Төв Азийн бүс нутгийн эдийн засгийн хамтын ажиллагааны хөтөлбөрийн хөрөнгө оруулалтын чуулга уулзалтын үеэр Монгол Улсын Ерөнхий сайд Ч.Сайханбилэг Азийн хөгжлийн банкны Ерөнхийлөгч Такехико Накаог хүлээн авч уулзлаа.
Уулзалтын үеэр ажлын байр бий болгох, эдийн засгийг төрөлжүүлэх замаар Монгол Улсыг тогтвортой, хүртээмжтэй хөгжүүлэхэд Азийн хөгжлийн банк хэрхэн дэмжлэг үзүүлэх талаар ярилцсан байна.
Эдийн засгийн тогтворжуулах, инфляцыг зохистой удирдах, хөрөнгө оруулалтын орчныг сайжруулах талаар Монгол Улсын Засгийн газрын авч хэрэгжүүлж буй арга хэмжээг сайшааж байгаагаа ноён Такехико Накао уулзалтын үеэр хэлжээ.
Монгол Улс стратегийн чухал байршилтай, уул уурхайн болон бусад салбарын нөөц арвин тул эдийн засгаа хөгжүүлэх асар их нөөц боломж бий. Монгол Улс макроэдийн засаг, бүтцийн зөв зүйтэй бодлогоо үргэлжлүүлэн хэрэгжүүлж, бүс нутгийн хөгжил болон хөрөнгө оруулалтаар дамжуулан энэхүү нөөц боломжоо бүрэн дүүрэн ашиглахад Монгол Улсад дэмжлэг үзүүлэхээ Азийн хөгжлийн банкны Ерөнхийлөгч илэрхийлжээ гэж Засгийн газрын Хэвлэл мэдээлэл, олон нийттэй харилцах албанаас мэдээллээ.
Нийслэлийн иргэдэд цахим системээр газар өмчлүүлэх дөрөвдүгээр ээлжийн бүртгэл 2015 оны 08 дугаар сарын 25-ны өдөр эхэлж, энэ сарын 09-нд дууссан бөгөөд Баянзүрх, Сонгинохайрхан, Хан-Уул дүүргийн нийт 22 байршлын 8727 га газарт 28963 иргэнд газар өмчлүүлсэн. Сонгинохайрхан дүүргийн зарлагдсан байршлуудад сонгогдсон иргэд дүүргийн 27 дугаар хорооны байранд, Баянзүрх дүүрэгт сонгогдсон иргэд тус дүүргийн Өмч, газрын харилцааны албанд, Хан-Уул дүүрэгт сонгогдсон иргэд дүүргийн Өмч, газрын харилцааны албанд өргөдөл гаргаж баталгажуулж байгаа юм. Өргөдлийг энэ сарын 23 хүртэл хүлээн авч дуусах байсан ч ажлын 10 хоногоор сунгаж, 10 сарын 7-ны өдрийг хүртэл хүлээн авахаар болсон. Тиймээс нийслэлийн иргэд Та бүхэн газар өмчлөх өргөдлөө хугацаандаа багтаж баталгаажуулна уу гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Гэр хороололд амьдардаг хэсэг иргэд өнөөдөр Үндэсний мэдээллийн төвд мэдээлэл хийлээ. Тэд Засгийн газраас хэрэгжүүлж байсан “Нүүрс хөтөлбөр”-ийг үргэлжлүүлэн хэрэгжүүлэх нь иргэдийн амьдралд хэрэгтэй байна гэв.
Иргэн Х.Энхманлай Солонгосын “Korean Air” авиа компани монголчуудыг хэрхэн дорд үзэж, хүний эрхийг бүдүүлгээр зөрчсөн талаар баримт дэлгэж, үүнтэй холбоотойгоор уг компанид нэхэмжлэл гаргаж байгаа талаараа мэдээлэл хийв.
Улмаар БНСУ руу орох боломжгүй болсон тул буцах нислэгийг Монгол руу биш, Бээжин рүү болгож өгөхийг хүссэн аж. Учир нь эмчилгээ хийлгэхээр явсан эмэгтэйн бие муудсан тул Бээжин дэх эмнэлэгт очих хүсэлтэй байгаагаа “Korean air” компанид уламжилсан байна. Хүсэлтийг хүлээн авч орой явуулахаар болсон ч, 16.00 цагийн үед ээлж солигдсоноор хэлэлцээ өөрчлөгдөж Монгол руу буцаан явуулахаар болжээ.
Архангай аймгийн Эрдэнэмандал сум Эрдэнэ-Уул багийн “Бөөрөг цагаан чулуу” газар өчигдөр 16:02 цагт газар хөдөлжээ.
Өчигдөр АНУ-ын ерөнхийлөгч Барак Обама Ромын пап Францисыг Цагаан ордонд хүлээн авч уулзжээ. Тэрээр Куба болон АНУ-ын хагас зуун жил гаруйн өмнө тасарсан дипломат харилцааг бүрэн сэргээхэд болон хоёр орны харилцааны шинэ эхлэлийг тавихад үнэлж баршгүй хувь нэмэр оруулсан хэмээн сайшааж талархлаа илэрхийлсэн байна. 
Саудын Арабад өчигдөр болсон Хаж мөргөлийн үеэр 700 гаруй хүн амиа алдаж, 900 гаруй хүн бэртэж гэмтжээ. Тухайлбал, Саудын Арабын Мекка хотноо олон сая иргэд цугларч хувь заяа, амь насаа даатган мөргөж байх үеэр ийм эмгэнэлтэй хэрэг болсон байна. Саудын Арабын хамгийн том сүм болох “Ариун мөргөлийн өргөө” ордны гаднах багана мөргөлийн үеэр нурсны улмаас эмх замбараагүй байдал үүсч, хүмүүс бие биенээ дарж эхэлжээ. Албаныхны мэдээлснээр өчигдөр орон нутгийн цагаар 1.30 цагт эхэлсэн мөргөлөөс хойш 24 цаг хүрэхгүй хугацаанд 717 хүн амиа алдсан байна.
Томуугийн дархлаажуулалт
Энэ зун нийтийн тээврийн шинэчлэлээр цахим карт нэвтрүүлсэнтэй холбоотойгоор оюутнууд хуучин хэрэглэж байсан виза картаа биш цахим картаар зорчихоор болсон. Гэвч Монголын оюутны холбоо “Улаанбаатар смарт карт” компанитай гэрээ байгуулаагүй, өмнөх жил өөр карт шинээр, олон хувиар хэвлэн гаргаснаас болоод оюутнууд одоо хүртэл нийтийн тээврээр хөнгөлттэй зорчих картаа аваагүй байгаа юм.