БНХАУ-ын Бээжин хотноо бүс нутгийн аюулгүй байдал, батлан хамгаалах асуудлаарх 6 дахь удаагийн “Сяншань”-ны форум энэ сарын 16-18-ны өдрүүдэд болж өндөрлөлөө.
Хятадын Цэргийн шинжлэх ухааны нийгэмлэг болон Олон улсын стратеги судалгааны нийгэмлэгээс зохион байгуулсан бөгөөд 16 орны Батлан хамгаалахын сайд нар, олон улсын байгууллагын удирдлагууд оролцов.
Монголын талаас Монгол Улсын Батлан хамгаалахын сайд Ц.Цолмон оролцож бүс нутгийн талаар Монгол Улсын баримталж буй бодлого, байр суурь, оролцооны талаар илтгэл тавьсан юм. Батлан хамгаалахын сайд Ц.Цолмон тавьсан илтгэлдээ “Монгол Улс тус бүс нутгийн орнуудтай аюулгүй байдал, батлан хамгаалах салбарт хоёр болон олон талын харилцаа, хамтын ажиллагаагаа өндөр төвшинд хөгжүүлж ирсэн. Цаашдаа “АСЕАН”-ы бүсийн чуулганы гишүүн орны хувьд бүс нутгийн аюулгүй байдлын асуудлаар яриа хэлэлцээнд идэвхтэй оролцож байна. Ази, Номхон далайн аюулгүй байдал, хамтын ажиллагааны зөвлөл дэх оролцоогоо батжуулахыг тууштай эрмэлзэнэ.
Зүүн Ази түүний дотор Зүүн Хойд Азид стратегийн тогтвортой байдлыг бэхжүүлэх, аюулгүй байдлын хамтын ажиллагааны механизм бий болгоход чиглэсэн бүс нутгийн орнуудын бодлого, үйл ажиллагааг идэвхтэй дэмжинэ” гэж онцолжээ. Харин БНХАУ-ын Цэргийн төв зөвлөлийн орлогч дарга, хурандаа генерал Фан Чанлун хэлсэн үгэндээ “Манай улс Ардын чөлөөлөх армийнхаа бие бүрэлдэхүүнийхээ тоог 300 мянгаар багасгахаар шийдвэрлэсэн нь Хятад улс энх тайван хөгжлийн замаар тууштай замнах бодлого баримталж байгааг харуулж байгаа юм. Сүүлийн үед олон улсын зүгээс Өмнөд Хятадын тэнгист явуулж буй Хятадын арал байгуулах бүтээн байгуулалтанд ихээхэн анхаарч, энэ үйл ажиллагаа нь тус далайн бүсд чөлөөтэй аялахад сөргөөр нөлөөлнө хэмээн болгоомжилж байна. Үнэн хэрэгтээ эдгээр бүтээн байгуулалт нь иргэний зориулалттай төдийгүй Өмнөд Хятадын тэнгист аялах таатай нөхцлийг бүрдүүлнэ. Хэдхэн хоногийн өмнө Хуа Ян, Чигуа аралд байгуулсан гэрэлт цамхаг нь бусад улсуудын хөлөг онгоцуудад навигацын үйлчилгээ үзүүлж эхлээд байна. Хятад улс аливаа зөрчил зөрөлдөөнийг энх тайван замаар шийдвэрлэхийг тууштай дэмжинэ” гэжээ.
УИХ дахь “Шударга ёс” эвслийн бүлэг өнөөдөр
Өнөөдөр Монголын оюутны холбооноос нийтийн тээврийн шинэчлэлийн хүрээнд хийгдэж байгаа цахим картыг эсэргүүцэн мэдээлэл хийлээ. Тэдний хэлж байгаагаар “U money” үйлчилгээ нь хууль зөрчсөн үйлдэл бөгөөд энэ асуудлыг шийдэж өгөх хүртэл Чингисийн талбай дээр ажлын байраа байршуулна гэв. Уг нь Нийслэлээс оюутнуудад өдөрт хоёр удаа үнэгүй зорчих эрх бүхий цахим картыг тарааж байгаа юм. Гэвч өдөрт хоёр удаа зорчих нь тэдний хувьд хангалтгүй байгаа бөгөөд карт авах гэж хэтэрхий их зардал, чирэгдэл болох болсон тухай мэдээллээ. 
