Аргын тооллын тавдугаар сарын 6. Буд гариг, Билгийн тооллын 17. Эрхтний тэнгэрт одтой, хар морь өдөр. Өдрийн наран 05.43 цагт мандан, 20.15 цагт жаргана. Тухайн өдөр бар, нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, лусыг тахих, тангараг тавих, гэр байшингийн суурь тавихад сайн. Гэр бүрэх, хэрүүл тэмцэл хийх, сэтгэлд сэвтэй газар очиход муу.
Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод хойш мөрөө гаргавал зохистой. Зуны уур орох улирал 17.54 минутад эхэлнэ.
“Өдрийн сонин”-ы лхагва гаригийн дугаар хэвлэгдэн гарлаа. Энэ дугаарт гарсан нийтлэл, сурвалжлага, ярилцлагаас онцолж, тоймлон хүргэж байна.
Дэлхий дахинд интернэт маш хүчтэй, хурдтай хөгжиж байна. Гэхдээ улс орон бүрт өөр өөр хууль эрх зүйн зохицуулалтаар, эдийн засаг, нийгмийн янз бүрийн нөхцөлөөс хамааралтайгаар хөгжиж байна. Интернэтийн хөгжлийг ерөнхийд нь хязгааргүй гэж үзэж байгаа боловч үүний ард хүний эрхийг хамгаалах тухай асуудал, хувь хүний нууцыг хадгалах, элдэв халдлага хүчирхийллээс сэргийлэх тухай асуудал яригдаж байдаг. Тиймээс энэ бүхнийг хэрхэн шийдэх вэ гэдэг дээр хамгийн зохистой технологийг эрэлхийлж, шинэ санаачилга хайж туршлагаа хуваалцах үүднээс “Онлайн эрх чөлөө” эвслийн бага хурлыг жил бүр хийдэг юм. Эвсэл Азийн орноос анх удаа Монголд хуралдсан нь энэ. Төрийн ордонд хоёр өдөр үргэлжилсэн чуулган дэлхийн мэдээллийн технологийн шилдэг компанийн мэргэжилтнүүд, хүний эрхийн байгууллагын төлөөлөл, цахим хэвлэл мэдээллийнхнийг хамарлаа. 
Ерөнхийлөгч Ц.Элбэгдорж интернэтийн хөгжлийг бүхий л талаар дэмжинэ гэдгэээнэ хурал дээр илэрхийлж,“Онлайн эрх чөлөө”-ний төв оффисыг Улаанбаатарт байгуулах саналыг тавьсан юм. Хурлыг зохион байгуулагчдын нэг, “Глобал партнерс дижитал” байгууллагын төлөөлөгч Andrew Puddephatt-аас “Онлайн эрх чөлөө”-ний төв оффисыг Улаанбаатарт байгуулах санал хэрэгжих боломжтой эсэхийг тодруулахад “Хуралд ирсэн төлөөлөгчдийн хувьд сэтгэгдэл өндөр байна. Бидний ирсэн зорилго тодорхой хэмжээнд биелж, үр дүн гарлаа. Монгол Улсын Ерөнхийлөгчийн нээлтийн үеэр хэлсэн үг энэ арга хэмжээний ач холбогдлыг өргөж өгсөн. Монголын Засгийн газраас сайн зохион байгууллаа. Яваандаа онлайн эрх чөлөөний оффисыг энд байгуулах боломж байгаа” гэж хэлэв. 
Өнөөдрийн салбар хуралдаанаар “Монгол Улс дахь онлайн эрх чөлөө ба төр засгийн байгууллагуудын үйл ажиллагаа”, “Олон нийтийг цахим ертөнцөд холбох нь”, “Интернэтийн засаглал ба хүний эрх, ардчиллын үнэт зүйл, нээлттэй, ил тод байдлыг хөгжүүлэх нь” зэрэг сэдвээр асуудлыг авч хэлэлцсэн юм. Тухайлбал “Монгол улс дахь онлайн эрх чөлөө ба төр засгийн байгууллагуудын үйл ажиллагаа” хуралдаанаар Монголын цахим хэвлэл мэдээллийн орчинд байгаа зарим асуудлыг хөндсөнөөс гадна “Цахим өртөө”, “Торгоны зам” төрийн бус байгууллагын хийсэн судалгааг танилцуулав. Тэдний судалгаанаас харвал Монголд үзэл бодлоо илэрхийлэх эрх чөлөө хэдий хангалттай мэт боловч зарим зохицуулалт, журмаар хязгаарлагдах хандлага ажиглагдсан байна. Жишээ нь, Харилцаа холбооны газраас вэб сайтад сэтгэгдэл бичихэд тодорхой журам гаргаж, мөрдүүлж байгаа. Олон улсад сэтгэгдлийн асуудлыг томоохон хэвлэл мэдээллийн хэрэгсэл өөрсдөө дотооддоо зохицуулдаг байна. Харин Монголд ингэж төрийн байгууллага сэтгэгдэл зохицуулах нь оновчгүй гэж салбар хуралдаанд оролцогчид дүгнэж байсан. 
Италийн Милан хотноо 2014 оны 10-р сарын 16-17-ны өдрүүдэд болсон Ази-Европын Дээд хэмжээний 10 дахь удаагийн уулзалт (АСЕМ)-аар ээлжит 11 дэх удаагийн уулзалтыг Монгол Улс 2016 онд эх орондоо хүлээн авч зохион байгуулах тухай олон нийтэд зарласан билээ.
