Тайландын иргэн Чиан фэйсбүүкийн хуудсандаа “Бид Эзэн хаанаасаа татгалзах цаг болсон. Ардчилал хэрэгтэй. Түүний гэр бүлийн хэрэгцээг хангахын тулд энгийн иргэд өдөр шөнөгүй ажиллах ёсгүй. Хэрэгцээг нь цаашид хангасаар л байх уу” гэсэн утга бүхий шүүмжилсэн өнгө аястай мэдээлэл оруулжээ. Энэ нь олны анхаарал татаж, сүүлдээ Цэргийн шүүхээс ял сонсоход хүргэжээ.
Тайландын Эзэн хаан Бумибол Адуляадеж болон түүний гэр бүлийг доромжлох нь хориотой байдаг санж. Өмнө нь ийм тохиолдол гарч хэд хэдэн иргэн шүүхээс ял сонссон удаатай. Энэ удаад Чиан олон нийтийн сүлжээнд ийнхүү мэдээлэл оруулснаар 60 жилийн ял сонссон ч хэргээ хүлээж, уучлал гуйсан учир ялынх нь хэмжээг бууруулж 28 жил болгосон байна.
Д.САР
Азийн ихэнх орнуудад хэт халуун үргэлжилж байна. Өнгөрсөн өдрүүдэд Японд хэт халууны улмаас 15 мянга орчим хүн эмнэлгийн түргэн тусламж авчээ. Харамсалтай нь 32 хүн амь насаа алдаад байна. Халууны улмаас эмнэлэгт хандаж байгаа хүмүүсийн тоо тус улсын нийслэлд их байгаа бөгөөд өндөр настан, хүүхдүүд илүүтэй өртөж байгаа гэнэ. Өнгөрсөн хоногт Японы хотуудад агаарын хэм 36-39 хэм хүрчээ.
Замын-Үүд боомтоор 15.5 кг алт хууль бусаар хил гаргахаар завджээ. Энэ хэргийг вагоны машинистууд үйлдэх гэж байсныг тагнуул болон гаалийнхан хамтран илрүүлсэн байна. Галт тэрэгний машинистууд зүтгүүртээ алт нууж хууль бусаар хил дамнуулахыг оролдсон явдал өмнө нь бас гарч байсан аж. Гаалийн мэргэжилтнүүд жил бүр галт тэргийг хэрхэн яаж шалгах талаар УБТЗ-тай хамтран сургалт зохион байгуулдаг юм байна. 
Монгол Улс, Бүгд Найрамдах Солонгос Улсын Засгийн газар хооронд 2012 онд байгуулсан “Виз олгох нөхцлийг хөнгөвчлөх тухай хэлэлцээр”-ийн дагуу БНСУ-д зорчих манай иргэдэд 90 хүртэлх хоногийн хугацаатай виз олгох болсон билээ.
Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Ажлын хэсэг байгуулах тухай” А/656 дугаар захирамж гаргалаа. Захирамжаар нийслэлийн Засаг даргын 2009 оны 95 дугаар захирамжаар батлагдсан ”Улаанбаатар хотын төвлөрсөн ус хангамжийн усны эх үүсвэрүүдийн тэжээлийн гадаад, дотоод мужийн хамгаалалтын бүс”-ийг шинэчлэн тогтоох Ажлын хэсгийн бүрэлдэхүүнийг баталлаа. Ажлын хэсгийн ахлагчаар нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэ ажиллана.
Мал, амьтны гоц халдварт болон халдварт өвчний тухайд 2 аймгийн 3 сумын нутагт “Боом” өвчний 3, 1 аймгийн 1 сумын нутагт “Хонины цэцэг” өвчний 1, 1 аймгийн 1 сумын нутагт “Хорт салст халуурал” өвчний 1, 1 аймгийн 1 сумын нутагт “Маэди-Весна” өвчний 1, 1 аймгийн 2 сумын нутагт “Галзуу” өвчний 2, нийт 5 аймгийн 8 сумын нутагт 8 тохиолдлын голомтод тогтоосон хорио цээрийн болон хязгаарлалтын дэглэм үргэлжилж байна. Үүнд:
Урьдчилсан мэдээллээр газар тариалангийн нийт нутгийн 60-65 хувиас ургац хураана гэж албаны эх сурвалж мэдэгдлээ. 
“Найрсаг Улаанбаатар” хөтөлбөрийн хүрээнд “Вива сити” хороололд “UB Food Festival 2015” үйл ажиллагааг энэ сарын 15, 16-ны өдрүүдэд зохион байгуулах гэж байна. Энэхүү фестиваль нь 3 дахь жилдээ болж байгаа бөгөөд нийслэлчүүдэд их хотын хоолны соёлыг таниулж,1000-3000 төгрөгөөр орон орны амтат зоогийг амталж үзэх боломж олгодог онцлогтой.
“Астана-2015” жүдо бөхийн ДАШТ-ий эхний өдөр эрэгтэйчүүдийн 60 кг-ын жинг дэлхийн аварга гавьяат тамирчин Ганбатын Болдбаатар тэргүүлэх бол эмэгтэй 48 кг-ын жинг дэлхийн аварга, гавьяат тамирчин Мөнхбатын Уранцэцэг тэргүүлэн барилдана. Дэлхийн чансааг хол тэргүүлж буй М.Уранцэцэгийн жинд энэ удаад 35 орны 45 тамирчин өрсөлдөхөөр мэдүүлгээ ирүүлээд байна.
Монгол шуудан компанийн дөрвөн давхрын хурлын танхимд