Монголын сайтууд “Цахим хандив сан” гэсэн нэгэн шинэ сангаар бүл нэмлээ. Өвдөж шаналсан, хандив тусламж зайлшгүй шаардлагатай хүүхдүүдэд хүмүүнлэгийн тусламж, дэмжлэг үзүүлэх зорилгоор санаа нэгдсэн залуус “Цахим хандив сан”-г байгуулжээ.
Сүүлийн жилүүдэд эрүүл мэндийн болон бусад шалтгаанаар хандив цуглуулах хүсэлтэй хүн олширсон. Гэхдээ энэ хялбар ажил биш. Хувь хүмүүс хэвлэл мэдээллийн хэрэгсэлд хандаж, үүрэн телефоны оператороос тусгай дугаар авч, банкинд данс нээлгэхэд цаг хугацаа шаарддаг учраас өвчинд шаналсан хүүхдийн бие хүндрэх нь ч бий. Худал хэлж, хандив цуглуулан түүнийгээ эздэд нь хүргэлгүй хувьдаа завшсан тохиолдол ч гарсан. Мэдээлэл технологи болон хүмүүнлэгийн чиглэлээр олон жил ажилласан хэсэг залуус нэгдэж, эрүүл мэндийн тусламж үйлчилгээ, нийгмийн халамж нэн шаардлагатай, тусламж авах хүндэтгэх шалтгаантай хүүхэдүүдэд хандив тусламж цуглуулах нэгдсэн систем болох handiv.mn цахим хуудсыг бүтээж олон нийтэд танилцууллаа.
Тус сангийн нээлтийн ёслолд УИХ-ын зарим гишүүн, төрийн болон төрийн бус байгууллага, урлаг соёлын байгууллагын төлөөлөл, жиргээчид, сэтгүүлчид дэмжин оролцлоо. Цахим хандив санг УИХ-ын гишүүн С.Бямбацогт “Хүнлэг Монголын төлөө” ТББ-ийнхаа ажлын хүрээнд дэмжиж үг хэлэв. Мөн УИХ дахь эмэгтэй гишүүдийн төлөөлөл болох эрхэм гишүүн С.Оюун, С.Одонтуяа нар санг дэмжиж буйгаа илэрхийлж, УИХ-ын гишүүн Л.Энх-Амгалан мэндчилгээ дэвшүүлэн амжилт хүслээ. Урлагийн салбараас язгуур урлагийн “Алтай” хамтлаг 1400 жилийн өмнөх Алтай ятгын аялгуугаар сонор мялааж,СТА Ш.Баянмөнх, хөтлөж СТА дуучин Д.Балдан, УДБЭТ-ын дуучинСТА Н.Төмөрсүх, уртын дуучин Язгуур хамтлагийн уртын дуучин Ч.Баянжаргал, Төмөрсүх, дуучин н.Жавхланбаяр дуучин Ш.Хүрэлбаатар, нар оролцож ая дуугаа өргөлөө.
Энэ үеэр хүүхэд гэр бүлийн сэдэвт бүтээлээрээ хүмүүнлэгийн үйл ажиллагааг үргэлж дэмжиж байдаг зураач В.Ундраа “Ээж” бүтээлээ дуудлага худалдаанд оруулж, 30хувийг нь цахим хуудас бүтээсэн зардалд хандивлалаа. Мөн МоАХ-ны анхдагчдын хөргийг бүтээн олны танил болсон зураач Р.Батцэнгэл “Монголын нууц товчоог дэлхийд түгээе” бүтээлийнхээ дээжээс Их хаадын хөргийг УИХ-ын эрхэм гишүүдэд гардууллаа. Эрхэм гишүүн С.Оюун уг хөргийг зохих үнээр нь худалдан, олсон орлогоо Цахим хандив санд хандивлахаа мэдэгдлээ.