“Монгол улс 1995 оноос хойш улс орон эдийн засгийн хямралтай эсэхийг үл харгалзан эрдэм, боловсрол эзэмшиж байгаа оюутан залуусаа дэмжин, тэднийг сургууль руугаа саадгүй очдог байх, хичээлээсээ буцаад саадгүй харьдаг байх дэмжлэгийг олгосон. Боловсролын тухай, Авто тээврийн тухай энэ хуулинд зааснаар Нийслэлийн иргэдийн төлөөлөгчдийн хурлын 6.51 гэсэн тогтоол гарч, түүгээр нийслэлийн нийтийн тээврээр зайлшгүй зорчиж байж сургуульдаа явах сурагч, оюутнуудыг нийтийн тээврээр зорчуулах журам 2010 онд баталсан. Энэ журам одоо хүртэл мөрдөгдөж байгаа. Энэ журмын дагуу өглөө гэрээсээ гараад сургууль, сургуулиасаа гараад гэрлүүгээ явдаг байх. Мөн БСШУ-ны сайдын тушаалаар тухайн жил хэдэн оюутан нийтийн тээврээр үнэгүй зорчих тоо нь гардаг. Энэ жилийн хувьд улс орны эдийн засгийн хүндрэлтэй байгааг бид мэднэ. Тиймдээ ч оюутнууд бид улс орондоо аль болох дарамт болохгүйн тулд карт авдаг оюутныхаа тоог цөөлж, олон дамждаг, ар гэрийн амьдрал тааруу, дотуур байранд амьдардаггүй оюутнуудыг л хамруулах болсон.
УИХ дахь АН-ын бүлэг өнөөдөр ээлжит хуралдаанаа хийж, хурлаар хэлэлцсэн асуудлын талаар бүлийн дарга Б.Гарамгайбаатар мэдээлэл хийлээ. Өнөөдрийн хуралдаанаар төсөв тойрсон асуудлуудыг ярилцсан байна. Мөн УИХ-ын дарга З.Энхболд, Ерөнхий сайд Ч.Сайханбилэг, Төсөвтэй холбоотойгоор АН-ын бүлгээс байгуулсан Ажлын хэсгийн ахлагч мэдээлэл хийжээ. Мөн Тариалангийн тухай хуулийн төслийн талаар хэлэлцсэн байна. Засгийн газар Гацууртын ордтой холбоотой гэрээ хэлцлийн талаар Сентерра Гоулд компанитай тохиролцоонд хүрсэн тухай Ерөнхий сайд мэдээлэл хийжээ. АН-ын бүлгээс Гацууртын ордыг ашиглах тухай хуулийн төслийг өргөн барихдаа Ноён уулыг тусгай хамгаалалтад авах тухай хуулийн төсөлтэй хамт өргөн барихыг үүрэг болгожээ.
“Оюу толгой” ХХК өөрийн санхүүжилтээр барьсан Өмнөговь аймаг дахь “Оюу толгой” уурхайн цогцолбороос Монгол улс болон БНХАУ-ын хил хүртэл 96 км үргэлжилсэн цахилгаан дамжуулах агаарын шугамыг “Цахилгаан дамжуулах үндэсний сүлжээ” ТӨХК-ийн өмчлөлд шилжүүлэх, ашиглалт засвар үйлчилгээг хариуцах хоёр гол гэрээнд Цахилгаан дамжуулах үндэсний сүлжээ” ТӨХК-ийн Гүйцэтгэх захирал Г.Занданхүү, “Оюу толгой” ХХК-ийн Санхүү хариуцсан захирал Стив Дугган нар өнөөдөр Эрчим хүчний яаман дээр гарын үсэг зурлаа.
