Монголын хүүхдийн спортын V ихнаадам” ын нээлт энэ сарын 12 нд болох гэж байна. Энэхүү тэмцээнд нийслэл, аймаг, сум, дүүргээс шалгарсан 2500 гаруй өсвөрийн тамирчид, дасгалжуулагчид оролцож байгаа билээ. Наадамд оролцох баг тамирчдадаймгийн удирлагууд болон зохион байгуулах хорооны гишүүд санхүүгийн дэмжлэг үзүүлэн ажиллаж байгаа юм. Үүний тод жишээ нь Дархан-Уул аймгийн удирдлагууд Хүүхдийн их наадамдаа онцгой анхаарал хандуулж, баг тамирчидаа аймгаасаа үдэн гаргаж өгсөн байна. Тус аймгаас спортын14 төрөлд 136 тамирчин 17 дасгалжуулагч оролцохоор эрхээ авсан аж. Улаанбаатар хотод болох нэгдсэн нээлтийн ажиллагаанд Дархан-Уул аймгийн тугийг хөнгөн атлетикийн тамирчин спортын мастер Д.Шинэбаяр барьж жагсахаар болсон байна.
Гэтэл зарим аймгууд энэхүү их наадамд төдийлөн ач холбогдол өгөхгүй байгаа нь харамсалтай. Тухайлбал Баянхонгор аймгийн хөл бөмбөгийн баг тамирчид V их наадамд оролцох эрхээ авсан боловч, тухайн аймгийн удирдлагууд нь санхүүгийн дэмжлэг үзүүлээгүйн улмаас өчигдөр эхэлсэн тэмцээндээ оролцож чадаагүй байна.
УИХ-ын гишүүн Ц.Оюунбаатарыг Монгол Улсын Шадар сайдад томилох асуудлыг УИХ-ын ээлжит бус чуулганаар хэлэлцэж байгаа. Гишүүдийн асуултад хариулахдаа Ц.Оюунбаатар гишүүн “Шадар сайдпын суудал шагнал биш. Монгол төрийн ажил. Би Ч.Сайханбилэгийн Засгийн газарт биш Монгол Улсад ажиллана. Тэр утгаараа хэн нэгний төлөө, намын тусын тулд ажиллахгүй” гэлээ. 
УИХ-ын ээлжит бус чуулганы нэгдсэн хуралдаан эхэлж Засгийн газрын зарим гишүүнийг томилох тухай асуудлыг хэлэлцэж эхлээд байна. Ерөнхий сайд Шадар сайдад УИХ-ын гишүүн Ц.Оюунбаатарыг, Зам тээврийн сайдад УИХ-ын гишүүн М.Зоригтыг, Сангийн сайдад УИХ-ын гишүүн Б.Болорыг, Барилга хот байгуулалтын сайдад УИХ-ын гишүүн З.Баянсэлэнгийг, Байгаль орчин, ногоон хөгжил, аялал жуулчлалын сайдаар УИХ-ын гишүүн Н.Батцэрэгийг тус тус томилуулах хүсэлтэй байгаагаа танилцууллаа. Яг одоо Шадар сайдад УИХ-ын гишүүн Ц.Оюунбаатарыг томилуулах тухай хэлэлцэж байна.
АНУ-ын Туслах төрийн нарийн бичгийн дарга Даниел Рассел Монголд айлчилж байна. Түүний айлчлалын хүрээнд Гадаад хэргийн яам, АНУ-ын Төрийн департамент хоорондын ээлжит аравдугаар зөвлөлдөх уулзалт өнөөдөр болж байна. Уулзалтад Монголын талаас Гадаад хэргийн яамны Төрийн нарийн бичгийн дарга Д.Ганхуяг, АНУ-ын талаас тус улсын Төрийн департаментын Зүүн Ази, Номхон Далайн асуудал хариуцсан Туслах нарийн бичгийн дарга Даниел Рассел тэргүүтэй төлөөлөгчид оролцож буй юм. Тэд Монгол Улс, АНУ-ын харилцаа, бүс нутаг, олон улсын сонирхсон асуудлуудаар зөвлөлдөж, хоёр талын харилцаа, хамтын ажиллагааны ойрын зорилт, төлөвийн талаар санал солилцоно. Мөн туслах нарийн бичгийн дарга Даниел Рассел айлчлалынхаа хүрээнд Монгол Улсын Ерөнхийлөгч болон Гадаад хэргийн сайд Л.Пүрэвсүрэн нарт бараалхах юм. 
УИХ-ын ээлжит бус чуулганы хуралдаан эхэллээ. Хуралдаанаар сайд нарыг томилох асуудлыг хэлэлцэх юм. Мөн Өршөөл үзүүлэх тухай хуульд Ерөнхийлөгчийн тавьсан хоригийг хэлэлцэхээр товлосон. Гэвч “Шударга ёс” эвсэл завсарлага авахаа мэдэгдээд байгаа. 
Хууль зүйн байнгын хорооны хуралдаан дээр УИХ-ын гишүүн О.Баянсэлэнгэ “Өршөөлийн тухай хууль хэрэгжсэнээр нийт 350 тэрбум төгрөгийн хохирол учруулсан хүмүүс өршөөгдөх юм.
Монголын хүүхдийн ордон жилдээ 30 орчим төрлийн дугуйланд 2000 орчим хүүхэд элсүүлэн сургадаг. Энэ хичээлийн жилд бүжиг, дуулаач, хуучир-ёочин-гоцлол дуу, морин хуур, шанз – төгөлдөр хуур, ятга – төгөлдөр хуур, лимбэ, төгөлдөр хуур, хийл, цахилгаан хөгжим, ёочин, драм, зураг, шатар, математик, загвар өмсөгч, загвар зохион бүтээгч, англи хэл, хятад хэл, япон хэл, амьдрах ухааны гэсэн 20 төрлийн дугуйланд элсэлт авах юм. Дугуйлангийн бүртгэл өнөөдрөөс эхэлж байгаа бөгөөд 9 сарын 11 хүртэл үргэлжлэх юм байна. 
Монгол Улсын Үндсэн хууль батлагдсаны 25 жилийг ойг тэмдэглэх хүрээнд Үндсэн хуулийн түүхэн эмхтгэл, иргэдэд зориулсан Үндсэн хууль, хүүхдэд зориулсан комикс ном хэвлүүлэхэд шаардагдах хөрөнгийг Загсийн газрын нөөц сангаас гаргахаар болжээ. 
Төрийн өмчит Улаанбаатар их сургуулийн сургалтын үйл ажиллагааг 2015-2016 оны хичээлийн жилээс эхлэн бие даалган зохион байгуулж ажиллуулж, одоогийн орон тоонд багтаан өөрчлөн зохион байгуулах арга хэмжээ авч, сургалт эрхлэх зөвшөөрөл олгохыг Боловсрол, соёл, шинжлэх ухааны сайд Л.Гантөмөрт даалгалаа. Монгол Улсын их сургуулийн балансаас Улаанбаатар их сургуулийн барилга, эд хөрөнгө, холбогдох техник, тоног төхөөрөмжийг тухайн сургуулийн балансад шилжүүлэхийг Төрийн өмчийн хорооны дарга Ц.Нанзаддоржид үүрэг болголоо.