Нийслэлийн нийтийн тээврийн үйлчилгээнд 21 метр урт, залгаа автобусыг нэвтрүүлэхээр болсон.
Тэгвэл уг автобус ирэх наймдугаар сарын 15-аас буюу маргаашаас нийтийн тээврийн үйлчилгээнд гарахаар болсон.
Энэ хүрээнд Энх Тайваны өргөн чөлөөг урт автобусанд зориулж өөрчилж, өргөтгөсөн юм. Тодруулбал, урт автобус явж эхлэхтэй холбоотойгоор 40 газрыг засч, янзалжээ. Урт автобус нийслэлийн төв зам дагуу буюу Таван шар-Оффицеруудын ордон чиглэлд үйлчлэх юм.
Беларусь улсад үйлдвэрлэсэн тус автобус 170 орчим хүний багтаамжтай бөгөөд эхний ээлжинд 20 автобус үйлчилгээнд гарахад бэлэн болоод байгаа юм.
Өнөөдөр Монгол Улсад прокурорын байгууллага үүсэн байгуулагдсаны түүхт 85 жилийн ой, Прокурорын албаны баярын өдөр зэрэг тохиож байна.
Увс аймгийн Өндөрхангай сумын Цалуу баг, Батсайхан багийн зааг нутаг “Алтан бургастай” гэдэг газар жимс түүж явсан И /14 настай, эрэгтэй/ төөрч алга болжээ. Энэ тухай дуудлага тус сумын цагдаагийн хэсэгт өчигдөр 00:30 цагт ирж, цагдаагийн хэсгийн хоёр албан хаагч, орон нутгийн 12 иргэн эрэн хайх ажиллагааг зохион байгуулж хүүг тус өдрийн 13:20 цагт эсэн мэнд олжээ.
ОХУ өнгөрсөн зургаадугаар сарын сүүлчээр Европын холбооны зарим оронд тавьсан хүнсний импортын хоригийг нэг жилээр буюу 2016 оны зургаадугаар сарын 23-ныг хүртэл сунгах шийдвэр гаргасан билээ.
Улиастай, Гачуурт чиглэлийн 11 км замын ажил өнгөрсөн зургадугаар сард эхэлсэн. Тус замыг “Үйлсийн зам” компани нийслэлийн төсвийн 6.123 тэрбум төгрөгөөр засаж байгаа юм. 8.4 км замынх нь ажил дуусаж, үлдсэнийг долдугаар сарын 30-наас засах байв. Гэвч иргэдэд мэдээлэл хүрээгүйн улмаас хугацааг наймдугаар сарын 8 болгон хойшлуулж, 2.6 км замын 1.4-ийг нь 14 хоногт засахаар төлөвлөжээ. Энэ хугацаанд тус замаар иргэд машинтай зорчих боломжгүй тул ийм хэмжээний газар алхах шаардлагатай болсон. Гэтэл оршин суугчид үүнийг эсэргүүцэн, зам хаасан тэмдэг, тэмдэглэгээг эвдсэн байна. Тэр ч бүү хэл, замын ажил хийж байсан хүнд гар хүрчээ. Гүйцэтгэгч компанийнхан арга ядахдаа маргааш нь буюу наймдугаар сарын 9-нд замыг нээж, засварын ажлаа зогсоосон байна. Иймээс нийслэлийн Авто замын газрын дарга Д.Нанзаддорж тэргүүтэй албаныхан өчигдөр газар дээр нь очиж танилцдаа. Тус газрын Зам барилгын хяналтын хэлтсийн мэргэжилтэн А.Оюунчимэгээс энэ талаар тодруулахад “Зам хаах тухай иргэдэд 3-5 хоногийн өмнө мэдэгдсэн. Мөн хорооны нийгмийн ажилтанд гарын авлага хүртэл тараасан. Гэтэл иргэд эсэргүүцсэнээр ажил зогслоо. Үүнээс болж тав хоногийн хугацаа алдаж байна. Зам хаахгүйгээр ажил хийх ямар ч боломжгүй. Уг нь төлөвлөгөөгөөр замыг энэ сарын 22-нд нээх байсан. Засвар хийх газар Баянзүрх дүүргийн XX хороонд хамаардаг. Бид Замын цагдаагийн газарт хамгаалалт гарган зам хааж өгөхийг хүссэн албан бичиг хүргүүлсэн. Энэ дагуу хэсгийнх нь цагдааг байлгахаа өнөөдөр мэдэгддээ. Өнөөдөр орой зам хааж, засварыг 14 хоногт багтаан хийнэ. Мөн хоёр гүүр засах юм” гэв.
