Өвөл хаяанд
ирснийг сануулан манай орны ихэнх нутгаар нойтон цас хаялж эхэллээ. Цаг агаар
сэрүүсч байгаатай холбогдуулан Ус, цаг уур орчны шинжилгээний хүрээлэнгийн цаг
уурч Ч.Сарантуяагаас дараахь мэдээллийг авав.
үүний
мэдээлснээр уржигдар буюу есдүгээр сарын
23-нд Завхан, Говь-Алтайн хойд тал, Завханы бүх нутаг, Хөвсгөлийн нутаг,
Булган, Сэлэнгэ, Төв аймгийн нутгаар бороо орж, шөнөдөө нойтон цас оржээ. Газар
тариалангийн бүс нутаг болох Булган, Сэлэнгийн зарим газраар ахиу хэмжээтэй дуу
цахилгаантай бороо орсон байна. Тухайлбал, Сэлэнгийн Орхонтуулд 28 мм, Баруун
хараад 22 мм, Сэлэнгийн Сүхбаатарт 26 мм, Булганы Энхтолгойд 13 мм, Сэлэнгийн
Орхонд 16 мм, Дарханы урд талаар 12 мм хүртэл нэлээд их хэмжээний хур
тунадастай байв. Харин зүүн аймгуудаар буюу Хэнтий, Дорнод, Сүхбаатарын баруун
талаар есдүгээр сарын 23-24-нд бороотой байсан бол баруун бүсийн нутгаар хур
бороо харьцангуй бага байжээ. Агаарын хэмийн хувьд шөнөдөө төвийн бүс нутгаар
+02 хэм дулаанаас Хөвсгөл, Архангайн нутаг руу -5,-6 хэмийн хүйтэн, Хөвсгөлийн
Ренчинлхүмбэ, Чандмань-Өндөр зэрэг хойд талын бүс нутгаар -13 хэм хүрч цочир
хүйтэрсэн. Мөн Завхан зэрэг баруун хойд бүсийн нутгаар -10-12 хэм хүйтэн хонож
бусад нутгаар -5 хэм хүрч хүйтэрчээ. Урд шөнийн хувьд төвийн болон зүүн
аймгуудын нутгаар нойтон цас орлоо гэв.
Өнгөрсөн хоёр
өдрийн хувьд цаг агаар ийм байсан бол
өнөөдрөөс эхлэн есдүгээр сар дуустал тэнгэр хангай улам тогтворгүйжиж, хүйтний
эрч чангарах төлөвтэй гэлээ. Өнөөдөр зүүн зүгийн нутгийн зүүн хэсэг, ялангуяа
Дорнодын тариалантай нутгаар бороо, нойтон цас холилдон орно. Баян-Өлгий, Ховд,
Завхан тэргүүтэй баруун аймгууд, Өмнөговь, Дундговь, Дорноговийн нутгаар хур
тунадас харьцангуй багатай, говь талын нутгаар +13-18 хэм, хойд талын бүс
нутгаар +7-12 хэмийн дулаан байна. Маргааш Хөвсгөл, Архангай болон хойд хэсгээр
хур тунадастай сэрүүвтэр байх бол 27-нд Баян-Өлгий, Увс буюу баруун зүгийн нутгийн баруун, Дорнод, Хэнтий,
Сүхбаатарын хойд хэсгээр, 28-нд баруун зүгийн нутаг, Төв, Булган, Орхон,
Сэлэнгийн баруун хэсгээр хур тунадас орно. Салхи 27-нд баруун зүгийн нутгаар,
28-29-нд ихэнх нутгаар секундэд түр зуур
18-20 метр хүрч, Өмнөговь, Дундговь, Дорноговийн нутгаар шороон шуурга шуурна.
Уулархаг нутгаар цас орж, шороон болон цасан шуурга шуурч цаг агаар тогтворгүй
болохыг анхаарууллаа. Алтай, Хангай,
Хөвсгөл, Хэнтийн уулархаг нутгаар шөнөдөө -5-12 градус хүйтэн, өдөртөө 2-7
градус, говийн нутгийн өмнөд хэсгээр шөнөдөө 4-9 градус, өдөртөө 16-21 градус
дулаан, бусад нутгаар шөнөдөө 1-6 градус хүйтэн, өдөртөө 6-11 градус дулаан
байна.
Ирэх өдрүүдэд цаг
агаар ийн хүйтрэх тул малчид, ард
иргэдийг салхи шуурганы үеэр төөрөх,
малтайгаа уруудах, осгох зэрэг эрсдэлээс
урьдчилан сэргийлж, жолооч нарыг баталгаатай зам, гүүр, гармаар зорчин тээврийн хэрэгслийн найдвартай байдлыг
ханган, бензин, шатахууны нөөцтэй явахыг Онцгой байдлын ерөнхий газраас
анхаарууллаа. Мөн цас орж, цочир хүйтрэх
тул тариаланчид болон аж ахуйн нэгж, байгууллагуудыг болзошгүй эрсдэлээс урьдчилан сэргийлэх арга
хэмжээ авахыг сануулжээ. “Өнгөрсөн хоёр өдөрт бороо цас орсонтой холбоотой зам,
даваа хаагдсан юм байхгүй. Гэхдээ Дархан-Уул аймгийн Шарын гол орчим замын нөхцөл
байдал хүндэрсэн. Үүнд холбогдох албаны хүмүүс зам чөлөөлөх арга хэмжээ авч
байгаа.