1. “Онлайн эрх чөлөө” эвслийн Сайд нарын 5 дугаар бага хурал тус эвслийн дарга Монгол Улсын удирдлага дор 2015 оны 5 дугаар сарын 4-5-ны өдрүүдэд Монгол Улсын нийслэл Улаанбаатар хотноо боллоо.
. Интернэтэд өдөр бүр сая сая хүн шинээр холбогдон, эдийн засгийн өсөлт, хөгжил, иргэний оролцоонд урьд үзэгдээгүй өргөн боломж нээгдэж байна. Энэхүү асар их боломж нь хүний эрхийг хамгаалж хөхиүлэн дэмжих, хил хязгаарыг алгасуулан мэдээ мэдээллийг чөлөөтэй солилцоход тууштай хандахыг шаардаж байна. Цахим орчинд хяналт тогтоох, хууль бус тагнах, хавчин хориглосон хууль тогтоомж батлах замаар хүний үндсэн эрх, эрх чөлөөг хавчин боогдуулах явдал интернэтийн асар их боломжийг үгүйсгэхэд хүрнэ. “Эвслийн гишүүд бид ийм оролдлогыг эсрэг, хүний эрх цахим орчинд ч бүрэн хэрэгждэг байхын төлөө тууштай ажиллах болно”.
албад аймшигтай газар хөдлөлт болсоны дараа халдварт өвчин гарч магадгүй хэмээн эрүүл мэндийн салбарын ажилтнууд анхаарууллаа. Энэ нь ундны ус бохирдсон, эрүүл ахуйн нөхцөл муу, амьдрах нөхцөл шаардлага хангахгүй байгаа зэрэгтэй холбоотой юм. Тиймээс хүмүүнлэгийн байгууллагаас Балбын хүүхдүүдийг улаан бурхан болон бусад халдварт өвчнөөс урьдчилан сэргийлэх вакцинжуулалт хамруулахаар болжээ. Байгалийн гамшигт нэрвэгдсэн ойролцоогоор нэг сая хүүхдүүдийг үүнд хамруулахаар төлөвлөсөн байна.
Хөлбөмбөгийн Аваргуудын Лигийн хагас шигшээгийн эхний тоглолт өнөө шөнө Улаанбаатар хотын цагаар бол 03.45 минутад Италийн Турин хотноо “Ювэнтүүс”-“Реал”.Мадрид багуудын тоглолтоор эхэлнэ. “Ювэнтүүс”-ийн хувьд үндсэн тоглогчид нь гэмтэлгүй, баг нь тун саяхан улсынхаа аварга болох болзлыг хангачихсан, нутагтаа тоглоно гээд давуу талууд байгаа бол өрсөлдөнчийнх нь хувьд асуудалтай зүйлүүд мэр сэр бий. Тэд дотоодынхоо тэмцээнд “Барса”-тай ач тач үзэлцэж хожигдох эрхгүй “давхиж” яваа бол үндсэн бүрэлдэхүүнд ч гэлээ зарим нэг нь “жагсаалаас” гарч нэмэр болж чадахгүй хэцүү л байх шиг. Үүний талаар Анчелоти хэлэхдээ “ Бензэмагийн гэмтэл илаарширч амжсангүй. Иймээс түүний олонд Чичарито тоглоно. Харин Бэйл гэмтлээсээ эргэн ирж байгаа. Тэр “Севильиа”-гийн эсрэг хагас цаг гүйсэн шүү дээ. Тэндээс анзаарахад Бэйл бидэнд туслах боломж харагдсан шүү ” гэсэн байна лээ. Энэ тоглолтыг Мартин Аткинсоноор толгойлуулсан Английн шүүгчид шүүн явуулах ажээ. 
Дуучин Б.Баярцэцэг 05-р сарын 08-нд “Крокус эвент холл”-д орос дуунуудаас бүрдсэн эксклюзив амьд тоглолтоо толилуулах гэж байна. Энэ нь түүний орос дуунуудаас бүрдсэн хоёр дахь бие даасан тоглолт юм. Өмнө нь 2008 онд “Ностальгия” орос дууны бие даасан тоглолтоо үзэгчиддээ толилуулж байжээ.
Монгол улсын Филармонийн гоцлол дуучин Баяраагийн Дэлгэрбаярын “ПОКЛОНИМСЯ” аугаа их ялалтын 70 жилийн ойн хүндэтгэлийн тоглолт болох гэж байна.
Нийслэлийн Иргэдийн Төлөөлөгчдийн Хурлын 2013 оны 10/39 дүгээр тогтоолоор батлагдсан байршлуудад иргэдэд газар шинээр өмчлүүлэх үйл ажиллагааг цахим хэлбэрээр шат дараатайгаар зохион байгуулж байгаа. 2014 онд зохион байгуулагдсан эхний ээлж, 2015 оны 1 дүгээр сараас эхлэн зохион байгуулагдсан 2 дугаар ээлжийн цахим газар өмчлөлийн ажлаар нийт 24766 нийслэлийн иргэн газар өмчилж авсан байна. Харин газар өмчлөлийн цахим системийн 3 дугаар ээлж 05 дугаар сарын 01-нээс эхэллээ. Бүргэлийн хугацаа хуанлийн 15 хоног буюу 05 дугаар сарын 15-ны өдөр дуусна. З дугаар ээлжээр дараахь 11 байршилд иргэдийг бүртгэж байна.