Тоглоомын тусламжтайгаар таны балчир үр эхлээд ажиглан харж, дараа нь хүрч, гартаа атгаж, амандаа хийх зэргээр хорвоотой танилцаж эхэлдэг. Иймд хүүхдэдээ тоглоом сонгохдоо юуны өмнө аюулгүй байдлыг анхаарах нь тун чухал гэдгийг санах хэрэгтэй.
Хүүхдийн тоглоомтой хамааралтай хууль эрх зүйн орчин байдаг уу?
Монгол улсад мөрдөгдөж байгаа хүүхдийн тоглоомын стандарт эрүүл ахуйн шаардлагыг заавал мэддэг байх шаардлагатайг анхааруулах нь зүйтэй. Хүүхдийн тоглоомын аюулгүй байдлыг хангах зорилгоор олон улсын стандартчиллын байгууллагын ISO:8124 “Тоглоомын аюулгүй байдал” багц стандартуудыг Монгол улсын стандартаар баталсан. Энэхүү багц стандартууд нь 4 хэсгээс бүрдэнэ. Үүнд:
– MNS ISO 8124-1:2011- Тоглоомын аюулгүй байдал. 1-р хэсэг.Физик болон механик шинж чанараар аюулгүй байдлыг тодорхойлох
– MNS ISO 8124-2:2011- Тоглоомын аюулгүй байдал. 2-р хэсэг. Шатамхай байдал
– MNS ISO 8124-3:2011- Тоглоомын аюулгүй байдал. 3-р хэсэг. Тодорхой элементүүдийн шилжилт
– MNS ISO 8124-4:2011- Тоглоомын аюулгүй байдал. 4-р хэсэг. Гадна ба дотор ашиглагддаг савлуур болон гулгуур болон түүнтэй адил тоглоом
Хэдий эдгээр стандартууд Монгол Улсад мөрдөгдөж байгаач олон улсын хэмжээнд одоог хүртэл хүүхдийн тоглоомны найрлага, орцыг тоглоомны шошгонд заавал заахыг хуульчилж, журамлаагүй байна.
Бидний хүүхэддээ худалдан авч өгдөг тоглоомонд шошго байдаг боловч уг шошгонд тухайн тоглоомын химийн найрлагыг харуулсан мэдээлэл байдаггүй. Тиймээс аюулгүй бүтээгдэхүүнийг худалдаж авах баталгаа байхгүй гэсэн үг юм.
Хүүхдийн тоглоомыг худалдаж байгаа хүнээс тухайн тоглоомонд орсон химийн бодисын найрлагын тухай асуух хэрэгтэй. Тэд таньд тоглоом нь ямар найрлагатай болохыг хариулах ёстой. Харамсалтай нь дэлгүүрийн худалдагч нар энэхүү мэдээллийг бүрэн өгөх чадваргүй эсвэл мэдлэггүй байдаг. Хэдий тийм ч эцэг эх бүр худалдан авалт хийх болгондоо асууж лавласнаар өөрийн хүүхдийн эрүүл мэндийн хамгаалалт болон тоглоомыг үйлдвэрлэх, импортлох, худалдаалах үйл ажиллагаа явуулж буй хүмүүст нөлөөлөх болно.
Ерөнхий зөвлөмжүүд:
– Цөөн тооны чанартай тоглоом худалдаж авах зорилго тавь.
– Үнийг нь хар, маш хямд тоглоом ихэвчлэн аюултай химийн бодис агуулсан байдаг учир худалдан авахаас зайлсхий.
– Тоглоомыг үнэртэж үз! Маш хурц үнэртэй болон хүрэхэд тааламжгүй мэдрэмж төрүүлж буй тоглоомыг бүү худалдаж ав.
– Хүүхэд тоглоомыг унагах, эвдлэх, мушгих, түлхэх, шидэх зэрэг тохиолдолд хурц үзүүртэй эсвэл хэт жижиг хэсэг болон задрах эд анги тоглоомонд байгаа эсэхийг шалгаж үзсэнээр үүнээс шалтгаалан гэмтэх, залгихгэх мэт эрсдлээс хамгаалахболно.
– Аливаа шинэ тоглоомыг задлаад ууршиж болох зарим нэг аюултай бодис ууршиж дуустал хэсэг хугацаанд хүүхдийн өрөөний гадна байлгаарай.