НИТХ-ын хуралдаанаар “Сургуулийн эргүүл”-ийн ажиллах журмыг хэлэлцэн баталжээ. Журамд Ерөнхий боловсролын сургуулийн захирал болон сургуулийн орчинд ажиллах “Сургуулийн эргүүл”-ийн үйл ажиллагаа, төрийн болон төрийн бус байгууллагын хүлээх үүрэг хариуцлагыг тодорхой зааж өгсөн байна.
“Эрдэнэс Тавантолгой” компанийн 30 гаруй ажилтан өнөөдөр 10.00 цагаас эхлэн төв байран дээрээ суулт зарлажээ. Ажилчдын мэдээлснээр “Эрдэнэс Тавантолгой” компанийн зүүн цанхид Австралийн компани гэрээтээр олборлолт явуулдаг байсан аж. Харин эдгээр суулт хийж буй ажилчдын хувьд Австралийн компанийн удирдлага дор ажилладаг байжээ. Хэдийгээр Австралийн компанийн удирдлагад ажилладаг ч “Эрдэнэс Тавантолгой” компанитай хөдөлмөрийн гэрээ байгуулан ажил үүргээ гүйцэтгэдэг байсан гэв. Гэтэл өнгөрөгч даваа гаригт “Эрдэнэс Тавантолгой” компанийн зүгээс ажилтнууддаа “Австралийн компани Монголоос гарч оронд нь Хятадын компани орсон. Тиймээс Хятадын компани руу та нарыг шилжүүлсэн” гэж мэдэгджээ.
Төрийн ордонд Улсын Их Хурал дахь намуудын бүлгийн хуралдаанууд болж байна. Ардчилсан намын бүлгийн хуралдаанд УИХ-ын дарга З.Энхболд, Ерөнхий сайд Ч.Сайханбилэг нар оролцож, мэдээлэл хийж байна. Ардчилсан намын бүлгийн хуралдаанаар өөр 2015 оны төсвийн тодотгол болон 2016 оны төсвийг хэлэлцэхээр болжээ. Харин Монгол ардын намын бүлгийн хуралдаан “Б” танхимд танхимд болж буй бөгөөд ямар асуудал хэлэлцэж буй нь тодорхойгүй байна. Тэгвэл УИХ дахь МАХН-МҮАН-ын “Шударга ёс” эвслийн бүлгийн хуралдаан “В” танхимд болж, 2016 оны төсвийг хэлэлцэж буй аж.
Сагсан бөмбөгийн “Үндэсний цом-2015” тэмцээн өнөөдөр нээлтээ хийх гэж байна. Тэмцээн 21 аймгийг хамрах бөгөөд аймаг бүрийн шигшээ багууд цомын төлөө өрсөлдөх юм. Тэмцээн Спортын тев ордонд тав хоногийн турш үргэлжилнэ.
МУСТА, кино зураглаач, гэрэл зурагчин Д.Ангараг өнгөрсөн жил Америкийн Кино зураглаачдын холбооны шугамаар The OSCARS 2014 | 86th Academy Awards шагнал гардуулах ёслолын бүх арга хэмжээнд оролцох урилга авч байсан. Тэгвэл энэ жил тэрээр Paramount pictures”-ийн бүтээл “Марко Пологийн дурлал” хэмээх нэгэн кинонд ерөнхий зураглаачаар ажиллахаар урилга хүлээн авчээ. “Тэрбээр Лос-Анжелес дахь төлөөлөгчөөрөө дамжуулан шалгаруулалтад оролцсон бөгөөд энэ сарын 28-нд Холливудыг зорино. “Марко Пологийн дурлал” хэмээх тус киноны продюссерээр жүжигчин Энзо Зелооччи, гол дүрд Аль Пачино, Чо Юнь Фат, Мила Кунис, Дуэйн Жонсон нар тоглохоор болсон юм байна. Киноны зураг авалтыг Америк болон Хятадад авах бөгөөд 2018 онд нээлтээ хийнэ гэсэн товтой байгаа аж.