Мэргэжлийн хяналтийн байгууллагын ээлжит цахим хурлаар нийслэл, орон нутагт хийгдэж буй хяналт шалгалт, зөвлөн туслах үйлчилгээ болон бусад ажлын талаар мэдээлэл өглөө. Орон нутагт хууль бусаар ашигт малтмал олборлох зөрчлүүд цөөнгүй гарч байгаа бөгөөд Мэргэжлийн хяналтын байгууллага холбогдох арга хэмжээг аван ажиллаж байна. Тухайлбал, Сэлэнгэ аймгийн Хүдэр, Ерөө, Баянгол сумдад зохих зөвшөөрөлгүй ашигт малтмал олборлож байсныг шалгаж, 7 нөхөрлөл, иргэдийн үйл ажиллагааг зогсоон, экологийн хохирол тооцож байна.
Архангай аймгийн МХГ, орон нутгийн холбогдох байгууллагуудтай хамтран Цэнхэр сумын Орхон багт шалгалт хийж, биологийн нөхөн сэргээлт хийсэн талбайд үйл ажиллагаа явуулж байсан хоёр ААН-ийг талбайгаас гаргажээ.Алт олборлолтын явцад тогтоосон нууруудын далан хаалтыг сэргээж, шинээр дахин далан, хаалт барьж бохир усыг гадагш урсахаас сэргийлжээ.Түүнчлэн улсын байцаагчийн тавьсан шаардлагыг зөрчин, лац хөндөж үйл ажиллагаа явуулсан ААН-д 38.4 сая төгрөгийн торгуулийн арга хэмжээ авсан байна.
Увс аймгийн Тариалан сумын нутаг дэвсгэр дээр хууль бусаар алт олборлон, байгаль орчин бохирдуулж байсан зургаан ААН, 90 орчим иргэдийн үйл ажиллагааг аймгийн МХГ-аас таслан зогсоож, тэдгээрийн 100 гаруй техник, тоног төхөөрөмжийг албадан нүүлгэсэн аж.
Говь-Алтай аймгийн МХГ-аас ХЭҮК, БОНХАЖЯ-тай хамтарсан ажлын хэсэгт орж “Таян нуур”-ын төмрийн хүдрийн уурхайн үйл ажиллагаанд хөдөлмөрийн эрүүл ахуй, байгаль орчны болон орчны эрүүл ахуйн чиглэлээр хяналт, шалгасан байна.
Архангай-Хархорин, Хархорин-Хужирт, Хархорин-Өгийнуур, Арвайхээр-Баянхонгор, Элсэнтасархай-Арвайхээр чиглэлийн авто замуудын авто тээврийн хэрэгслийн хөдөлгөөний аюулгүй байдалд нөлөөлдөг цэгүүдийн судалгааг хийжээ.
Дундговь аймгийн Мандал сургуулийн үдийн цайнаас сурагчид хордож, шинжилгээний хариугаар батлагдсан тул холбогдох хүмүүст хуулийн дагуу арга хэмжээ авчээ.
Цахим хурлаар МХЕГ-ын Ш.Раднаасэд зарим аймгуудад нөхөх сэргээлт нэрээр алт ухах, нөхөн сэргээлт хийсэн талбайд дахин олборлолт явуулж байгаад анхаарах, “Хүний төлөө зөв тус” аяны хүртээмжийг сайжруулж, идэвхижүүлэх, иргэдийн оролцоог нэмэгдүүлэх, хяналт шалгалтыг дарамтгүй явуулах, БНХАУ руу мах экспортлох аж ахуйн нэгжүүдийг дэмжиж ажиллах зэргийг үүрэг болголоо.
Монгол Улсын Ерөнхий сайд Ч.Сайханбилэг өнөөдөр Европын сэргээн босголт хөгжлийн банк (ЕСБХБ)-ны захирлуудын зөвлөлийг хүлээн авч уулзан, хамтын ажиллагааны цар хүрээгээ өргөжүүлэх талаар ярилцлаа.
