Asian Judo Open буюу Азийн нээлттэй тэмцээн өнөөдөр Тайваний Тайпей хотод эхэлнэ. Олимпийн эрхийн оноо олгох тус тэмцээний сугалаа дараах байдлаар гарчээ.
Тус тэмцээнд манай улсаас эрэгтэйчүүдийн 66 кг-д энэ оны УАШТ-ий хүрэл медальт Мөнхтөрийн Ганболд болон өнгөрсөн сард ОХУ-ын Минусинск хотноо болсон ОУТ-ээс хүрэл медаль хүртсэн Баттогтохын Эрхэмбаяр нар өрсөлдөхөөр болсон.
М.Ганболд тэмцээний эхний эхний тойрогт Индонезийн бөхтэй учраа таарсан бөгөөд хожсон тохиолдолд Их Британы бөхтэй барилдана.
Нийт 22 бөх зодоглож байгаа 66 кг-ын жинд Б.Эрхэмбаяр эхлээд Лондонгийн олимпийн наадмын тавдугаар байрын шагналт Италийн Элио Вердетэй учраа таарчээ. Хэрвээ манай бөх учраагаа хожвол хоёрдугаар тойрогтоо Лондонгийн олимпийн аварга Арсен Галстянтай учраа таарах магадлалтай. Түүний хэсэгт ОХУ-ын нэрт бөх А.Галстян багтсан юм.
Харин эмэгтэйчүүдийн 48 кг-д энэ оны улсын аварга Эрдэнэцогтын Гэрэлмаа эхний тойрогтоо БНСУ-ын бөхтэй барилдана. Хэрвээ манай бөх учраагаа хожвол группын аваргын төлөө Словен, Вьетнамын бөхчүүдийн хожсонтой оноолт таарах юм. Мөн 57 кг-д Баярбатын Баасанжаргал Туркменистаны бөхтэй оноолт таарч, хожвол БНСУ, Тайваний бөхчүүдийн ялагчтай группын аваргын төлөө барилдана.
Харин ОУХМ Пүрэвжаргалын Лхамдэгд энэ тэмцээнд өөрийн -78 кг-ын жинд эхний тойрогтоо Энэтхэгийн бөхтэй барилдах бөгөөд хожвол хагас шигшээд Португалын Яхима Рамирез, БНСУ-ын Сун Чо-Роны хожсонтой барилдах юм.
“Өдрийн сонин” өглөө бүрийн ургах нарнаар тантай хамт угтдаг уншигч та бүхний оюуны талх юм. Манай сонины өглөө бүрийн шинэ дугаар дэлхийн өнцөг булан бүрт уншигчдынхаа гарт очиж мэдээ, мэдээлэл, оюуны цангааг нь тайлж байгаа билээ. Монголын үндэсний өдөр тутмын хамгийн том хэвлэл “Өдрийн сонин” Монголд хамгийн олон хувиар хэвлэгддэг төдийгүй захиалагч уншигчдынхаа тоогоор үргэлж тэргүүлж байна. Ойрын өдрүүдэд уншигч захиалагчдын тоо эрс ихссэн тухай судалгаа хүртэл гарчээ. Учир нь зуны улиралд зарим сонин хэвлэл хэвлэгдэхгүй байгаа учраас уншигчид цаг үеийнхээ мэдээ, мэдээлэл болоод онц сонирхолтой нийтлэл, улстөр, урлаг спортын сенсаци ярилцлага, нийгэм эдийн засгийн үнэн бодит сурвалжлага, тэмдэглэлийг уншихаар иргэд “Өдрийн сонин”-г сонгох болжээ. Тиймээс уншигч захиалагчдын ийн өссөн байна. Түүчнлэн “Өдрийн сонин” сонин борлуулах цэгүүдэд хүрмэгц худалдаалагдаж дуусдаг бөгөөд хамгийн эрэлттэй хэвлэл болохыг борлуулагчид онцолж байна. 
Тулгар төрийн 2224, Их Монгол Улсын 809, Ардын хувьсгалын 94 жилийн ой, Өмнөговь аймаг байгуулагдсаны 84 жилийн ой, Говийн бүсийн “Говь шанхын хурд-5″ уралдаан өнөөдөр нээлтээ хийж байна. Нээлтийн үеэр Өмнөговь аймгийг Хөдөлмөрийн гавьяаны улаан тугийн одонгоор шагналаа. Монгол Улсын эдийн засагт өндөр хувь нэмэр оруулсан тус аймгийн иргэдийн хичээл зүтгэлийг үндэслэн ийнхүү Хөдөлмөрийн гавьяаны улаан тугийн одонгоор шагнажээ.
Владимир Путин
Монгол Улсын Засгийн газрын тогтоолоор Дорнод аймгийн Онцгой байдлын хэлтэс, Онцгой байдлын газар болж өргөжин, Баян-Уул суманд аврах гал унтраах анги байгуулаар болжээ. Өнгөрсөн хавар гарсан тал хээрийн түймэрийн үеэр ирсэн Монгол улсын ерөнхийлөгч Дорнод аймгийн зарим сумдад гал унтраах анги байгуулах тухай аймгийн удирдлагатай санал солилцон энэ үеэр аймгийн зүгээс газар нутаг болон эрсдлийг тооцоолж Халхгол, Дашбалбар суманд гал унтраах анги байгуулах талаар саналаа хэлсэн бөгөөд энэ асуудал явсаар Гал унтраах нэг ангийг Баян-Уул суманд байгуулах шийдвэр гарсан байна.
Өндөр Гэгээн Занабазарын мэндэлсэний 380 жилийн ойд зориулсан Баторшил өргөх наадмын эрлийз дээд насанд нийт 39 хурдан хүлэг тоосоо өргөснөөс Өвөрхангай аймгийн Баян-Өндөр сумын Б.Батбаатарын өсгий цагаан хар морь түрүүлэв.Аман хүзүүнд Говь-Алтай аймгийн Баян-Уул сумын Жамъяангий халиун, гуравт Төв аймгийн Зуунмод сумын Д.Алтанхуягийн хонгор, дөрөвт Төв аймгийн Батсүмбэр сумын Лувсанбалдангийн халтар, айргийн тавд Өвөрхангай аймгийн Бүрд сумын Ч.Бүрэгдээгийн бор бариаллаа.