УИХ-ын чуулганы үдээс хойшхи нэгдсэн хуралдаанаар Өршөөлийн тухай хуулийг хэлэлцэх юм. Уг хуулийн зарим зүйл заалтад тавьсан Ерөнхийлөгчийн хоригийг хэлэлцэх үеэр чуулганыг хаалттай горимд шилжүүлж магадгүй гэсэн яриа гарсан юм.
МАН-ын бүлгийн дарга С.Бямбацогт “Өршөөлийн хуулийн хоригтой холбоотой асуудлын эцсийн хэлэлцүүлгийг хийх гэж байна. Үүнийг хаалттай хэлэлцэх шаардлагагүй. Тэртээ, тэргүй хориг хүлээж авах нь нээлттэй, хориг хүлээж авсантай холбогдуулаад байнгын хороонд ямар зүйл заалтыг нь авах уу, ямар зүйл заалтыг нь өршөөх үү, өршөөхгүй явах уу гэдэг асуудлууд нээлттэй явсан. Өнөөдөр Монгол Улс даяараа энэ өршөөгдөх, өршөөгдөхгүй юм байна гэдгийг мэдчихсэн. Хаалттай явуулах ямар ч шаардлага байхгүй. Нуугаад байх зүйл байхгүй. Нэмэлт өөрчлөлтөөр авлига, албан тушаалтай холбоотой хэргүүдийг өршөөх үү, өршөөхгүй юу гэсэн асуудлыг ярина. Тийм учраас нээлттэй ярих ёстой” гэв.
Ганцаарчилсан уулзалтын дараа Монгол Улсын Ерөнхийлөгч Ц.Элбэгдорж , ХБНГУ-ын холбооны Ерөнхийлөгч И.Гаук нар албан ёсны хэлэлцээ хийлээ. 
Өчигдөр АНУ-ын эрчүүдэд зориулсан “Playboy” сэтгүүлийн төлөөлөгч сэтгүүлчдэд мэдээлэл хийжээ. Тэрээр энэ үеэр, 2016 оны гуравдугаар сараас хойш сэтгүүлийн нүүртээ эмэгтэйчүүдийн нүцгэн зураг нийтлэхгүй гэж мэдэгдсэн байна. Тус сэтгүүлийн гүйцэтгэх захирал Скот сэтгүүлчдэд хэлсэн үгэндээ “Анх хэвлэгдсэн 1953 оны улс төр, орчин одоогийнхоос өөр байсан. Бид улс төр, секс, соёл зэргийг чөлөөтэйгөөр нийтэлж болдог байсан. Хэдийгээр гаднах нүүртээ нүцгэн зураг нийтлэхгүй ч, сэтгүүлийн үндсэн утга агуулга өөрчлөгдөхгүй” хэмээн тэмдэглэжээ. Мөн тэрээр хэлэхдээ, сэтгүүлийн тэргүүн нүүрт нүцгэн зураг нийтлэх нь хоцрогдсон хэмээсэн байна. “Playboy” сэтгүүл оргил үедээ буюу 1975 онд 5.6 сая ширхэг худалдаанд гарч, борлуулагдаж байсан бол эдүгээ 800 мянга болжээ.
Сонгодог урлагийн олимп гэгддэг П.И.Чайковскийн нэрэмжит олон улсын хөгжмийн наадмын тэргүүн байраас гадна “Гран При” шагналыг бахархалтайгаар хүртсэн Монгол Улсын дуурийн гоцлол дуучин Г.Ариунбаатар ирэх сарын 10-нд алдарт Их театрын тайзнаа дуулах болсоныг бид та бүхэнд мэдээлж байсан. Тэгвэл тэрбээр, Их театрын тайзнаа Елена Обрацовагийн дурсгалд зориулсан хүндэтгэлийн концертод алдартнуудтай нэг тайзан дээр дуулах нь. Улмаар ирэх 12 сард эх орондоо бие даасан тоглолтоо толилуулахаар төлөвлөж байгаа аж.
УИХ-ын чуулганы нэгдсэн хуралдаанаар Хууль зүйн байнгын хорооны даргыг сонгох тухай асуудлыг хэлэлцэн гишүүдийн 80.4 хувийн дэмжлэг хүлээснээр тус байнгын хороог Д.Ганбат гишүүн удирдахаар болж, батлагдлаа.
Хууль бусаар ашигт малтмал олбордож байсан гурван иргэн уурхайн шороонд дарагдаж амь насаа алдсан харамсалтай хэрэг Баянхонгор аймгийн Галуут сумын Сүмбэр багийн “Сайрын худаг” гэдэг газар үйл ажиллагаа явуулдаг “Монгол Болгар Гео” ХХК-ийн ашиглалтын талбайд болжээ. Хууль бусаар ашигт малтмал олборлож байсан иргэд нь 5 метр ухсан нүхэнд ороод байхдаа шороонд дарагдаж нас барсан байна.
НИТХ-ын дарга Д.Баттулга хэвлэлийн хурал хийх зар тараалаа. Уг хурал 13.00 цагт нийслэлийн Засаг даргын Тамгын газрын байранд болно. Хурлаар хотын дарга Э.Бат-Үүлийг огцруулах НИТХ дахь МАН-ын бүлгийн хүсэлтэд хууль эрхзүйн тайлбар өгөх гэнэ. МАН-ын бүлгээс өчигдөр нийслэлийн Засаг дарга Э.Бат-Үүлийг огцруулах саналыг НИТХ-ын дарга Д.Баттулгад өргөн барьсан юм. МАН-ын бүлгээс хотын дарга Э.Бат-Үүлийг төсвийн мөнгөнд үрэлгэн хандаж, үр ашиггүй зарлагадсан учраас огцрох ёстой хэмээн үзэж буй юм.
Албан ёсоор угтах ёслолын дараа Монгол Улсын Ерөнхийлөгч Ц.Элбэгдорж болон Монгол Улсад төрийн айлчлал хийж байгаа ХБНГУ-ын холбооны Ерөнхийлөгч Иоахим Гаук нар Төрийн ёслол хүндэтгэлтийн гэр өргөөнд ганцаарчилсан уулзалт хийлээ.
Нийслэлийн Хан-Уул дүүргийн 14 дүгээр хорооны “Айдасын даваа” гэдэг газар хатуу хучилттай автозамын зорчих хэсэгт “Интер транс” ХХК-ийн эзэмшлийн 35-25 УН… улсын дугаартай шатахуун ачсан автоцистерн онхолдсон осол гарчээ. Ослын газарт Хан-Уул дүүргийн Онцгой байдлын хэлтсийн Гал унтраах, аврах 30 дугаар ангийн зургаан албан хаагч, нэг автомашинтай түлш асгарсан хөрсөн дээр шороо асгаж, автоцистернийг татаж босгосон байна. Мөн Улаанбаатар хотын Замын цагдаагийн газрын МШУХ-ын жижүүрийн бүрэлдэхүүн ажиллажээ. Ослын улмаас хүний амь насанд хохироогүй байна.