“GUYS”
– “Хайрын
СУИС-ийн дэд захирал, доктор Ч.Алтанцэцэгтэй ярилцлаа. Тэрбээр хувцас судлаач хүн. Ажлын өрөөнд нь зузаан гэгчийн боть ном олж харлаа. Энэ бол түүний “Хүн хувцас орчин системийн хүрээнд дулаан хувцас зохион бүтээх онолын үндэс ба технологи” сэдэвтэй докторын ажил нь юм байна. “Доктор болохын тулд ийм их тоо боддог юм байжээ” хэмээн сонирхоход маань Ч.Алтанцэцэг хувцас судлаачийн ажлын тухай сонирхуулав. Функцлаг хувцас гэж ярьдаг даа. Олон үүрэг зэрэг гүйцэтгэдэг, материал нь амьсгалдаг. Даарч, халууцахад биеийн температурыг нэг түвшинд байлгаж чаддаг түвшинд хүрсэн, мембран бүтэцтэй, сансрын технологид хэрэглэдэг төлөв өөрчилдөг материал НАСА гаргаж авсан юм. Сансарт, цэрэгт хэрэглэж байсан технологиуд ахуйн хэрэглээнд их нэвтэрч байна. Гэхдээ хямд биш. Цэрэгт хэрэглэж байсан технологиудаа спортын хувцсанд хэрэглэж эхэлсэн. Дэлхий даяарчлагдаж байна. Бид бүх хувцсыг үйлдвэрлэхгүй байж болно. Хувцас үйлдвэрлэлийн бүтэн сүлжээ ажиллаж байгаа үед монголчууд бүгдийг оёх гээд чичрэх шаардлагагүй. Урд хөрш материал үйлдвэрлэгч, хойд хөрш том зах зээл байна. Монголчууд ядаж ажлынхаа хувцсыг яг ийм материалтай, стандарттай ийм өнгө будагтай байх ёстой гэсэн шаардлага тавихад тэр хувцсыг хаана л бол хаана хийгээд нийлүүлэх боломжтой болсон. Тэр шаардлагыг л миний энэ ажил гаргаж байгаа ухаантай хэмээн доктор тайлбарласан. 
Монгол улсын ерөнхийлөгч багийн спортыг дэмжих, хөгжүүлэх тухай зарлиг гаргалаа
УИХ-ын
“Өдрийн сонин”-ы баасан гаригийн дугаар уншигчдын гарт хүрлээ. Тус сонины тэргүүн нүүрт Үндэсний статистикийн хорооноос нийгэм эдийн засгийн сүүлийн үеийн мэдээлэл өгсөн талаарх мэдээлэл гарчээ. Түүнчлэн МАХН-ын дарга Н.Энхбаяр нутагтаа ирсэн бөгөөд тэрээр энэ үеэр сэтгүүлчдэд ярилцлага өгчээ. Тэрээр энэ удаа чухам ямар төлөвлөгөөтэй эх орондоо ирсэн болохыг II нүүрнээс уншаарай. Нийгмийн чиг хандлагыг тодорхойлогч “Өдрийн сонин”-ы III нүүрт тус сонины нийтлэлч П.Хашчулууны яг энэ цаг үед үүсээд буй үйл явдалтай холбоотойгоор бичсэн “Өршөөх нь өндөр ёс суртахуун гэж өвгөд сургасан байх аа” нийтлэл нийтлэгдсэн байна. Мөн энэ дугаарт УИХ-ын гишүүн Д.Арвин болон Даншигийн миссээр тодроод буй М.Баярмаа нарын сонирхолтой ярилцлагууд оржээ. Түүнчлэн Г.Дэнзэн хорих ангиас юу гэж захидал бичив зэрэг олон сонирхолтой үйл явдлын мэдээллүүд багтжээ.