Арлын Япон улсын мэргэжлийн сумод Монгол бөхчүүдийн анхдагч болон барилдсан Кёкүтэнхо Н.Цэвэгням нагоя башёгоор зодог тайлж байгаагаа мэдээллээ.
Тэрбээр мэргэжлийн сумод 1992 оны гуравдугаар сард анхны барилдаанаа хийж, 1998 оны 11 дүгээр сард дээд зиндаанд дэвшин барилдаж байсан. 1999 оны тавдугаар сараас хойш дээд зиндаанд тасралтгүй барилдаж, 2012 оны тавдугаар сарын башёд 38 насандаа анх удаа түрүүлж байсан түүхтэй. Ийнхүү Кёкүтэнхо Н.Цэвэгням хамгийн ахмад настайдаа мэргэжлийн сумогийн дээд зиндаанд түрүүлсэн бөх болж, 1999 оны тавдугаар сараас хойш дээд зиндаанаас огт буулгүй барилдаж, олон томоохон дээд амжилтыг тогтоож байлаа. Кёкүтэнхо Н.Цэвэгням мэргэжлийн сумод зүтгэсэн 20 гаруй жилийнхээ дараа ийнхүү зодог тайлсан юм. Тэрбээр зодог тайлсны дараа нулимс урсган дэвжээнээсээ буулаа.
Нийслэлийн Засаг дарга бөгөөд Улаанбаатар хотын захирагчийн 2013-2016 оны үйл ажиллагааны хөтөлбөрт Орон сууцны хангамжийг нэмэгдүүлэх чиглэлээр ашиглалтын шаардлага хангахгүй болсон хуучин орон сууцны барилгуудыг иргэдийнх нь оролцоотойгоор дахин төлөвлөн барилгажуулахаар тусгагдсан. Энэ зорилтыг хэрэгжүүлэх ажлын хүрээнд Нийслэлийн иргэдийн Төлөөлөгчдийн Хурлын Тэргүүлэгчдийн 2014 оны 90 дүгээр тогтоолоор “Ашиглалтын шаардлага хангахгүй нийтийн зориулалттай орон сууцны барилгыг дахин төлөвлөн, барилгажуулах журам” батлагдсан.
Архангай аймгийн Ихтамир сумын Эрдэнэтолгой багийн “Цагаан даваа” гэдэг газар 5 настай, эрэгтэй М өчигдөр өдрийн 13:00 цагт төөрч сураггүй болсон байна. Энэ тухай дуудлагыг 2015.07.26-ны өдрийн 20:40 цагт онцгой байдлын газар хүлээн авчээ. Тус аймгийн Онцгой байдлын газрын 9 албан хаагч, 1 автомашинтай, эрэн хайх ажиллагааг зохион байгуулж байх явцад 2015.07.26-ны өдрийн 23:00 цагт иргэд эсэн мэнд олж ар гэрт хүргэж өгсөн байна.
Хүүхэд харах үйлчилгээний тухай хууль ирэх оны нэгдүгээр сарын 1-нээс хэрэгжиж эхэлнэ. Энэ хуулийг зарим гишүүн тэр дундаа МАН-ын бүлгийн гишүүд эсэргүүцэж байсан. Учир нь хүүхэд харах үйлчилгээний хуулиар хүүхдийн аюулгүй байдал зөрчигдөж байна. Багш, сурган хүмүүжүүлэгч бэлтгэхээс эхлээд хүүхдийн хоол хүнсэнд тавих хяналт байхгүй. Хүүхдийн нэр барьж төсвөөс мөнгө саах гэсэн арга гэх шүүмжлэл явж байлаа. Харин уг хуулийн төслийг санаачлагч эмэгтэй гишүүд “хүүхэд цоожтой хаалганы цаана үлдсэнээс хэн нэгний хяналтад байх нь хувь илүү” гэж үзсэн. 
Монгол Улсын Засгийн газрын 44 дэх ээлжит хуралдаан өнөөдөр 16.00 цагт Засгийн газрын хуралдааны танхимд болно. Тус хуралдаанаар дараах асуудлуудыг хэлэлцэнэ.
Өмнөд Солонгос улсын ерөнхийлөгч асан Ли Мён Бак энэ долоо хоногт Улаанбаатар хотод болох “Монгол дахь ардчиллын талаарх олон улсын бага хурал”-д оролцохоор болжээ. Тэрээр айлчлалынхаа хүрээнд Монгол улс ардчилалд шилжсэний 25 жилийн ойг тохиолдуулан зохион байгуулагдах олон улсын хуралд илтгэл тавих юм. Түүнчлэн Монгол Улсын Ерөнхийлөгч Ц.Элбэгдоржтой оройн зоог барихаар болсон байна. Тэрээр ерөнхийлөгч байх хугацаандаа Өмнөд Солонгос болон Монгол улс хоорондын стратегийн түншлэлийг бэхжүүлэх зорилгоор 2011 оны наймдугаар сард Монголд төрийн айлчлал хийж байсан талаар Yonhap агентлаг мэдээлсэн байна. 
Монгол Улсын ардчилалд шилжих үеийг гэрэл зургаар илэрхийлсэн Зориг Сан, Бүгд Найрамдахчуудын Олон Улсын Хүрээлэн (БНОУХ)-гийн хамтын бүтээл болох “Монголд ардчилал эхэлсэн түүх” түүхэн гэрэл зургийн цомгийн нээлт өнөөдөр /7 дугаар сарын 27/ болно. Энэхүү цомогт Монгол Улсад тайван замаар өрнөсөн ардчилсан хувьсгалын чухал мөчүүдийг англи, монгол хэл дээрх тайлбарын хамт гэрэл зургаар харуулжээ.
Сэтгүүлч С.Баттулгыг шүүх хурал өнөөдөр 13.30 цагаас Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд болно. Сэтгүүлч С.Баттулга нарт холбогдох шүүх хурал энэ сарын 9-нд болох байсан ч хойшлогдсоор өнөөдөр товлосон юм. Сэтгүүлчийг эх сурвалжийн хамт цагдан хорих шийдвэрийг дүүргийн шүүхийн шүүгч гаргасан бөгөөд өнөөдөр болох шүүх хуралд улсын яллагчаар Н.Мөнхжаргал, шүүгчээр С.Батжаргал нар оролцох ажээ.
Алдарт дуучин Уитни Хьюстоны охин Бобби Кристина Браун долдугаар сарын 26-ны өдөр нас барсан гэж түүний гэр бүл мэдээллээ.