Тулай өвчин нь голдуу дөч гарсан эрэгтэй хүнд тусдаг. Сүүлийн үед хоолны зуршил европжсоноор өвчлөгсдийн нас урьд өмнөхийг бодвол залуужиж хорь гучин насныханд ч илрэх болжээ. Тулай өвчнөөр өвчилсөн хүн үе мөчний үрэвслээр өвдөхөөс гадна бөөр юм уу тархи, зүрх судасны согог тусах тохиолдол их байдаг тул биеэ бүхэлд нь арчилж тордож байх нь чухал аж. Тулай хурц өвдөлтийн үед бусад үе мөчний үрэвслээс хүчтэй өвддөг. Мөн түүнчлэн нэг шөнийн дотор хавдаж хүндрэх нь ч байдаг гэнэ. Ойролцоогоор ерэн хувь нь нэг үенд байнга дахьдаг бөгөөд хөлний хурууны эхний үед тусах тохиолдол элбэг байдаг. Тохой, өвдөг, гарын хурууны үенд ховор тохиолдоно. Архаг тулай өвчний үед сул өвдөлт үлддэг. Тулай өвчинтэй нягт холбоотой өвчин бол хэт таргалалт, цусан дахь өөх тосны хэмжээ ихсэх, өндөр даралт, судасны хатуурал, чихрийн шижин зэрэг бөгөөд эдгээр өвчний үед цусан дахь шээсний хүчлийн хэмжээ өндөр гардаг.
Тулай өвчнөөс үүдэлтэй үе мөчний үрэвсэл нь уурган дахь пурины солилцоо муудсанаас болж түүний ялгарал болох шээсний хүчил үе мөчинд талст бий болгосноор үрэвсэл үүсгэдэг өвчин юм. Ихэвчлэн үүрээр үе мөч өвдөж сэрдэг бөгөөд үе мөч улайн хавдаж хүчтэй өвддөг. Ийм өвчтэй хүн амьтны дотор эрхтэн, чөмөг, тархи, загас, сам хорхой, шош зэрэг пурин элбэг агуулагдаж байгаа хүнсний бүтээгдэхүүн идэхийг чанд хориглох хэрэгтэй.Тос, чихэр, давс багатай зүйлс идэхийг эрхэмлэж, зохих хэмжээний уураг элбэгтэй хүнсний бүтээгдэхүүн, жимс жимсгэнэ хэрэглэхийг эмч нар зөвлөдөг. Буцалсан ус ахиухан уух сайн ч бөөрний чадавхи муудсан хүн болгоомжтой хандах хэрэгтэй гэнэ. Хамгийн гол дэглэм нь архи уухыг цээрлэх.
Ялангуяа шар айраг, айраг, кофе, цай зэргийг бага хэрэглэж, халуун ногоо зэрэг өдөөлт ихтэй хүнсний зүйл хэрэглэхгүй байх хэрэгтэй. Ойр ойрхон шинжилгээ өгч, биеийн жингээ тогтоон барьж, тураах дасгал, биеийн тамирын дасгал бэлтгэл хийн, биеийнхээ дархлааг нэмэгдүүлэх хэрэгтэй юм байна.
