МУГЖ дуучин С.Жавхлан урлагаасаа нэгэнт хөндийрөн улс төрд орохоор зүтгэж буй. Тэрбээр 2012 оны УИХ-ын сонгуульд МАХНаас төрсөн нутаг болох Увс аймгаасаа нэр дэвшсэн ч амжилтыг эс олсон. Үүнээс хойш С.Жавхлан төр засгийн удирдлагууд үргэлж шүүмжлэх болсон юм. Тэрбээр наадмын өмнөхөн эрх баригчдыг эсэргүүцэн төв талбай дээр үсээ хуссан билээ.
Ийнхүү уран бүтээлээсээ нэлээд хөндийрч яваа С.Жавхлан өнгөрсөн жил Монгол туургатан улсын уран бүтээлчидтэй хамтран “Хамаг Монгол” төслийг хэрэгжүүлж амжилттай дуусгасан. Уг төсөлд Өвөрмонгол, Халимаг, Буриад, Тува улсын уран бүтээлчид нэгдсэн юм. Тэгвэл МУГЖ дуучин С.Жавхланг Тува улс Ардын жүжигчин цол тэмдгээр шагнасан байна.
Хүнсний аюулгүй байдлыг хангах, үндэсний үйлдвэрийн болон экспорт, импортын бараа бүтээгдэхүүнийг шинжлэх, хяналт тавих, чанартай хүнс үйлдвэрлэх, экспортлохыг дэмжих чиглэлээр МХЕГ болон хүнсний эрдэм шинжилгээ, судалгаа, туршилтын “Само” институт хамтран ажиллахаар боллоо. Энэ тухай харилцан ойлголцлын Санамж бичигт МХЕГ-ын дарга Ш.Раднаасэд, институтийн Төлөөлөн Удирдах Зөвлөлийн дарга Л.Ганпүрэв нар 2015.07.22-ны өдөр гарын үсэг зурлаа. Хоёр жилийн хугацаатай Санамж бичигт заасны дагуу талууд хүнсний сүлжээнд оролцогсдод шаардлагатай дүрэм, журам, заавар, стандарт, бусад эрх зүйн баримт бичгийг шинэчлэх, шинээр боловсруулах чиглэлээр хамтран ажиллана Мөн лабораториудын баазад тулгуурлан хүнсний бүтээгдэхүүний найрлага, бүтцийн нарийвчилсан шинжилгээ, шаардлагатай асуудлаар хамтарсан судалгаа, шинжилгээ хийх, үе шаттай сургалт зохион байгуулах, хүнсний түүхий эд, бүтээгдэхүүний чанар, аюулгүй байдалд эрсдэлийн үнэлгээ хийх юм. 
Элэгний C вирусийг намнах “Харвони” эмийг Монгол Улсад ирэх аравдугаар сар гэхэд оруулж ирнэ. Иймд С вирустэй иргэдийг бүртгэх ажлыг ХӨСҮТ хариуцаж байгаа талаар өнөөдөр ХӨСҮТ-ийн дарга Д.Нямхүү, дэд дарга Я.Буянжаргал тэргүүтэй эмч нар мэдээлэл өглөө. Иргэдийн хувьд элэгний С вирустэй эсэхээ мэдэхгүй тохиолдолд нэн тэргүүнд харьяа дүүргийнхээ эмнэлэгт хандах ёстой гэнэ. Харин хөдөө орон нутгийн иргэдийн хувьд аймгийнхаа эрүүл мэндийн нэгдэлд хандах юм байна.
Хөвсгөл аймгийн Эрдэнэбулган сумын Зэрлэг багийн “Бургалтай ам”-нд энэ сарын 20-нд гарсан ойн түймрийг Хилийн 0257 дугаар ангийн 5 албан хаагч, орон нутгийн 27 иргэн шуурхай ажиллаж, цурманд оруулжээ.
Улаанбаатар хотын дулаан хангамжийн 3А,Б гол шугамыг ф600\500 болгон өргөтгөх ажлын хүрээнд Энхтайваны өргөн чөлөөний авто замыг зургадугаар сарын 06-наас эхлэн хэсэгчлэн хааж шугам хоолойн ажил хийж байгаа. Тус ажлын сүүлийн шатны ажил долдугаар сарын 13-ны 23:00 цагаас эхэлсэн бөгөөд Улсын их дэлгүүрээс Баруун дөрвөн зам хүртэлх авто замыг түр хаагаад байна. Шугам хоолойг өргөтгөх ажил 08 дугаар сарын 14-ний 06:00 цаг хүртэл үргэлжилнэ.
Увс аймгийн түүхт 90 жилийн ойн баяр наадам өчигдөр эхэлсэн. Тэгвэл уг ойг угтаж, Улсын Филоармонийн хамт олон бүрэн бүрэлдхүүнээрээ тоглолт хийхээр болжээ.
Уулзалтын эхэнд Л.Пүрэвсүрэн сайд цаг гарган хүлээн авч уулзаж буй БНКУ-ын дэд ерөнхийлөгч Улисис Розалес Дел Торо-д талархал илэрхийлэв. Монгол Улсын Ерөнхийлөгч Ц.Элбэгдоржийн мэндийг БНКУ-ын Төрийн зөвлөл, Сайд нарын зөвлөлийн дарга Раул Модэсто Кастро Руст уламжилж өгөхийг хүсээд, илгээлтийг гардуулав.
Увс аймаг байгуулагдсны түүхт 90 жилийн ой, Монгол бөхийн их баяр, баруун бүсийн хурдан морины “Увс 2015” баяр наадмын арга хэмжээ өнөөдөр эхэлж байна. Увс аймгийн удирдлагууд болон тус аймгаас мандсан улс төр, урлаг спортын төлөөллүүд маршал Ю.Цэдэнбалын хөшөөнд цэцэг өргөв. Тэнд XX зууны манлай бөх, Хөдөлмөрийн баатар, дархан аварга Х.Баянмөнх, Хууль зүйн сайд Д.Дорлигжав, Эрчим хүчний сайд М.Сономпил, УИХ-ын гишүүн Н.Алтанхуяг, Увс аймгийн Засаг дарга Д.Цэндсүрэн нар болон аймгийн иргэд хүрэлцэн ирсэн байв.
Грек улс олон улсын санхүүгийн байгууллагуудад 323 тэрбум еврогийн өртэй. Товлосон хугацаандаа зээлээ төлж чадаагүй тул дампуурлаа зарлах дөхсөн. Грекийн эрх баригчид Европын комисс, Европын төв банк болон ОУВС-тай хэлэлцээ хийсний эцэст тавьсан шаардлагыг нь хүлээн авахаар болж хариуд нь яаралтай тусламж авсан юм. Өчигдөр ОУВС-нд зээлийнхээ эхний хэсэг болох хоёр тэрбум еврог төлжээ. Өрийн асуудлаар тохиролцоонд хүрч, еврогийн бүсээс гарахгүй болсон хэдий ч Грекийн эдийн засаг олон улсын байгууллагын хяналтад бүрэн орчихоод байна.