Month: August 2015

Нийслэлийн Засаг Даргын Нийгмийн хөгжлийн асуудал эрхэлсэн орлогч Ц.Энхцэнгэлийг Өршөөлийн хуулийг хэрэгжүүлэх комисст багтаасан.

Гэвч тэрбээр Нийслэлийн Засаг даргын Тамгын газрын байранд хэвлэлийн бага хурал хийж, уг комисст ажиллахаас татгалзаж буйгаа албан ёсоор мэдэгдлээ.

Ц.Энхцэнгэл хурлын үеэр “АТГ-ын мөрдөн байцаалт явуулах гэмт хэрэгт өршөөл үзүүлж байгаа нь хуулийн засаглал, болон төрийн байгууллагуудад итгэх итгэлийг эвдсэн, өргөсөн тангаргаа зөрчсөн гэмтнүүдийг өөгшүүлсэн хариуцлагагүй үйлдэл юм. Албан тушаалын гэмт хэрэг үйлдсэн хүмүүст өршөөл үзүүлэх ёсгүй гэж үзэж байгаа тул ажлын хэсэгт орж ажиллахаас татгалгаж байна” гэв.

Найрамдлаар овоглосон Дархан хот өөрийн гэсэн цагтай болсон байна. Тус хотын нийгэм, эдийн засгийн хөгжилд ихээхэн үүрэг гүйцэтгэдэг Хөдөлмөрийн гавьяаны улаан тугийн одонт Дулааны цахилгаан станцын хамт олон 50 жилийн ойгоо тэмдэглэх арга хэмжээнийхээ хүрээнд олон бүтээлч ажил өрнүүлсний нэг нь Дархан хотын цагийг буй болгох ажил байв. БНХАУ-д захиалгаар хийгдсэн Дархан хотын цаг нь 12 метрийн өндөрт байрлажээ. Цагны хийц, загварыг станцын хамт олон гаргасан бөгөөд дөрвөн зүг найман зовхистын алинаас нь харахад боломжийн тод харагдах аж.

Сэтгэл зүтгэл нэгтэй станцын хамт олны гурван өдрийн цалин болох 40 гаруй сая төгрөгөө хотынхоо хөгжилд хандивлахаар шийдэн аймгийнхаа хүүхдийн эмнэлгийн хүүхэд дамжин өнгөрөх тасгийг бүрэн тохижуулж хүлээлгэж өгсний зэрэгцээ шинээр байгуулагдсан долдугаар хорооны нутаг дэвсгэрийг хүүхдийн тоглоомын талбайтай болгож багачуудыг баярлуулсан байна. Түүнчлэн станцын ажилчиддаа зориулан аймгийнхаа нэгдсэн эмнэлгийн Мэдрэлийн тасгийн гурван өрөөг бүрэн тохижуулжээ.

Орон орны охидын эв нэгдлийн бэлгэ тэмдэг болсон “Little miss world-2015” наадам есдүгээр сарын 27-ноос аравдугаар сарын 3-ны хооронд Турк Улсын Анаталя хотод болох юм. Энэ тэмцээн нь дэлхийн өнцөг булан бүрээс ирсэн охид нэгэн дээвэр дор цуглаж, өөрсийдгөө нээж, урлаг соёлын өвөө авьяасаараа дамжуулан сурталчлах, авьяас чадвар, оюун ухаанаараа дэлхийн сая сая охидын үлгэр дууриал болох боломжийг өгдөг юм. Харин манай улсаас төлөөлөн, оролцох үндэсний ялагчийг “SBN” телевизийн уралдаант, шоу нэвтрүүлгээр, үзэгчдийн нүдэн дээр шалгаруулахаар болжээ. Тодруулбал 10-14 насны охидын урд энэ хаалга нээлттэй аж. Наадмын бүртгэл өнөөдрөөс эхэлж байна.

Баянхонгор аймгийн Нэгдсэн эмнэлэгийн Халдвартын тасагт иргэн О /24 настай, эмэгтэй/ өндөр халуурч, тарваган тахал өвчний шинж тэмдэгтэй ирж хэвтсэн байна.

Түүний 1 дүгээр хавьтал бүхий нөхөр, 2 охиныг халдвартын тасагт тусгаарлан хэвтүүлж, шинжилгээнд дээж авчээ.

Иймээс энэ сарын 7-13 хүртэлх хугацаанд аймгийн төвийн Эрдэнэмандал багийн 9 дүгээр гудамж орчимд 50 м газар, аймгийн Нэгдсэн эмнэлгийн халдвартын тасгийн эргэн тойронд 50 м газарт хязгаарлалтын дэглэм тогтоон ажилласан байна.

Зооноз өвчин судлалын үндэсний төвд ирсэн дээжийг шинжлүүлэхэд хариу ’сөрөг’ гарсан тул дахин давтан шинжилгээ хийгдэж байгаа юм байна.