“Өдрийн сонин”-ы баасан гаригийн дугаар 20 нүүрээр хэвлэгдэн гарлаа. Хоёрдугаар нүүрт Батлан хамгаалах яамны дэд сайд А.Баттөртэй “Алдар” спорт хорооны тамирчин С.Цэрэнчимэдийн байрны асуудлаар ярилцлаа. Тодруулбал хэдхэн хоногийн өмнө С.Цэрэнчимэдэд өгсөн хоёр өрөө байраа Батлан хамгаалах яамнаас нэг өрөө болгожээ хэмээх шуугиан цахим ертөнцөд дэгдээд байсан билээ. Гуравдугаар нүүрт “Бөөсөнд хутга гаргадаг сайд нар олшрох төлөвтэй нийтлэл” орсон бөгөөд Зам тээврийн яамны сайдаар томилогдоод удаагүй байгаа М.Зоригтын зарим зохисгүй үйлдлийг шүүмжлэн бичжээ. Тухайлбал тэрээр сайд болуутаа яамынхаа сошиал медиаг хааснаар Зам тээврийн яамны ажилчид фейсбүүк, твиттерт орох эрхээ хасуулсан юм. Мөн зүүн аймгуудын замын компанитай яамны зүгээс байгуулсан гэрээг цуцалснаас гадна “Чингис хаан” олон улсын нисэх буудалд гэнэтийн шалгалт хийсэн байна. Энэ талаарх дэлгэрэнгүйг гуравдугаар нүүрнээс уншаарай. Аж үйлдвэрийн сайд Д.Эрдэнэбат “Сайдын цаг” уулзалтад оролцох үеэрээ нефьт боловсруулах цогцолборын ажил эхэлсэн, адууны ширийг экспортлох эрх нээлттэй байгаа, 2017 он гэхэд бүх аймгийг хатуу хучилттай авто замаар холбох болон ирэх хавраас зарим төрлийн хүнсний ногооны татварыг нэмэгдүүлэх болсон талаарх дэлгэрэнгүй мэдээллийг өгсөн юм. Сонины зургадугаар нүүрт “Хуулийнхны хатуурхал буюу Д.Амарсайхан агсны үхлийн шалтгаан” хэмээх цуврал нийтлэлийн эхний хэсэг гарлаа. Одоогоос жил таван сарын өмнө газрын тосны хэрэг эрхлэх газрын дарга агсан Д.Амарсайхан цагдан хорих 461 дүгээр ангид хоригдож байхдаа учир битүүлгээр амиа алдсан билээ. Түүний биеийн байдал хүндхэн байсан учраас өмгөөлөгч нь шоронгоос гаргах хүсэлтээ удаа дараа тавьж байсан ч хүлээн аваагүй юм. Ирэх сарын 9-нд “Сүнс”, “Камертон”, “Номин талст”, “Салхи”, “Guys” зэрэг хамтлагийн уран бүтээлчилд хамтарсан тоглолтоо хийх байгаа билээ. Тус тоглолтын талаарх “Салхи” хамтлагийн дуучин Б.Энх-Учралын ярилцлага 17 дугаар нүүрт орсон бол Английн “Ливерпүүл” багийн тоглогч Жерардын амьдралын талаарх сонирхолтой нийтлэл 16 дугаар нүүрэнд багтлаа. Түүнчлэн МАХН-ын (одоогийн МАН) ерөнхий нарийн бичгийн дарга асан Б.Даш-Ёндонгийн ярилцлаганы үргэлжлэл, гавьяат багш Д.Мандахсан, “Чингис лэнд девелопмент” группын гүйцэтгэх захирал Г.Гантулга нарын сонирхолтой ярилцлагууд өнөөдрийн дугаарт багтлаа. 
Одоогоос жил таван сарын өмнө газрын тосны хэрэг эрхлэх газрын дарга агсан Д.Амарсайхан цагдан хорих 461 дүгээр ангид хоригдож байхдаа учир битүүлгээр амиа алдсан билээ. Түүний биеийн байдал хүндхэн байсан учраас өмгөөлөгч нь шоронгоос гаргах хүсэлтээ удаа дараа тавьж байсан ч хүлээн аваагүй юм. Тэрээр саатуулагдахаасаа өмнө эмчилгээ хийж байсан гэдэг. Шалтгааныг нь хуулийнхан “Дээрээс өгсөн шийдвэр” гэснээс тоймтой хариу өгөлгүй хорьсоор л байсан юм. Харин түүнийг нас барсны дараахан амиа хорлосон, зүрхний шигдээсээр нас барсан гэсэн албан бус яриа гарснаас бус хуулийнхан, холбогдох албан тушаалтнууд бодитой мэдээлэл өгөөгүй юм. Тухайн үед УИХ-ын Хүний эрхийн дэд хороо хуралдаж, Хууль зүйн байнгын хорооны дарга Ш.Түвдэндоржоор ахлуулсан ажлын хэсэг байгуулж, хуулийнхны үйл ажиллагаанд шалгалт хийж байсан. Үүнийгээ Хууль зүйн байнгын хороонд ч тайлагнаж байсан. Гэтэл өнөөдөр талийгчийн ямар шалтгааны улмаас амь насаа алдсан нь тодорхойгүй байсаар байна. Хуулийнхан, намын нөхөд нь ч түүний талаар дурсахаас зайлсхийх болсон өнөө үед бид хэргийг мартагнуулж бус, үнэнийг олох ёстой гэдэг байр сууринаас эх сурвалжийн мөрөөр үнэнийг хайлаа. Д.Амарсайхан агсны үхлийн шалтгааны талаарх дэлгэрэнгүй мэдээлэл, баримт, нотолгоог “Өдрийн сонин”-ы маргаашийн дугаараас бүрэн эхээр нь уншаарай.