Тоглоомын ангилал
- Хүүхэлдэй
- Чихмэл тоглоом
- Модон тоглоом
- Хуванцар тоглоом
- Гоо сайхны тоглоом
- Цахим тоглоом
Бэлтгэсэн: НЭМХ-ийн Орчны эрүүл мэнд, хор судлалын сектор
Монгол Улсын Их хурлын ээлжит бус чуулганы наймдугаар сарын 10-аас 14-ний өдрүүдэд УИХ-ын чуулганы хуралдаанаар хэлэлцэх асуудал, хуваарь
Тээврийн хэрэгслийн үзлэг оношлогооны хариуцлагын арга хэмжээг ирэх сарын нэгнээс чангатгахаар болсон байна. Тээврийн хэрэгслийн албан татвар хураах, үзлэг оношлогоонд цагтаа хамрагдаагүй бол шууд журамлах аж. Гэхдээ энэ шийдвэрийг ирэх сараас хэрэгжүүлж эхэлнэ гэж албаныхан онцолж байна. Одоогоор автомашины үзлэг оношлогоонд ороогүй тохиолдолд 5-25 мянган төгрөгөөр торгож, гэрчилгээг нь хураах арга хэмжээ авч байгаа билээ. 
Дүүгээ галын аюулаас аварсан А.Цэрэнтогтох хүүг өчигдрөөс эхлэн өдөрт хоёр цаг гадаа гарч болохыг эмч нь зөвшөөрчээ. Энэ талаар ээж нь фэйсбүүк хуудаснаа нийтэлжээ. Хүү удахгүй эмнэлгээс гарах гэнэ. Налайх дүүрэгт өнгөрсөн зургадугаар сарын 10-нд гал гарч, айлын гэр шатсан харамсалтай хэрэг гарсан билээ. 16 настай хүү найман сартай дүүгээ гэртээ хараад унтаж байх үед гэрийнх нь хэрэглээний газ дэлбэрч, гал гарсан юм. Дүүгээ аварсан хүү 80 хувийн түлэгдэлтэй ГССҮТ-ийн Түлэнхийн тасагт хүргэгдсэн. Хүүгийн биеийн байдал эмнэлэгт хүргэгдсэн даруйдаа маш хүнд, эмч нар нарийн эмчилгээ шаардлагатай тухай мэдээлж байсан. Удалгүй хүү сайхан сэтгэлт хүмүүсийн тусламжтайгаар Бүгд найрамдах өмнөд Солонгос улсад эмчилгээ хийлгэхээр явсан юм. 
Жил болгон зохион байгуулагдахаар болж байгаа “Даншиг наадам – Хүрээ цам – 2015”-ын хүчит бөхийн барилдааны нэгийн даваа эхэллээ. Бөхийн барилдаанд нийт 256 бөх төрийн наадмын цол харгалзахгүйгээр сугалаагаар барилдах юм.Монголын Бурхан шашинтны төв Гандантэгчилэн хийдийн тэргүүн Хамбын шийдвэрээр түрүүлсэн бөхөд Даншгийн Арслан, үзүүрлэсэн бөхөд Даншгийн Заан, зургаа давсан бөхөд Даншгийн чимэгтэй Начин, тав давсан бөхөд Даншгийн Начин цолыг тус тус олгож, үнэмлэх тэмдгийг гардуулна.
Өнөөдөр,
Бороо ихээр орсноос томоохон гол мөрөн, нуурын усны төвшин ихэсч усанд осолдох тохиолдол олонтаа гарах болсон учраас ЦЕГ-аас иргэд, олон нийтийг амарч, аялж, зугаалахдаа доорх зүйлсийг анхаарч сэрэмжтэй байхыг анхааруулж байна. Үүнд:
Хүй долоон худагт “Даншиг наадам – Хүрээ цам 2015” болж байгаа билээ. Даншиг наадмын үеэр Цагдаагийн албан хаагчид өглөөний 06:00 цагаас эхлэн өндөржүүлсэн бэлэн байдалд ажиллаж, эргүүл хяналт хийж байгаа юм. Наадмын үеэр хоёр хүүхэд төөрснийг нь эцэг эх асран хамгаалагчид нь олж өгчээ. Баяр наадмын үеэр иргэд сонор сэрэмж алдаж, бага насны хүүхэд төөрөх явдал гарах нь элбэг байдаг тул наадамчин олныг сонор сэрэмжтэй байж, үр хүүхэддээ анхааралтай явахыг Цагдаагийн байгууллагаас анхааруулж байна.
Хүй долоон худагт Очирваань сахиусыг тахиж байна. Тахилгад аймаг сумдаас ирсэн Монголын хүрээ хийдүүдийн лам нар оролцож байгаа аж.3000 жилийн өмнө Бурхан багшийн бошголсноор “Хүчтэний орон”, “Улаан хацартнуудын орон” хэмээн монголчуудыг нэрийддэг байж. Энэ үед Хүчтэний орны гол сахиус нь бол хэмээн Бурхан багш Очирваани бурханыг Монгол түмний заяа, буяныг даагч зүрхэн шүтээн болгож байсан гэнэ.