У.Шекспирийн алдарт “Ромео Жульетта” жүжгийг тайзны бүтээл болгохыг хүсдэггүй найруулагч гэж үгүй.
Мөн “Ромео Жульетта”-д хүч авъяасаа сорьж залуу насаа энэ дүрээр мөнхлөхийг хүсдэггүй жүжигчид ч гэж үгүй.
Үнэхээр ч хайр дурлалын хүч ямар гайхамшигтай байдаг хийгээд түүний сайн сайхныг мэдрүүлж чадах цорын ганц бүтээл бол яах аргагүй “Ромео Жульетта”.
Монголын театрын тайзнаа “Ромео Жульетта” бүтээл 1966 онд Хүүхэд залуучуудын театрт С.Гэндэн найруулагчийн найруулгаар анхлан тайзны бүтээл болж Ромеод жүжигчин Ц.Готов, Жульеттад жүжигчин Б.Энхтуяа нар тоглож байсан бол 30 жилийн дараа буюу 1996 онд Улсын драмын эрдмийн театрын тайзнаа найруулагч Ч.Найдандоржийн найруулгаар үзэгчдийн хүртээл болсон түүхтэй.
Тэр үед танхим дүүрэн үзэгч, нижгэнэсэн алга ташилт, сэтгэл догдолсон залуусын уухайн түрлэгтэй исгэрэх чимээнд театрын байр бараг ганхаж байх шиг санагддаг байж билээ гэж уран бүтээлчид өнөө хэр дурсан ярьцгаадаг.
Үнэхээр ч “Ромео Жульетта” жүжиг тэр агшин, тэр цаг хугацаанд театрын түүхэнд эргэлт хийсэн бүтээл болж тухайн жилийнхээ “Гоо марал” шагналын “Шилдэг жүжиг”, “Шилдэг найруулагч”, “Шилдэг эмэгтэй дүр”-ийг шагналыг хүртсэн.
1996 онд ийнхүү үзэгчдийн хүртээл болсон “Ромео Жульетта” жүжигт:
Найруулагчаар Ч.Найдандорж
Зураачаар Я.Санжаасүрэн
Хөгжмийн зохиолчоор Х.Булган нар ажиллаж гол дүрүүдийг
Ромеод – жүжигчин О.Гэрэлсүх, Г.Алтанбагана
Жульеттад – жүжигчин И.Одончимэг, Г.Урнаа
Тибальдад – жүжигчин Л.Дэмидбаатар
Капульеттад – жүжигчин П.Цэрэндагва
Өрлөг эхэд – жүжигчин С.Сарантуяа
Лоренцо ламд – жүжигчин Л.Жамсранжав
Парис гүнд – жүжигчин Б.Жаргалсайхан нар бүтээж байжээ.
Тэгвэл 19 жилийн дараа, арваннэгдүгээр сард Төрийн соёрхолт, найруулагч Н.Наранбаатарын найруулгаар тайзнаа амилж, шинэ зууны үзэгчдийн сэтгэл оюуныг мялаах гэж байна.
Хэнтий аймгийн тариаланчид энэ жил 30 мянган га талбайд үр тариа тариалсан боловч ганд нэрвэгдсэний улмаас тал хувийг нь алдаад буй аж. 27 мянган га талбайд улаанбуудай суулгасан хэдий ч 14 мянган га газраас ургац хурааж байна. Тариаланчид 7000 орчим тонн үр тариа хураах юм байна. Ургацын болцыг хүлээсээр есдүгээр сар гарсан хойно ургацаа хурааж эхэлсэн бөгөөд ургац хураалт талдаа оржээ. Энэ сарын 15 гэхэд аймгийн хэмжээнд бүрэн дуусна хэмээн төлөвлөж байна. Энэ жил ургацын хэмжээ бага байгаа ч чанар сайн байгаа аж. Лабораторийн шинжилгээгээр улаанбуудайн цавуулаг 28-33 хувьтай байгаа талаар засаг дарга Ж.Оюунбаатраар ахлуулсан ажлын хэсэгт танилцуулжээ.
МУУГЗ, “Пентатоник” наадмын 5 удаагийн шагналт, хөгжмийн зохиолч Л.Балхжавын “Миний дуунууд” уран бүтээлийн тайлан тоглолт 17 дахь жилдээ үзэгч, сонсогчдын хүртээл болох гэж байна.
Томуугийн эсрэг вакцинаар хүн амыг дархлаажуулах ажил энэ сарын 8-аас эхлэн улсын хэмжээнд зохион байгуулж байна.
Нийслэлийн Иргэдийн Төлөөлөгчдийн хурлын Тэргүүлэгчдийн хуралдаанаар “Авто худалдааны цогцолбор”-т мөрдөгдөх үнэ тарифыг хэлэлцэн баталлаа.
Дэлхий даяарх хүүхэд залуусыг өөрийн өвөрмөц дуулалтаараа байлдан дагуулж чадсан эдүгээ 23 настай дуучин Селена Гомез эдгэшгүй Эритематоз буюу чонын яр хэмээх өвчин тусчээ. 
Нийслэлийн Засаг дарга Э.Бат-Үүл энэ сарын 5-6-нд ОХУ-ын Новосибирск хотод айлчилсан. Энэ айлчлалаар Улаанбаатар хот Новосибирск хоттой ах дүүгийн найрамдалт холбоо тогтоосон юм. Энэ хүрээнд талууд харилцан Төлөөлөгчийн газраа нээх, тодорхой төслүүдэд хамтран ажиллах тохиролцоонд хүрлээ. Новосибирск хотын захирагч А.Е.Локотын айлчлалын үеэр яриа хэлэлцээрээ цаг алдалгүй ажил хэрэг болгохыг холбогдох албаныханд үүрэг болгосон бөгөөд Улаанбаатар хот дахь 1700 угсармал байрыг Новосибирскийн хөрөнгөөр засч янзална гэв.
Нийтийн тээврийн үйлчилгээ эрхлэж байгаа зарим аж ахуй нэгжүүд 10 дугаар сарын 07-ны өдрөөс эхлэн урьдчилан мэдэгдэлгүй, хүндэтгэх шалтгаангүй ажил хаялт хийж гэрээгээр хүлээсэн үүргээ зөрчсөн. Тиймээс нийслэлийн удирлдагын зөвлөл өчигдөр хуралдаж энэхүү асуудлыг хэлэлцээд удаа дараа гэрээгээр хүлээсэн үүргээ зөрчин, иргэдийг хохироож байгаа компаниудтай хариуцлага тооцохоор шийдвэрлэсэн юм.
Сэлэнгэ аймгийн Орхон сумын Бэлэндалай багийн “Цацын-Энгэр” гэдэг газар иргэн М /16 настай, эмэгтэй/ энэ сарын 7-ны өдөр 14:00 цагт малд яваад сураггүй болсон тухай дуудлага иржээ. 19:40 цагт ирсэн дуудлагын дагуу аймгийн Онцгой байдлын газрын 11 албан хаагч, аймгийн Цагдаагийн газрын 17 албан хаагч, ар гэрийн 2 иргэн, нийт 30 хүн, 4 техник хэрэгсэлтэйгээр эрэн хайх ажиллагааг зохион байгуулж байна. Эрлийн ажиллагаа үргэлжилж байгаа аж.