Малчид, тариаланчид, ард иргэдийн анхааралд:
Дэлхийг хамгийн
Засгийн газрын ээлжит хуралдаанаар дараах асуудлыг шийдвэрлэлээ. Засгийн газрын 2012-2016 оны үйл ажиллагааны хөтөлбөр, хөтөлбөрийг хэрэгжүүлэх арга хэмжээний төлөвлөгөөнд батлан хамгаалах чиглэлээр тусгагдсан зорилт, арга хэмжээг хэрэгжүүлэх хүрээнд барилгын хийц үйлдвэрлэх хөдөлгөөнт цогцолбор байгуулах зорилгоор АНУ-ын ЭКСИМ банкнаас Батлан хамгаалах яамны харьяа “Батлан хамгаалах аж үйлдвэрийн нэгдэл” төрийн өмчит үйлдвэрийн газарт авах 9,7 сая ам.долларын зээлийн 85 хувьд баталгаа гаргахыг Хөгжлийн банкны төлөөлөн удирдах зөвлөлд зөвшөөрлөө.
Баянзүрх, Налайх дүүргийн иргэдээс автозам засвар, замын хөдөлгөөний аюулгүй байдлыг хангах чиглэлээр УИХ-ын гишүүн Ж.Батзанданд ирүүлсэн санал хүсэлтийг Нийслэлийн автозамын газар (НАЗГ) болон ЗЦГ-ын холбогдох албаны хүмүүст өнөөдөр хүлээлгэн өглөө.
Арабын Нэгдсэн Эмират улсын Абу Даби хотноо явагдсан ФИДЕ-гийн 86 дугаар хуралдаанаар шатарчдад цол олголоо. Монголын шилдэг өсвөрийн шатарчин Д.Номин-Эрдэнэд олон улсын мастер цол хүртээжээ. Тэрбээр жил хүрэхгүй хугацааны өмнө эмэгтэйчүүдийн их мастер болж байсан юм. Харин энэ удаа цолоо дахин ахиуллаа. Д.Номин-Эрдэнэ Монголын шатарчдаас 15 настайдаа эрэгтэй Олон улсын мастер цол хүртсэн анхны шатарчин болж байна. Түүнчлэн Говь-Алтай аймгийн “Хан Алтай” клубийн шатарчин эмэгтэй ФИДЕ мастер У.Лхамсүрэн олон улсын мастер цолтны эгнээнд шилжжээ. Түүний хувьд 15 жил шатрын спортоор хичээллэж байгаа юм.
Өнөөдрийн гадаад валютын дуудлага худалдаагаар банкуудаас ирүүлсэн 1989.06-1995.90 төгрөгийн ханшаар 26.2 сая ам.доллар, 311.06-312.6 төгрөгийн ханшаар 61.0 сая юань худалдан авах саналыг үндэслэн, Монголбанк 11.5 сая ам.долларыг 1995.10 төгрөгийн хаалтын ханшаар, 29.00 сая юанийг 311.55 төгрөгийн хаалтын ханшаар тус тус худалдав.
Австрали улсын шинэ ерөнхий сайд Малколм Турнбулл хилийн чанад дахь асуудлуудад юун түрүүнд анхаарал хандуулна гэдгээ мэдэгдлээ. Үүний хүрээнд өмнөд Хятадын тэнгис дэх нөхцөл байдалд урьдынхаасаа илүү нөлөөтэй оролцож, бүс нутгийн орнуудын тэнгисийн маргааныг аль болох энхийн замаар шийдвэрлэхийг оролдох гэнэ.
Зүүн Хойд Азийн хотуудын “Хотын ногоон хөгжил” форум 2 дахь өдрөө үргэлжилж байна. Өнөөдөр хот суурин газрын тогтвортой эрчим хүч, эрчим хүчний хэмнэлттэй барилга, байгууламж, усны менежмент сэдвээр хэлэлцэж, туршлага солилцож байна. Улаанбаатар хот ундны болон хэрэглээний усаа газрын гүнээс авдаг.