Хөдөлмөрийн баатар, гавъяат тамирчин Х.Цагаанбаатар өнөөдөр зодог тайллаа. Тэрбээр “2016 оны Риоде Жанерогийн олимпод Монголын жудочид бахдам амжилт үзүүлнэ гэдэгт итгэлтэй байна. Үүний тулд, олимпийн тэнгэрт эх орныхоо төрийн дууллыг эгшиглүүлэхийн төлөө тамирчдаа бэлтгэж, гар бие оролцон, дасгалжуулахаар болсондоо баяртай байна. Олимпийн аварга хэмээх өөрийн авч чадаагүй цолыг өөрийн бэлтгэх тамирчдаараа авахуулахын төлөө чармайх болно оо. Зодог тайлах тухай Жудо бөхийн Дэлхийн аварга шалгаруулах тэмцээний дараанаас бодож эхэлсэн. Дасгалжуулагч болсноор заал танхимдаа ирдгээрээ ирж, бэлтгэл сургуулилтаа хийдгээрээ хийнэ” гэсэн юм. 
Түмэн хүн хөлхсөн
Монгол Улсын эдийн засгийн өрсөлдөх чадвар, хөгжлийг дэмжих, бүс нутгийн хамтын ажиллагааг нэмэгдүүлэх зорилгоор “Эрдэнэс Монгол” ХХК Азийн хөгжлийн банктай хамтарч Төв Азийн бүс нутгийн эдийн засгийн хамтын ажиллагааны хөтөлбөр КАРЕК -ийн “Хөрөнгө оруулалтын чуулган”-ыг Улаанбаатар хотноо зохион байгуулж байна. Чуулганд 26 улсын 350 орчим төлөөлөгч оролцож “Зөв хөрөнгө оруулалтыг хэрхэн олж тогтоох, хэрэгжүүлэх” талаар өөрсдийн туршлагаа хуваалцахаас гадна CAREC-ийн гишүүн орнуудын өндөр албан тушаалтнууд өөрийн улс орны бизнест хөрөнгө оруулах боломж, хөрөнгө оруулалт татах тэргүүлэх салбаруудаа танилцуулж, шинэ бизнес, шинэ хөрөнгө оруулалтын боломжийн талаар хэлэлцэж байна.
Монгол Улсын Засгийн газар хоёр хөршдөө 1 тэрбум
Манай улсад өргөн нэвтрүүлгийн аналог
Өвөрхангай аймгийн Уянга сумын сургууль лего робот сургалтын лабораторитой боллоо. Ерөнхий боловсролын сурагчдад техник технологийн суурь боловсрол эзэмшүүлэх, мэргэжлийн чиг баримжаа олгох, бүтээлч сэтгэлгээг хөгжүүлэх зорилт бүхий Залуу зохион бүтээгчдийн дугуйланг сэргээх санаачилгыг УИХ-ын дарга З.Энхболд гаргасан бөгөөд “Аум алт” ХХК-ийн гүйцэтгэх захирал Ц.Мягмардорж 40 сая төгрөгөөр санхүүжүүлснээр Уянга суманд лего робот сургалтын лаборатори байгуулсан байна.
Өнөөдрийн гадаад валютын дуудлага худалдаагаар банкууд 1993.20-1999.10 төгрөгийн ханшаар 24.0 сая ам.доллар худалдан авах санал ирүүлжээ. Мөн 310.06-311.61 төгрөгийн ханшаар 36.5 сая юань худалдан авах санал тус тус ирүүлсэн байна. Монголбанк 11.2 сая ам.долларыг 1996.00 төгрөгийн хаалтын ханшаар, 10.50 сая юанийг 310.66 төгрөгийн хаалтын ханшаар нийлүүлжээ. Мөн өдрийн ээлжит гадаад валютын своп, форвард хэлцлээр банкууд 70.0 сая ам.доллар худалдан авах төгрөгийн своп хэлцлийн, 20.0 сая ам.доллар худалдах ам.долларын своп хэлцлийн санал ирүүлсэн бөгөөд Монголбанк саналуудыг 100 хувь биелүүлэв.