Мөн одоогийн
байдлаар манайд цас борооны улмаас зам, тээврийн осол гарсан, хүн төөрсөн
осгосон талаар ямар нэгэн мэдээлэл
ирээгүй байна” хэмээн Онцгой байдлын ерөнхий газрын Цаг уур хариуцсан
мэргэжилтэн Ч.Туяа мэдээлсэн юм.
Арав,
арваннэгдүгээр сард цаг агаар, хур тунадас ямар байх вэ?
Аравдугаар сарын ерөнхий төлөвөөр агаарын температур олон жилийн дундаж
орчим байх аж. Нутгийн баруун өмнөд
хэсэг буюу баруун аймгуудын урд талын
нутгаар олон жилийн дунджаас бага зэргийн дулаан, хур тунадас нутгийн ихэнх
хэсгээр олон жилийн дунджийн орчим орох төлөвтэй. Гэхдээ баруун зүгийн нутгийн
өмнө тал, Өмнөговийн баруун хэсэг, Дорноговийн өмнөд, Дорнодын хойд тал болон
зүүн урд талын нутгаар олон жилийн дунджаас багавтар хур тунадастай. Баруун
зүгийн нутгийн хойд, төвийн бүс нутгийн зарим газар тухайлбал Төв аймгийн урд
тал, Өвөрхангайн хойд хэсэг Дундговийн хойд тал Говьсүмбэрийн нутаг,
Дорноговийн хойд тал Хэнтийн урд талын нутгаар дунджаас ахиу цас орох төлөвтэй ажээ.
Мөн Архангай, Хөвсгөлийн баруун талаар бага зэргийн ахиу цас орох аж.
Арваннэг, арванхоёрдугаар сард агаарын температур олон жилийн дундаж орчим
байна. Хур тунадас арваннэгдүгээр сард нутгийн өмнөд хэсэг болон зүүн, төвийн
нутгаар бага зэрэг ахиу, арванхоёрдугаар сард ихэнх хэсгээр дунджаас ахиу байх
төлөвтэй байгааг Ус цаг уурын орчны шинжилгээний хүрээлэнгээс мэдээлэв. “Гэхдээ
энэ нь ерөнхий төлөв тул тухайн сардаа
нарийвчлан судлаад, өөрчлөгдсөн байхыг үгүйсгэхгүй. Ямартай ч урьдчилсан
төлөвөөр ахиу цастай гарч байгаа. Энэ зун ихэнх нутгаар, тэр дундаа төвийн
бүсээр гантай байсан тул хадлан тэжээлийн бэлтгэл тааруу байгаа. Иймд өвлийн бэлтгэлээ сайн хангах хэрэгтэй”
гэдгийг цаг уурч Ч.Сарантуяа анхаарууллаа. 
НҮБ-ын Ерөнхий Ассамблейн 70 дугаар чуулганд оролцож буй Монгол Улсын Ерөнхийлөгч Цахиагийн Элбэгдорж өнөөдөр буюу есдүгээр сарын 27-ны өдөр Туркменистаны Ерөнхийлөгч Гурбангулы Бердымухаммедовтой уулзлаа.
Улсын дуурь бүжгийн эрдмийн театрын энэ жилиин үзвэрийн хуваарь гарсан байна. Тус театрын уран бүтээлчид 53 дахь улирлынхаа нээлтийг Ж.Вердийн “Аида” дууриар нээж, Ж.Доницетти “Лучиа ди Ламмермур” дуурийг үзэгчдэдээ шинээр хургэх юм.
НҮБ-ын
Өнгөрсөн
Уртын дуучин А.Түмэн-Өлзийгийн уран бүтээлийг шимтэн сонсогчид олон. Хоолойны цар хүрээ сайтай, сайхан дуулдаг хэмээн магтуулдаг дууч бүсгүй нярайлаад удаагүй байгаа билээ.
Нью-Йорк хотноо “Тогтвортой хөгжлийн 2030 хөтөлбөр”-ийг батлах НҮБ-ын дээд хэмжээний уулзалт есдүгээр сарын 25-27-нд болж байна.
Үндэсний Бүтээн Байгуулалтын Корпорацийн барьж байгаа “Буянт-Ухаа 2” хорооллын 48 барилгын барилга угсралтын ажил 64.2 хувьтай үргэлжилж байна. 
Улс орон даяар ургац хураалтын ажил эрчимтэй явагдаж байгаа талаар Хүнс хөдөө аж ахуйн яамнаас мэдээллээ. Өнөөдрийн байдлаар