Сангийн нээлтийн ёслол дээр уг санг үүсгэн байгуулагчид ажиллах зарчмаа танилцуулсан юм. Өвчин эмгэг болон гэнэтийн аюул осолд нэрвэгдэж амьдралын хүнд нөхцөлд байгаа хэдий ч цаашид эмчлэгдэж эдгэрэх, бэрхшээлийг даван туулах боломжтой хүүхдүүдэд хандив тусламж нэн шаардлагатай болсон тохиолдолд асран хамгаалагчид болон итгэмжлэгдсэн хэн нэгэнwww.handiv.mn хуудаст бүртгүүлж албан ёсны эмчийн дүгнэлт, оношлогоо, шинжилгээний баримт, зураг, хандив хүсэх болсон шалтгаан, үндэслэл гэх мэт дэлгэрэнгүй мэдээллээ илгээх юм байна.
Тухайн мэдээлэлтэй танилцаж, хянан баталгаажуулаад сангийн журам болон шаардлагыг хангасан тохиолдолд цахим хуудаст байршуулж олон нийтэд мэдээллийг түгээн хандивыг цуглуулж, шаардлагатай тохиолдолд цугларсан хандивыг хандив хүсэгчээр дамжуулахгүйгээр эмчилгээг хийж буй эрүүл мэндийн байгууллагаруу шууд шилжүүлэх боломжтой ажээ.
Тус сан нь төсөв, мэдээллийн ил тод нээлттэй байдлийг эрхэмлэн Шилэн дансны хуулийг хэрэгжүүлэх санаачилга гаргаж, хандивын бүх мэдээллийг өөрийн веб сайт дээр ил тод нээлттэй байрлуулж тунгалаг итгэлтэй, нээлттэй байдлаар ажиллах болно гэдгээ илэрхийллээ.
Сүүлийн дөрөв, таван жил яригдаж байгаа, зэвсэг үйлдвэрлэдэг болон наймаалдаг улс, орнуудын үзэж харах сонирхолыг асар их татах болсон Т-14 буюу “Армата” хэмээх танкаа оросууд олны өмнө ил гаргалаа. Удахгүй болох Ялалтын баярын параданд оролцох энэ техникийн тухай зарим нэг мэргэжилтэнгүүд ийнхүү дүгнэж байна. Уг танк тагнуулын болон холбооны томоохон системүүдтэй. Хорин км-ын доторхи бүхий л үйл ажиллагааг хянах бөгөөд өөр лүүгээ нисч байгаа 1000м/с-ийн хурдтай ямар ч сум бөмбөгийг устгах чадвартай гэнэ. Газарт болон тэнгэрт болж буй үйлдлүүдийг бүтэн тойргоорхянажашигтай хувилбарыг мэдээлэх дэлгэц, компьютэр, багийн гишүүдийг кабин доторхи дэлбэрэлтээс хамгаалах давхар хана, давхар пулемёт, их буу, утаа тавигч гээд л баахан “ид шид” агуулсан агуу танк юм гэнэ ээ.
“Голден Стэйт Уорриоз” багийн холбон тоглогч Стэфен Карри энэ жилийн НБА-гийн улиралын тоглолтын хамгийн үнэ цэнэтэй тоглогч буюу MVP-ийн шагналыг хүртлээ. Урд жилүүдийгээ бодвол нилээн олон сагсанбөмбөгчдийн дунд “савалсан” энэхүү шагналыг сэтгүүлчид, олон хожил авсан болон хасагдах шатанд шалгарсан сагсанбөмбөгчдийн санал дээр үндэслэн тодруулдаг билээ. Шилдгээр шалгарсан Карри нийт 1198 оноо авсан бол “Хьюстэн”-ий Жэймс Харден 936, “Кливлэнд”-ийн Леброн Жэймс 552 оноо авч удаалжээ. Карригийн баг энэ жил 67 удаа ялалт байгуулж улиралын тэмцээнд түрүүлсэн бол холбон тоглогч маань өөрөө наян тоглолтод оролцож дунджаар 23,8 оноо, 7,7 дамжуулалт, 4,3 самбар авалтаар бусдыгаа хошуучилсан тоон үзүүлэлт гарчээ. 
Тайз дэлгэцийн зураач, нүүр хувиргагч Л.Цэрэндулам”Mongolian Art Show”-гаа энэ сарын 9-ны үдэш “Marque”-27 club-д хийх гэж байна.
