НҮБ-ын Ерөнхий Ассамблейн 70 дугаар чуулган АНУ-ын Нью-Йорк хотноо салбар хуралдаанаараа эхэллээ. Энэ удаагийн Ерөнхий Ассамблейн түүхэн 70 жилийн ойн чуулганд дэлхийн 120 гаруй орны төр, засгийн тэргүүн болон Ромын Пап Франсис оролцож буйгаараа онцлог болж байна.
Монгол Улсын Ерөнхийлөгч Цахиагийн Элбэгдорж есдүгээр сарын 25-ны өдөр болсон “Тогтвортой хөгжлийн 2030 хөтөлбөр”-ийг батлах НҮБ-ын Дээд хэмжээний уулзалтын нээлтэд оролцов.
“Тогтвортой хөгжлийн 2030 хөтөлбөр” нь тунхаглал, тогтвортой хөгжийн 17 зорилго, 169 зорилтоос бүрдсэн ба тэдгээрийг хэрэгжүүлэхэд дэлхийн орнууд хэрхэн хамтран ажиллах тухай тусгасан байна.
Энэхүү хөтөлбөр нь НҮБ-ын 2000 онд баталсан Мянганы Хөгжлийн Зорилтуудыг өргөжүүлэн хэрэгжүүлэх зорилготой юм.
Завхан аймгийн Алдархаан сумын Мандат багийн “Таван Улиас” гэдэг газар гурван настай хүү энэ сарын 24-ний өдөр 12:00 цагийн орчим гэрийнхээ гадаа тоглож байгаад сураггүй болсон тухай мэдээлэл ОБЕГ-т ирсэн байна. Дуудлагын дагуу аймгийн Онцгой байдлын газар, цагдаа, орон нутгийн иргэд нийлсэн 67 хүн эрэн хайх ажиллагааг зохион байгуулж өнөөдөр Бурхын голоос хүүгийн цогцосыг олжээ. Тиймээс ОБЕГ-аас эцэг эхчүүд хүүхдээ хараа хяналттай байхыг сэрэмжүүлж байна.
“Хэрэглэгчээ сонсъё” нээлттэй хаалганы өдөрлөг өнөөдөр Тусгаар тогтнолын талбайд эхэлж байна. Хот суурины ус хангамж ариутгах татуургын ашиглалт, үйлчилгээг зохицуулах зөвлөлөөс санаачлан Барилга хот байгуулалтын яам, Монголын нийтийн аж ахуйн үйлчилгээний холбоотой хамтран уг өдөрлөгийг зохион байгуулж буй.
Монгол Улсын Ерөнхий сайд Ч.Сайханбилэгийн ивээл дор “Хорт хавдрын тулгамдсан асуудал-Хоол боловсруулах дээд замын хорт хавдрын менежмент” сэдэвт олон улсын VII симпозиум Шангрилла зочид буудлын хурлын танхимд болж байна.
Төрийн шагналт, хөдөлмөрийн баатар Дагвын Лувсаншарав агсны нэрэмжит “Хүүхдийн найрал дууны шилдэг хамтлаг шалгаруулах 23 дахь удаагийн уралдаан” ирэх сарын 7-16-нд болно. Нийслэлийн Засаг даргын ивээл дор жил бүр зохион байгуулдаг тус уралдаан нь ерөнхий боловсролын сургуулиудын хөгжмийн хичээлийн сургалтыг чанаржуулах, хүүхэд багачуудад уран сайхны боловсрол олгох, авьяасыг нь хөгжүүлэх зорилготой аж. Оролцогчид заавал дуулах, өөрийн урын сан дахь дан найрал, хөгжимтэй найрал дуу гэсэн төрлөөр өрсөлдөнө. Заавал дуулах дуу пь өнгөрсөн жилийн уралдааны хоёрдугаар байрын шагналт У.Мөнхжаргалын “Би зугаалж явна” дан найрал дуу аж. Уралдааны анхан шатны шалгаруулалтыг дүүргүүдийн ЗДГГ хариуцан зохион байгуулж, тус бүр гурван хамтлагийг төгсгөлийн шатанд оролдуулах юм.
Улаанбаатар хотод инженерийн шугам сүлжээний ажил гүйцэтгэх зорилгоор 09.25-09.27-ны хооронд дараах байршлуудад түр хугацаанд зам хаана гэж Нийслэлийн Автозамын газраас мэдээллээ.
Энэ амралтын өдөр буюу маргаашнаас нөгөөдөр шилжих шөнө сар бүтэн хиртэх ба сансар судлаачнд уг үйл явдлыг тэсэн ядан хүлээж байна. Сар хиртэх үеэр нарны эрчим хүч тасалдаж, нарны цэнэгээр ажилладаг сансрын хөлөг эх үүсвэргүй болох магадлалтай учир NASA-ийн зүгээс тааламжтай хандахгүй байна. Сар хиртэх үед цаг уур эрс хүйтэрч нар халхлагдах тул цэнэгтэй батерей бэлдэх, утасныхаа wifi болон зарим програмыг хаахыг NASA-аас анхааруулж байна. Тэрбээр “Бид сансрын хөлгийг аюулгүй байлгах арга хэмжээг авна. Мөн учирч болзошгүй аюулд бэлэн байгаа гэжээ. 2018 он хүртэл сар хиртэхгүй ба 2033 онд сар дахин бүтэн хиртэх аж. 
Хүнс, хөдөө аж ахуйн яамнаас жил бүр уламжлал болгон зохион байгуулдаг “Намрын ногоон өдрүүд-2015” үзэсгэлэн, худалдаа энэ амралтын өдрүүдэд буюу өнөөдөр, маргааш Чингисийн талбайд болно. Харин есдүгээр сарын 29-нөөс аравдугаар сарын 5-ны өдрүүдэд “Мишээл Экспо” худалдааны төвд эл үзэсгэлэн үргэлжлэх ажээ.