Дэлхийн II дайны төгсгөл болох Чөлөөлөх дайны түүхэн ялалтын 70 жилийн ой энэ онд тохиож байна. Монгол, Зөвлөлтийн арми шийдвэрлэх үүрэг гүйцэтгэсэн 1945 оны Чөлөөлөх дайны ялалт нь Азийн хэд хэдэн орны ард түмнийг харийн түрэмгийлэгчдээс чөлөөлөгдөхөд шууд тусалсан гэж судлаачид дүгнэдэг. Энэ утгаараа 1945 оны Чөлөөлөх дайны ялалтын ой Монгол, Орос, Хятадын ард түмэн, Зэвсэгт хүчний дайчин нөхөрлөл, хамтын тэмцлийг эргэн дурсах тэмдэглэлт үйл явдал юм.

Ойг угтан түүхэн ялалтын үнэ цэнэ, цэрэг эрсийн байгуулсан гавьяаг сурталчлах, мөнхжүүлэх, дайнд оролцогсод, ахмад дайчиддаа хүндэтгэл үзүүлэх, тэдний эх оронч сэтгэл, зүтгэлийг залуу хойч үедээ өвлүүлэх, ойн медаль гаргах, улс түмний найрамдалт харилцаа, Зэвсэгт хүчний хамтын ажиллагааг баяжуулан хөгжүүлэхэд түлхэц өгөхүйц цогц арга хэмжээг авч хэрэгжүүлж байна.

Тухайлбал, ЕБС-ууд “Чөлөөлөх дайныг сурагчийн үзгээр” эссэ бичлэгийн уралдаан зарлаж өсвөр үеийнхнийг түүхээ мэдэж, түүхээрээ бахархах сэдлийг төрүүлэн ялагчдыг шагнасан, ЕБС ахлах сургуулийн сурагчдын дунд спортын дөрвөн төрөлт тэмцээн, Ахмад дайчдад 70 жилийн ойн медаль гардуулах ёслол болсон бөгөөд тун удахгүй Төрийн одон медалиар ахмадуудаа шагнах гэж байна.

Наймдугаар сарын 16-нд Монгол улсын зэвсэгт хүчний 76 албан хаагч БНХАУ-ын Ялалтын 70 жилийн ойн парадад оролцохоор эх орноосоо явна

Наймдугаар сарын 17-нд Монгол цэргийн музейд “Бид ялав” нэртэй үзэсгэлэнгийн нээлт болно

Наймдугаар сарын 19-нд Сүхбаатар аймагт Чөлөөлөх дайны 70 жилийн ойн баяр болно /Батлан хамгаалахын сайдын тушаалаар/

Наймдугаар сарын 21-нд Дорноговь аймагт Чөлөөлөх дайны 70 жилийн ойн баяр болно /Батлан хамгаалахын сайдын тушаалаар/

Наймдугаар сарын 28-нд Улаанбаатар хотод хүндэтгэл ёслолын арга хэмжээ болно.

Энэ сарын 15-ны өдөр буюу маргааш Crocus Event Hall”-д дэлхийн хамгийн том, алдартай электроник хөгжмийн брэнд болох “Ministry of Sound”-ын албан ёсны нээлт болох гэж байна.

Тус эвэнтэд Нью-Йорк, Лондон, Дубай, Ибиза,Токио зэрэг дэлхийн томоохон шоу цэнгээний төв болсон газруудаар аялан тоглодог DJ нар болон тэдний арыг албыг амжуулдаг техникийн ажилчид, шоу зохион байгуулагчид хүрэлцэн ирж, жинхэнэ дэлхийн хэмжээнд шилдэгт тооцогддог шоу мэдрэмжийг монголын залууст түгээх нь ээ.

Мөн энэ эвэнтийн гол зочдын нэг DJ Hannah Jacques 2012 онд зохиогдсон “Английн BBC Radio 1”-ийн шилдэг DJ шалгаруулах тэмцээнд түрүүлж байснаас гадна, олон улсад алдартай Pete Tong, Disclosure and Axwell нартай хамтран “BBC Radio 1”-ээс зохион байгуулдаг “Ushuaia & Privilege” клубуудэд байнга DJ хийдэг юм.

Бас нэгэн онцлох зочин бол DJ, продюсер UrbanSoldier. Лондон, Дубай, Монако, Парис хотуудад суурин амьдардаг тэрбээр алдарт дуучин Rihanna-гийн Европоор хийдэг аялан тоглолтын DJ юм. Тэрээр Taylor Swift, Bruno Mars, Rita Ora, Black Eyes Peas, Justin Bieber,Jason Derulo,Mariah Carey зэрэг дэлхийн томоохон оддуудтай хамтран ажиллаж байгаа алдартай DJ юм.

Харин өнөөдөр “Үнэн” сонины байрны хажуу талын “Модерн Номадс” сүлжээ рестораны 3 давхарт Лондонгийн алдарт DJ Hannah Jacques, DJ, продюсер UrbanSoldier нар монголын хэвлэл мэдээллийнхэнтэй чөлөөт уулзалт хийнэ. Мөн энэ үеэр маргааш болох “Ministry of Sound World Tour Ulaanbaatar” эвэнтийн мандат олгоно.