Монгол Улсын Засгийн газар, Хүн амын хөгжил, нийгмийн хамгааллын яамнаас 2015 оныг Монгол Улсын хөгжилд залуучуудын оролцоо уриан дор “Залуучуудын хөгжлийг дэмжих жил” болгон зарласан.
Нийслэлийн ерөнхий төлөвлөгөөний газрын дарга, ерөнхий архитекторч Н.Нацагдорж өөрийн хүсэлтээр ажлаасаа чөлөөлөгджээ. Тэрээр өвчний улмаас ажлаа үргэлжлүүлэн хийх боломжгүй болсон хэмээн шалтгаанаар ажлаас чөлөөлөгдөх өргөдөл гаргасан гэнэ.
МАН-ын бүлэг “Тавантолгойн гэрээний төслийн хэлэлцэхийгдэмжээд, дараа засч, залруулах зүйл байвал ажиллаад явах ёстой” гэсэн байр суурь барьж буйгаа УИХ дахв МАН-ын бүлгийн дарга тайлбарлав. УИХ дахь МАН-ын бүлэг ээлжит хуралдаанаараа Монгол Улсын Засгийн газрын 2012-2016 оны үйл ажиллагааны хөтөлбөрийн хэрэгжилтийг эрчимжүүлэх тухай УИХ-ын тогтоолын төслийг хэлэлцээд дэмжих боломжгүй хэмээн үзжээ.
Нийслэлийн Засаг даргын Зам тээвэр, дэд бүтцийн асуудал хариуцсан орлогч Н.Гантөмөр Беларусь Улсаас Монгол Улсад суугаа Онц бөгөөд Бүрэн Эрхт Элчин сайд Станилав Чепурной, Монгол-Беларусийн Засгийн Газрын хамтарсан комиссын Беларусийн хэсгийн дарга А.С.Огородников болон бусад албаны хүмүүсийг хүлээн авч уулзлаа. Уулзалтаар Беларусь Улсын Аж үйлдвэрийн яамны дэргэдэх “Маз” ХК-ийн хэрэгжүүлж байгаа Улаанбаатар хотын нийтийн тээврийн хэрэгцээнд 20 автобус нийлүүлэх гэрээний хүрээнд хамтран ажиллах хэтийн төлөв болон хамтын ажиллагааны бусад асуудлуудыг хэлэлцэж, санал солилцов.
Монгол Улс “Онлайн эрх чөлөө” олон улсын эвслийг тэргүүлж байгаа бөгөөд 5 дугаар бага хурлыг Улаанбаатар хотноо зохион байгууллаа. Төрийн ордонд хоёр өдөр үргэлжилсэн уг хуралд 60 гаруй орны төлөөлөл, түүнчлэн ЮНЕСКО, ЮНИСЕФ болон Азийн сан, Эмнести интернэйшл, “Human Rights Watch”, “Дижитал Партнерс глобаль” зэрэг иргэний нийгмийн болон судалгааны байгууллага, “Google”, “Mozilla”, “Twitter” зэрэг мэдээлэл холбооны салбарын тэргүүлэгч компаниудын төлөөлөл оролцсон байна хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
Монгол Улсын Их Хурлын гишүүн, Өргөдлийн байнгын хорооны дарга О.Баасанхүү сар бүрийн эхэнд иргэдээс ирүүлсэн өргөдөл, гомдолтой холбоотой асуудлаар сэтгүүлчдэд ээлжит мэдээллээ хийв.
Мөн төрийн албан хаагчдыг үндэслэлгүйгээр халсан асуудалтай холбоотой Аудитын газар, Төрийн албаны зөвлөл болон Засгийн газарт албан бичиг явуулж буй. Энэ тухай санал дүгнэлтийг Байнгын хорооны хуралдаанаар хэлэлцүүлнэ. Түүнчлэн ирэх долоо хоногт Боловсролын тухай хуулийн хэрэгжилт болон хотын дахин төлөвлөлтийн асуудлаар хэлэлцүүлэг хийхээр төлөвлөсөн байна хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв.