээр 20 гаруй обьект барихаар төлөвлөсөн байна. Энэ ямар учиртай вэ. Ингэхээр үнэмшил буурах гээд байна. 2012 оноос эхэлсэн обьектоо дуусгаач ээ. Улсын төсвийн хөрөнгө оруулалтаар дуусгаж чадахгүй юм бол хувийнханд өгөөд, зориулалтынх нь дагуу хийлгээд яв л даа” гэв.
Хуралдаан үргэлжилж байна.
Нийтийн тээврийн салбарт үүсээд байгаа нөхцөл байдалтай холбогдуулан нийслэлийн ЗДТГ-аас өнөөдөр мэдээлэл хийлээ. Улаанбаатар хотын даргын үйл ажиллагааны хөтөлбөрт туссаны дагуу нийтийн тээвэрт “Ухаалаг тээврийн систем”-ийг нэвтрүүлснээр аравдугаар сарын 1-ний байдлаар нийт иргэдийн 70 гаруй хувь нь цахим картаа худалдан авчээ.
Ром хотын захирагч Иньяцио Марино (Ignazio Marino) пүрэв гаригийн орой огцров. Тэр төсвийн мөнгө ашигласан хэрэгт холбогдсон юм. Хотын захиргааны зээлийн картыг ашиглан гэр бүлийн хамт ресторан зэрэгт орж бараг 20 мянган евро үрсэн нь тогтоогджээ. Тэрээр энэ мөнгийг эргүүлэн тушаана гэж амлаад байгаа юм.
Энэ онд өвөлжилтийн бэлтгэл ажлыг хангахад улсын хэмжээнд 1.2 сая тонн өвс, 150.0 мянган тонн үйлдвэрийн болон гар тэжээл, ногоон тэжээл, 94.0 мянган тонн давс, хужир бэлтгэхээр төлөвлөөд ажиллаж байгаа.
“Буянт-Ухаа-2” орон сууцны хорооллын эхний ээлжийн барилгуудыг энэ сарын 31-нд Улсын комисс хүлээн авна. Тус хорооллын байрны ам.метр нь сая 350 мянган төгрөгийн үнэтэй бөгөөд 10 хувийн урьдчилгаатай. Тэгвэл захиалга өгсөн иргэдийг энэ сарын 10-ны дотор урьдчилгаа 10 хувиа төлөхийг тус газраас сануулжээ.
Улаанбаатар хотын цагдаагийн газраас санаачлан “Бүтэн хайрыг гэр бүлдээ” аяныг Нийслэлийн хэмжээнд өчигдрөөс эхлүүллээ. Уг аян нь Монгол Улсын иргэн бүрийн нийгмийн хариуцлага, ухамсрыг дээшлүүлэх, гэр бүлийн харилцаанд амьдралын зөв хэвшил, эерэг нөлөөллийг төлөвшүүлэхэд оршино. Аяны хүрээнд гэр бүлийн хүчирхийлэл үйлдэгдэж буй шалтгаан нөхцлийг бодитойгоор тодорхойлж, урьдчилан сэргийлэх олон талт ажлыг зохион байгуулахын зэрэгцээ, иргэд олон нийтийн дунд байдаг гэр бүлийн маргааны талаарх хэвшмэл ойлголт, хандлагыг өөрчлөх нөлөөллийн арга хэмжээнүүдийг зохион байгуулахаар төлөвлөсөн байна.
Барилга хот байгуулалтын яамнаас “Дэд бүтэц” төслийн хүрээнд инженерийн барилга байгууламж, шугам сүлжээний нийт 27 төсөл, арга хэмжээг хэрэгжүүлэхээр болж, Засгийн газрын тогтоол батлуулснаас одоогоор 16 багц ажлыг бүрэн дуусгажээ. Тухайлбал, “Буянт-Ухаа” хорооллын цэвэр бохир шугам сүлжээ, усан сан, цэвэрлэх байгууламжийн барилга угсралтын ажил, цахилгаан хангамжийн барилга байгууламж шугам сүлжээний ажил, Баянголын амны орон сууцны хорооллын цахилгаан дулаан хангамжийн барилга байгууламж шугам сүлжэний ажлыг дуусгасан байна. Мөн “Солонго” хорооллын цэвэр бохир усан хангамжийн инженерийн шугам сүлжээ, “Ирээдүй” цогцолбор хорооллын цэвэр бохир усан хангамжийн барилга байгууламж инженерийн шугам сүлжээ, “Яармаг” хорооллын цэвэр бохир усан хангамжийн барилга байгууламж инженерийн шугам сүлжээ, цахилгаан хангамжийн шугам сүлжээний ажил зэргийг дурдаж болох аж. 1970-аад оноос хойш хийгдээгүй нэгдсэн дэд бүтцийн эдгээр томоохон ажлуудыг Үндэсний компаниуд, монгол инженерүүд гүйцэтгэжээ. Одоо нэгдсэн журмаар, орчин үеийн технологиор тавигдсан энэхүү нэгдсэн дэд бүтцийн сүлжээг ашиглан хотынхоо төвлөрлийг багасгаж, хотын шинэ шинэ төвүүдийг ашиглалтад оруулах нь чухал юм байна.
УИХ-ын чуулганы үдээс өмнөх нэгдсэн хуралдаан завсарлалаа. Өнөөдрийн хуралдааны эхэнд Монгол Улсын 2015 оны төсвийн тодотголын төслийн эхний хэлэлцүүлгийг хийж, гишүүд асуулт асууж, хариулт авсан. Харин дараа нь Монгол Улсын 2016 оны төсвийн төсөл болон холбогдох бусад хуулийн төслүүдийн эхний хэлэлцүүлгийг эхлүүлсэн. Энэ дагуу Ерөнхий сайд Ч.Сайханбилэг 2016 оны төсвийн төсөл болон холбогдох бусад хуулийн төслүүдийн талаар танилцуулга хийсний дараа чуулганы үдээс өмнөх хуралдаан завсарлалаа. Үдээс хойших хуралдаанд Ерөнхий сайд Ч.Сайханбилэг Дубайн гэрээний асуудлаар нэр бүхий гишүүдийн асуулгад хариулна.
Итали улс дэлхийд дарс үйлдвэрлэлээр хамгийн том орон болж, Францыг ардаа орхисон тухай Европын Холбооны тайланд өгүүлжээ. Орчин цагийн дарсны үйлдвэрлэлд Итали улсад амжилт авч ирсэн гол шалтгаан бол Газар дундын тэнгисийн хойг даяар усан үзмийн ургац энэ жил тун элбэг ургасан явдал байжээ. Ингэснээр 2015 онд Итали улсын дарс үйлдвэрлэл 13 хувиар огцом өсөх төлөвтэй байгаа аж.
УИХ-ын чуулганы нэгдсэн хуралдаанаар Монгол Улсын 2015 оны төсвийн тодотголыг хэлэлцэн, анхдугаар хэлэлцүүлэгт бэлтгүүлэхээр Төсвийн байнгын хороонд шилжүүллээ.